اخواتي حبيت اخبركم عن مرهم ينفع جدا مع سعال الاطفال ( يبعد عنهم كل مكروه )
لدي ابنة عمرها سنة واربعة اشهر و هي بين حين وحين تصيب بنزلات بردية شديدة مع سعال حاد وجربت معاها كل انواع الادوية المستشفيات ولكن تاخذ وقت طويل لين ما تتحسن اشوية و ترد مرة ثانية مع العلم ما عندها الربو بس حساسية شديدة في الصدر قبل اسبوعين زارتني خالتي في البيت و لما شافت البنت اتكح هذه الكحة قالتلي بسويلج مرهم ادهنيها كل اليلة وغطي صدرها بقماش خفيف انشاءالله بتتحسن و فعلا جزاها الله الف خير وايد تحسنت ( خلال ثلاثة ايام تقريبا )
الطريقة: دهن ( اللوز او زيتون ) 4 او 5 ملاعق - نصف ملعقة شاي او اشوية اكثر فكس - قليلا جدا من كركم اصفر
اتحرين الدهن وعقب اتحطين فكس وكركم واتخلين لين ما يستوي دافي تدهنين صدر و ظهر الطفل عقب اتغطين صدره بقماش خفيف و ادهني قبل النوم مباشرة عشان اتلحفينة ويا برنوس و الصدر لا يكون معرض للهوا
والله هو الشافي
جربوا وادعولي جزاكم الله الف خير
الروابط المفضلة