كتبت بواسطة ahmedkimo82

اولا الشفاء بيد الله سبحانه و تعالى
يا جماعه من الاخر و اجري على الله
الدكتور يسري عبده في شارع الميرغني قريب من كلية البنات و ابو شقره
الكشف 80 جنيه ، الناس بتجيله من اخر الدنيا ، و انا باروحله من حدائق الاهرام و اعرف ناس بتجيله من 6 اكتوبر

الغريب ان العياده بتاعته مش فخمه و تلاقي عنده امم امم

عنده قاعدة بينات بالمرضى و بيسجل على الكمبيوتر التاريخ المرضي و عمري ما رحتله مرتين على نفس الحاله حتى الاستشاره ما بيكونش ليها داعي.

طيب جدا و مهذب و بيرد على التليفون عادي جدا.
تليفون العياده 24186716
انا اسف مش هاقدر احط موبايله اعتقد دي حاجه شخصيه

بارك الله فيك... وجزاك خيرا علي الافادة

كتبت بواسطة dinahahmed

و فى كمان دكتورة ممتازة جدا كنت بتابع عندها اسمها هالة حمزة
عيادتها فى شارع محى الدين ابو العز فى المهندسين
وكشفها 100

دى دكتورة هايلة انا كمان متابعة معاها للولاد وكمان معاها اخوها فى نفس العيادة دكتور هشام حمزة تابعت معاه فى الحمل 3 مرات

السلام عليكم

انا تابعت فى الاول مع دكتور اسمه احمد البليدى فى مصر الجديدة - ميدان الاسماعيلية........ وهو استاذ فى القصر العينى وهو الصراحة شاطر جدا بس طبعا سريع جدا فى الكشف لان العيادة بتكون زحمة مووووووت والكشف ب80 جنيه وبميعاد بالتليفون وتيجى على ميعادك ب 100 جنيه والمستعجل 140 جنيه...............
بس مشكلته الانتظار الطووووووووووووووووويل فى العيادة لحد ما تدخلى يعنى كل مرة اروح كنت بستنى من ساعتين الى ساعتين ونصف لحد ما دورى ييجى........... ودى اكتر حاجة ضايقتنى الصراحة ومرة اضطريت اكشف مستعجل ودفعت 140 جنيه وبرضه دخلت بعد ثلث ساعة تقريبا.......

المهم بعدها زوجة اخويا قالت لى على دكتور شريف عبد العليم وهو برضه استاذ فى القصر العينى وعنده عيادتين,,,,,,واحدة فى المعادى الجديدة خلف المركز الاوليمبى وواحدة تانية فى الدقى والكشف ب70 جنيه وهو ممتاز الصراحة وصبور وهادى وبيرد على كل الاسئلة وعامل مطبوعات بالتطعيمات وببرنامج تغذية الطفل ابتداء من الشهر السادس و الدخول على طول يعنى انتظار نص ساعة فقط وبعدين تدخلى ......... وانا ارتحت جدا لما رحتله وندمت انى ما بداتش معاه من الاول ..............وحاليا انا فى الكويت مع زوجى وبدور على حد كويس هنا ............

[

المهم بعدها زوجة اخويا قالت لى على دكتور شريف عبد العليم وهو برضه استاذ فى القصر العينى وعنده عيادتين,,,,,,واحدة فى المعادى الجديدة خلف المركز الاوليمبى وواحدة تانية فى الدقى والكشف ب70 جنيه وهو ممتاز الصراحة وصبور وهادى وبيرد على كل الاسئلة وعامل مطبوعات بالتطعيمات وببرنامج تغذية الطفل ابتداء من الشهر السادس و الدخول على طول يعنى انتظار نص ساعة فقط وبعدين تدخلى ......... وانا ارتحت جدا لما رحتله وندمت انى ما بداتش معاه من الاول ..............وحاليا انا فى الكويت مع زوجى وبدور على حد كويس هنا ............[/QUOTE]



مممكن رقم التليفون

انا متابعه مع الدكتور احمد حمدي الصراحه ممتاااز هو في المهندسيين في شارع جامعة الدو العربيه فوق العمده و لي كمان عياده في الهرم بس الصراحه مش عرفه مكانها ...و هو الكشف ب 80 و كمان بيسمع و ياخذ و يدي في الكلام انا الصراحه بحب الدكتره البيسمعه مش يكونه مستعجلين و يقوله ما قل و دل

أزيكم يا بنات موضوع هايل جدا بارك الله فيكى يا كوكى

أنا متابعه مع دكتور: جمال يمامه
عيادته فى ميدان الجيزه عند سمير و على بجانب عمر أفندى

الدكتور ماشاء الله عليه بتابع معاه من و بنتى عندها 3 شهور
ممتاز ممتاز ممتاز
بيسيبك تتكلمى براحتك خالص و مبيستعجلكيش و بيرد على كل استفساراتك مهما كانت عبله و بسيطه
مبيكتبش ادويه كتير و كمان اغلب الأدويه اللى بيكتبها بتبقى طبيعيه يعنى مش بتدمر صحة الطفل و ديه اكتر حاجه بتعجبنى فيه
طبعا الشفاء بأيد الله واحده لكن ربنا جعله سبب دايما فى شفاء بنتى من حاجات دكاتره تانيه معرفوش يحلوها
و غالبا مبحتجش اروح أستشاره
بكلمه فى التليفون عادى و فى الموبايل
عنده ملف لكل مريض فيه كل الروشتات و الأدويه اللى اخدها

أجازته الخميس و الجمعه
كشفه :50 جنيه و الأستشاره مجانا و مشترك مع نقابات كتير منها المهندسين
تليفون العياده:35680810

مشكلتى مببقاش عارفه اعمل ايه لما البنت تبقى عيانه و هو اجازه لأنى مبثقش فى رأى حد تانى و لما بيرجع من الأجازه برحله
ولو البنت محتاج يشوفها دكتور فى تخصص تانى بيوجهك لناس كويسه برده

منها دكتور أيهاب ابو زيد أنف و أذن و حنجره ممتاز جدا عيادته زحمه علطول أخر مره رجتله كان كشفه 80 تقريبا و عيادته ميدان الجيزه امام الغرفه التجاريه فى برج فى اطباء كتير مش فاكره اسمه ايه هتلاقى اسمه واحد منهم
تليفون العياده: 35737336

انا فى بورسعيد باروح لدكتور ممتاز باخد له الولاد كلهم اسمه اسامه عرفه و كشفه 26 جنيه بس انا كل ما باروح باخد التلاته عشان الصغيريين بيشوفوا ايه الموضه فى العيا و بياخدوه من الانسه اللى بتجيبه من المدرسه

بجد يا جماعه الكشف غالي قوي احنا عندنا في دمياط مش غالي كده يعني اكتر حاجه 30 جنيه او زياده بسيطه علي العموم ربنا يكفينا شرهم

الدكتور محمد السيد هاشم استاذ فى جامعه القاهرة
هو الحقيقة ممتاز جدا وعمر الدواء بتاعة ماخيب
كشفة 60 جنيه وعيادته فى اخر فيصل
مشكلته انه على طول زحمة .. بس لانى ساكنه جنبه بروح احجز وبعدين ارجع على ميعادى

موضوع هايل مشكورة على الموضوع الجميل دة
انا بتابع مع دكتور حسام الاسناوى ممتازززززززززززز وفوق الامتياز كمان
ساعات برحلو فى العيادة وسعات فى المتشفى
الكشف فى العيادة 50 مع الاستشارة
اما فى المتشفى 20 والاستشارة 5
العيادةفى شارع اسون مصر الجديدة
والمستشفى فى ميدان الجامع الافغانى