يا مصريات الاقي فين مستلزمات البيبي الحديثة في مصر وياريت العناوين واسماء المحلات ولو ممكن الاسعار

ادوات الطعام- والبوتي ............................. إلخ

ارجو الرد ومساعده اختكم الغلبانة

بلييييييييييييييييييييييييييييييييييييييييييييييز

لا تهملوا الردود

والله يا حبيبتى انا من سوهاج وما اعرفش اماكن فى مصر يار بالاخوات الى عايشين فى مصر يساعدوكى

ممكن تلاقينها في التوحيد والنور هو معروف وله فروع في اماكن كتير بس والله مش متذكره اسامي المحلات بس في اخوات في المنتدي يعرفو بأذن الله يفيدونك

شكرا queen2020

شكرا ام حزم

على الرد والاهتمام وعقبال بقية الاخوات اما يفدوني

انا جبت حاجات ابني من كذا محل اسمائهم بونبون جنب نادي الصيد جنب محل لاكازتا بتاع البيتزا و من لوفلي ده مكانوا عند سور نادي الترسانة جنب مسجد الحامدية الشزلية و من اور كيدز في ميدان المساحةفي الدقي

فى مكان رائع جداا محل اسمه ليمون وفيه ماركات زى شيكو وكده واسعار رخيصه موت السلوبت مثلا ب30 جنيه بس المحل صعب توصليله شويه هو فى مدينه نصر خلف صيدليه افريقيا محل فى شارع هادى اسمه ليمون limonوكمان كنت بجيب الاطباق والبوتى والحاجات اللى زى دى من كارفور المعادى ده هتلاقى فيه كل شىء والبناطيل الصغيره هناك تحفه ورخيصه جداا ووسط البلد فى كتير ارجو ان اكون افدتك وربنا يقومك بالسلامه وادعى لى ربنا يرزقنى بطفل كمان اخاوى بيه ابنى احسن بقالى سنه مشتاقه جداا اخلف تانى

في محل في المعادي اسمه( لفلي )فيه كل مستلزمات البيبي بس اسعاره غاليه شويه
وفي كمان محلات في جراند مول المعادي

اختى عندك شارع عباس العقاد نفسه فيه محلين كبار واحد على يمينك امام مؤمن وكنتاكي وهو ثلاث ادوار

والثانى على الشمال بس جوه شويه العماره اللى قبل بيتزا سيزر على طول وده كمان ثلاث ادوار

وبعدهم بشوية هتلاقي التوحيد والنور اللى في عباس العقاد وبرده زي ما الأخت قالت فيه حاجات بيبهات كتير

وفي وانتى رايحه على السراج مول اللى في مدينة نصر هتلاقي برده في وش عمر افندي اللى جنب السراج مول هتلاقي محلين كبار وكل واحد فيهم تلات ادوار برده



وعندك فانتازيا لاند عند الكلية الحربيه

وتانجو في الشيراتون

وبيبي لاند في روكسي

وفي محلات في مصر الجديده في ميدان الجامع في شارع محلات الذهب اللى هناك برده كتيره

وعندك في المعادى في لفلي في ميدان الجزائر

وأى أستفسار تانى انا تحت امرك يارب بس أكون قدرت أفيدك بأى شيء

وربنا يتمملك على خير ويقومك بالسلامه

لو قريبة من هايبر ون فى حاجات حلوة اووووووووى