بسم الله الرحمن الرحيم

السلام عليكم و رحمة الله و بركاته


أخواتى فى الله
ياريت كل أم عانت من تأخر نطق أحد أطفالها تحكى لنا حكايتها

يعنى الطفل أتأخر لغاية أمتى
وكانت ايه حالة الطفل بالظبط , يعنى بينطق كلمات قليلة و لا مش بيقول و لاكلمة و لا بينطق غلط
هل راحت لدكتور تخاطب
كان ايه سبب التأخر
كيف كان العلاج

فى أنتظاركم حتى نستفيد

أنا هبدأ

أنا أبنى أسمه ياسين
عمره سنة و 11 شهر
لغاية دلوقتى مش بيقول و لا كلمة

هو بيقول بابا و ماما
بس بيقولها كده و هو بيلعب مش بيقولهالى انا و ابوه
و بيفهم كلامى بس مش كل الكلام طبعا
يعنى بيفهم تاكل, ممم اللى هى معناها الاكل برضو, امبو اللى هى معناها تشرب, باى باى, نام......... يعنى كلمات من النوعية دى
مع العلم اننا مغتربين فى بلد غير بلدنا و مالناش هنا اقارب او اصحاب
و هو طفلى الوحيد يعنى ما عندوش اخوات و اختلاطه بالاطفال نادر جدااااااااااااااا
و هو ماشاء الله عليه طفل طبيعى جداااااااااا بيلعب و بيتشاقى و بيتحرك
كل حاجة طبيعية مشيه و أسنانه و كل حاجة

وديته لدكتورين تخاطب واحد فى الامارات وواحد فى مصر
كشفوا على سمعه و طلع سمعه سليم الحمدلله
عملوله اختبار ذكاء و طلع ذكاؤه مناسب لعمره
قالولى الحمدلله الحمدلله ماعندوش توحد و لا اعاقة ذهنية
الدكتورين اجمعوا ان مافيش سبب للتأخر

طيب مافيش سبب
يبقى ليه ما نطقش لغاية دلوقتى
انا خلاص هتجنن و راسى هتنفجر
كل ما اشوف طفل فى سن ابنى و بيتكلم و بيقول ماما و بابا و تيتا بحس بالحسرة و الالم
ياريت حد يفيدنى أفادكم الله

لا أملك الا الدعاء له
رب أشرح له صدره و يسر له أمره و أحلل عقدة من لسانه
اللهم أجعله تقيا زكيا سليما معافى يارا بوالديه و من الصالحين و حفظة كتابك الكريم

انا بنوتى مى عمرها سنتين بس الى الان ما تتكلم او تنطق الا كم كلمة مثل ماما بابا ددى عمى هاتى اة حواوة وباقى كلامها كثير بس مش مقهووم منة ولا حرف انا مرة قلقلانة على سبب تاخير كلامها وبلذات انها اول بنت لى ولااسف انى مع رحت فيها الى الدكتور لانى اشووف كل شى فيها طبيعى بس الا الكلام افيدوونى هل مى طبيعية؟؟؟؟

الله يطمن قلبك علي ابنك

اننا كمان التؤام عمرهم سنه و4 شهور بيقولو بس كلمتين لا اكثر ولا اقل

غاليتي في البدايه حفظه الله لك وأقر عينك وعين ابوه به
ام ياسين دام الفحوصات كلها تفيد بانه طفلك لا يشكو من خطب سمعي والحمد لله ذكائه ممتاز لا يوجد ما يخيفك انا عندي مالك اول طفل وخضر تالت طفل تأخروا في الكلام مالك لبعد السنتين اصبح يتكلم بشكل مفهوم وكان يبلع بعض الحروف وهو الان والحمد لله من المتفوقين في دراسته وكلامه كتير كتير مش بيخلص
وخضر الان ثلاث سنوات ونصف تكلم هذه السنه فقط كان دائما يتكلم لغه غريبه حتى اناامه لااستطيع فهمها وهو الان ماشاء الله لبلب بيتكلم كل حاجه بيسال حجات كبيره قوي عليه
وكلي امرك لله وانتي افضلي كلميه بلغه عاديه ومفهومه لا تصغري الكلامات مثل نم وامبو وخلافه كلميه باللغه العاديه ولكن بشويش وهدوء علشان يستوعب كلامك
والنطق متفوات حتى عند الاخوه لانه عندي محمد ابني الثاني تكلم بدري و ابني الاخير سروووجه كمان تكلم من السنه وشهرين تقريبا وبنت سلفي ماشاء الله كانت تسع شهور تتكلم كلمات كتيره دي حاله نسبيه لا تخافي يا غاليه ولكن محتاجه لهدوء وطولة بال وربنا معاكي ان شاء الله

معلوماتى هلا اختى ان الصبيان عم يتاخروا فى النطق عن الصبايا
اختى عنها توم صبى وصبيه اللى يخليلها اياهم
الصبيه عم تنطق من وهى سنه ونص الصبى حتى الان لا ينطق سوى بابا ماما
بالرغم ان اخته ماشالله ثرثاره
الناس نصحوها ترسل عالروضه
وبعد شهر ماشالله ضل يحكى ومابنقدر نصمته ابدا
اسفه خيتى ماعندى اطفال بس حبيت اشرحلك حال اختى

مرحبا أم ياسين الغالية
سلامة دماغك حبيبتى
بصى بقى
أنا إسراء بنتى كانت مولودة بعد أبن أختى ب28 يوم بالضبط
وكانت إسراء ماشاء الله عليها بتمشى وبتتكلم
وسننت بدرى عن أبن اختى
حتى فى طريقة أكله كان مبيعرفش يمضغ كويس
وكان عامل زى البروطة
اى والله
وكانوا أخواتى يفضلوا يلعبوا مع إسراء
عن ما يلعبوا مع ابن اختى
بسبب أنها بتلاغى عنه
لاحظنا فعلا أن الصبيان بيتاخروا فى نموهم عن البنات ...متعرفيش ده راجع لأيه
غير انها بقت ملحوظة
وبعد سنة وشهرين بدأ يتكلم بعض الكلمات
وليست كلها ..وبدأ يعنى يمضغ كويس
والمشى كان برضه يعنى بالرغم من انه كان بيروح
حضانة لأن والدته كانت بتنزل الشغل يعنى كان كل ده ممكن يعطى تأثير افضل عن بنتى لأن إسراء لم تذهب لحضانة
وسبحان الله ..بعد فترة ليست بقليلة بدأ يبقى طبيعى ...وكله بأوانه
وياريت قلقك ده مينعكسش على الولد
خليكى طبيعية وتعاملى معاه عادى
وكل اللى يجيبه ربنا كويس وخير
وطالما الفحوصات كويسة يبقى فى امل انه
شوية بشوية يبدأ فى التكلم
وما أدراكى لما العيال بيتكلموا
وانتى عارفة
ربنا معاكى وربنا يقويكى
والحمد لله ..تذكريها دائما
الحمد لله
بوسيلى الواد ياسين
وأمه كمان
ياااااااااااااالا

اهلا يا ام ياسين اخبارك ايه
ربنا يطمنك على سيسو يارب ويفرحك بيه
وأظن بعد كلام الاخوات انا رأيى انك تطمنى ومتفركيش نوديه لدكتور فى الفتره دى سبيه كم شهر لبعد ما يكمل السنتين وشوفى وان شاء الله حتلاقيه احسن

أم ياسن اولا ربنا يحفظه ويحيمه يارب ويخليه ليكى بصى بقى انا تجربتى انا ادم ابنى عنده سنتين و6 شهور كان زى ياسن كده بالظبط مغلبنى كلام مكانش بيقول حاجة خالص نهائى وكنت اما بوديه عند الدكتورة تقولى طالما بيسمع ويفهم عادى جدا متقلقيش وفعلا قررت انى مش هلف على دكاترة الفترة ديه دلوقتى هو ابتدى يقول كلام قليل بابا ماما ادو يعنى جدو تيتيه مم بو كلام زى كده والحمد لله ابتدى يتقدم فى الموضوع ده بصى كلميه كتيرررر جدا اتكلمى معاه على انه واحد كبير و فاهمك انا ماما كانت بتعمل مع ادم كده لانى كنت بسيبه عندها واروح الشغل ولو تقدرى توديه حضانة يكون ياريت يلعب فيها ساعتين كده ولا حاجة ويحتك بأطفال يمك يقلدهم بس طالما ان الدكاترة طمنوكى يبقى بلاش لف على الدكاترة وبلاش تتحسرى ولا حاجة عادىىى وبكرة تزهق من كلامه انشاء الله معلش طولت عليكى بس حبيت اطمنك ان مش ياسن لوحده وعلى فكرة الصبيان بيتأخروا فى الموضوع ده عن البناتبوسيه كتيرررررررررر ومتقلقيش

يا ام ياسين
لا تقلقي على ابنك ياغالية

ابنك طبيعي
والاولاد بيتاخروا في الكلام

سبحان الله البنات من صغرهم يحكوا من بدري حتى يلحقوا على كل الكلام
الولد راكز شوية بيفكر كثير قبل ما يطلع كلمة هذه طبيعة الرجل
فلسفة يعني


انت اعملي لك كل يوم ولو لمدة عشر دقائق
جيبي كرت وعليه صورة انطقي اسم الصورة
كرري لمدة اسبوع
الطفل يخزن كل شي في ذاكرته
وفي الوقت المناسب ينطق


لا تقلقي ياقلبي.