السلام عليكم
هل اللبن الزبادى يغنى عن اللبن الحليب او بمعنى اصح يكفى لابنى اللى عنده سنتين هو مابيشربش اللبن الحليب بعد ما قطعت عنه البيبرونة
ولا بيحب المهلبيه ولا الرز باللبن
ساعات بحطله حليب على شاي بس ما بيشربش كتير وحتى العصاير باللبن كمان مبيحبهاش
هو بيحب الزبادى وبعطيله 2 زبادى فى اليوم فهل دة كفاية
ياريت تفيدونى وشكرا

وعليكم السلام والرحمة .

في البداية لا تعطيه شاي .. ابداً .. ابنك صغير جداً على شرب الشاي وان كان ممزوج بالحليب .

الزبادي من انفع الأغذية للأطفال .. واعتقد أن يقوم مقام الحليب بل ربما افضل خاصة للأطفال الذين يعانون من امعاء منزعجة .. لكن انتبهي من الإمساك لأن بعض الناس يسبب لهم اللبن الزبادي امساك ..

لا اعرف حجم العبوة التي تتحدثين عنها لكن ابنك يحتاج نصف لتر يومياً من الحليب او اللبن .. انصحك ان تقومي بتحضير اللبن في البيت ..

كنت احضره لأولادي عندما كانوا صغاراً وكنا نعيش في أمريكا لأنه لم يكن يوجد في الأسواق لبن كامل الدسم .. حتى عندما عدنا للبلاد وسألت أولادي مانوع اللبن الذي تفضلونه اجاب ابني الأكبر اللبن الذي كنت تحضرينه في البيت .

بصراحة تحضيره متعة .. سأحاول أن اكتب طريقته اليوم عشان خاطر ابنك ..

انا بقى ابنى رافض نهائيا للزبادى واى لبن خارجى وانا متضايقة جدا من الوضوع ده خايقة لما يتفطم مايرضاش بلبن او زبادى وتبقى مشكلة بجد

مع انى جبتله مكنة تصنيع الزبادى وكنت بعمله فى البيت وبرضو ماكانش بيرضى وعملتهوله بكل الطرق وبكل الفواكه وبرضو مفيش فايدة
يلا ربنا يهديه

شكرا لك حمرة الورد طمنتنى... وامى كمان بتقولى اعمليه فى البيت,,, بس ياريت تكتبلى الطريقة اللى انت كنتى بتعمليه بيها وعرفنى مكانها فين على المنتدى وشكرا ليكى
بس انا سمعت ان الشاي كويس وهو ما بياخدش كتير يمكن ربع كوب صغير او اقل وبيكون خفيف جداااا وعليه حليب والله انا مبحبش يشرب شاي بس مزاج عنده..

كوين ان شاء الله ابنك ياخد زبادى او حليب ربنا يخليه ليكى يارب

الغالية حمرة اجابتك
وانا معاها
انا ابني الكبير ما يشرب حليب
لكنه ياكل الزبادي
وحتى تتلافي الامساك بامكانك وضع ملعقة عسل مع اللبن.

http://www.lakii.com/vb/showthread.php?t=479349

شكرا ام سهيل
وشكرا مرة تانية يا حمرة الورد
وان شاء الله هاعمله فى البيت

جزاكم الله خيرا

حتى أنا استفدت من الموضوع

وحتى تتلافي الامساك بامكانك وضع ملعقة عسل مع اللبن.

و طبعا موضوع حمرة الورد

جزاكن الله خيرا

فعلا حتي انا استفدت من الموضوع لان ابنتي نفس الشئ ماتحب اللبن وحتي البزازه رفضتها تماما ..جزاكم الله كل خير