مشكووورة حبيبتي على الموضوع الرائع الي بيعمل ارق عند
اكتر الامهات ...
بس ممكن اضيف تجربتي ؟؟؟
(سمحت لنفسي )
انا قرأت مقالات كتيييير انه الطفل قبل السنتين او الثلاثة بيكون
صعب يتحكم في اجهزة الاخراج....
يعني انا بديت مع طفلي لما كان تقريبا سنتين و نص !
و بصراحة لانه كبير و بيفهم ما غلبني اطلاااااااااقا !!!
بس اهم شيء في الموضوع الحزم! مش مع الطفل ،لأ ، مع نفسك...
يعني لا تبتدي وبعدين تقولي خلاص ما بدي !!!! لازم تستمري لانه اذا تهاونت بينعكس سلبيا على طفلك....
انا قررت في يوم اني انظف ابني ، اخذته على الحمام ( الله يكرمكم)
ووضعته على المرحاض ، طبعا كنت شارية قطعة خاصة للاطفال بتوضع فوق المرحاض عشان تصغيره ...
ابني استغرب الوضع ....بس كنت اشجع فيه و اغنيله و اصفقله و احيانا ارقصله!!!!!
وكنت افتح الماء في المغسلة الي مقابله او اني اغسله بشوية ماي !!
كنت الاقيه لوحده يعملها !!!!!!!!!
طبعا لما يعملها ابينله الانبساط ...و التصفيق !!
واحطله (ستكرز) لشخصية بيحبها على الحائط الي في الحمام!!!
وهاي كانت نقطة رووووووووعة ...كان يحب يدخل الحمام عشان يلصق على الحائط..
بس اذا ما كان يعملها ما الصق شي و اكون حازمة ....
بس اهم شي ...لا لا لا للضرب و التعنيف و الصرااااخ
و كنت طبعا ما استخدم البامبرز اطلاااااقا ولا حتى في الليل !
واذا كنت بدي اطلع لبرة ...البسه بامبرز مخصوص ، اسمه بوب اب...
مثل الملابس الداخلية بس بامبرز...يعني بينلبس و بينفك مثل الاندر وير تماما
وداخله رسمة صغيرة ، اذا ابتلت بتختفي !!
كان ابني مقتنع انه اندر وير مش بامبرز...!! وكان يطلب الحمام
وبرجع بلبسه اياها ...
والحمدلله رب العالمين
ما اخذ مني اكترمن اسبوع ...طبعا السن اله دوووور كبير .
طولت عليكم ...لكن حبيت تستفيدو من تجربتي .
الروابط المفضلة