2-هل جربتى ان ينام الطفل في حجره اخري بعد ان كان ينام معكى ؟وكيف؟؟
في الليل ابدا ماجربتها بس في النهار بنقل سرايرهم ال2 على غرفتهم و بحط لهم جهاز البيبي توكي
اما بالليل لانهم مابينامو نوم متواصل وكل شوي بيصحو يبكو وانا والله ماني مستغنية عن وقت النوم اقوم اروح الغرفة اسكتهم وارجع
لاني فكرت انيمهم في غرفتهم برضو واحط لهم الجهاز البيبي توكي عشان لو لاقدر الله صار شي لواحد فيهم اكون مراقبة الوضع
3-ماهو اكبر خطا فعلتيه مع الطفل الاول وتريدى ان تصحيحيه من الطفل التانى؟؟
اني ما أصريت على ارضاعهم رضاعة طبيعية وتماشيت مع رغبتهم بالحليب الصناعي وباذن الله ما حاعملها مع اللي بعدهم ابدا و حاحاول قدر المستطاع اني ارضعهم للسنتين
كمان اني سمعت كلام الدكاترة و أعطيت اطفالي الاكل على ال6شهور وباذن الله البيبي الجاي من ال4شهور حاعطيه الاكل
4-في اى وقت بداتى تاكلى طفللك في اربع شهور ولا سته ولماذا؟؟
بدأت في 4شهور بس جاهم مغص لانهم خدج ووقفت وعطيتهم على ال6شهور بس ندمت لاني عملت بحث عن الاطفال اللي بدؤو الاكل على ال6شهور كلهم بتكون قابليتهم وشهيتهم للأكل ضعيفة
5-ما اول وجبه بداتى تاكليها لطفلك؟؟
سيريلاك الأرز بناءا على كلام الدكتور انه دايما بيبدؤو للأطفال بالأرز فقط + بسكويت ميلوبا مع الحليب جوا الرضعه
6-نريد منك تقديم وجبه حبها طفللك ليستفيدج منها بقيه الامهات؟؟
وجبة الفواكه
وطريقتها اسلق تفاح مقشر و مقطع مع نص كاسة ارز او كويكر شوفان و احط ملعقة سكر عشان لايسود التفاح و لما بيستوو احطهم في الخلاط مع موزة و حبة خوخ وملعقتين سكر و عصير برتقالتين والكمية بتكفي لطفلين وبأكلهم هي فريش مباشرة
وكمان وجبة الكاسترد بالشوكولاتة والبسكويت وهي حلا لنا احنا الكبار بس اولادي بيحبوها وتعلمتها من ام زوجي بتعملها للصغار في العيلة
وطريقتها
اجيب علبتين من حليب نادك بالشوكولاتة و احطها على النار مع 5ملاعق كاسترد و اغليها على النار بعدين احطها في صينية بايريكس و اصب جزء من الكاستر في أسفل الصينية وبعدين ارص البسكويت وارجع احط كمية تانية من الكاسترد و ارجع احط صف تاني من البسكويت و ارجع بالأخير احط طبقة كاسترد واحيانا كمان بحط معاها فواكه من جوا
7-ماذا تحبذي سيريلاك ام ريري ام جربر؟؟ولماذا؟؟
السيريلاك كل ما استخدمته اولادي بيجيهم بلغم على صدرهم وتوبة اني اجيبه تاني والله لو ايه
وبستخدم لهم وجبات فارليز البرطمانات القزاز او وجبات هاينز اما الجربر سيئة جدا و لاتقبلوها وانا ماتحملت ريحتها
بس لو تشمو ريحة الوجبات اللي بقللكم عليها فظييييييييييييييييييعة و لما مابياكلوها كلها وبيبقى شوي منها بقعد انا باكلها ههههههههه
8-هل تحبذي عمايل ايدك ام تقديم الاكلات الجاهزه لطفللك؟؟ولماذا؟؟
بحاول بكل شي ممكن يحبوه بس أفضل طبعا اكل البيت وشغل ايدي
اما لما بنطلع احسن انه يكون الأكل هو المعلبات والوجبات لانها اهون علي
9-بتعملى ايه يام يالى بتحبى طفللك ياكل من عمايل ايدك لو جتلك خروجه؟؟1
باخد معاي الوجبة اللي حيكون موعدها مع الخروج وبأكله هي او بعطيه سناك وشيبس يمشي حاله على بال مانرجع او وصلة عيش او ساندوتش بس الاكتر اني باخد معاي وجبتهم
10-بتعملى ايه لو ابنك امتنع عن الاكل فجاه وكلنا بنعانى من ده فى فتره التسنين؟؟
آآآآآآآآآآآآآه والله حطيتي ايدك على الجرح لانه انا كتير تعبت من الموضوع دا خاصة انه ابني سلطان دايما بيرفض الأكل بس اول شي بعمله اني بتأكد انه مافي شي صحي او مرضي لاقدر الله وبعدين احاول العبه بالبانيو او انزله الحوش او الجنينة يتفرج على القطط والبسس والطيارات و ياكل او احطه على المغسلة او بعطيه لعبة تركيب واذا عجرت عجزت عالأخير بقلي له اصابع دجاج ناجت من ساديا هو بيحب يمسك بإيده وياكل
بس بصراحة بعد ماتعبني المرة دي ولما شفته بينزل وزنه قمت جبت له فاتح شهية اسمه mosegar واعطيته منه كل يوم مرة وحدة بس مع انه مكتوب عليه مرتين لمدة اسبوع او 10 ايام ماني متذكرة بالضبط والله وحسيت انه اكله صار افضل شوي من الاول الحمدلله يعني ماوصل لمرحلة جيد حتى بس صار مقبول مو ضعيف
11-كلنا بنعانى من عدم قابليه الاطفال لشوربه الخضار كيف جعلتى ابنك يتقبلها؟؟
الروابط المفضلة