سلام عليكم اخواتى العزيزات
انا عندى مشكله ضخمه جدا وهى نوم ابنتى ذات العشر شهور
فهى فى الاربعه شهور الاولى كانت كالنسمه اضعها فى سريرها وتنام دون مجهود مجرد هز خفيف اما الان فنحن بالساعتين اشيلها وامشى بيها واغيرلها من ايدى لايد زوجى ولا حياه لمن تنادى وبكاء بهستيريا بمجرد ان تطفى النور وبمجرد ان افتح النور مره اخرى تلعب شويه ثم تبدا بالبكاء ثانيه لدرجه انى اقول فى نفسى هى مش عايزه تنام بلاش اجبرها رغم انها تكون مانمتش طول النهار اضعها فى ماشايتها تنام على روحها !!!!! اشيلها لاضعها فى سريرها تبكى وتصحى ونعيد الكره الى ان تنام من التعب والارهاق وتكون روحى راحت وانهارت من التعب وهى ايضا صعبانه عليه جدا .
عدد ساعات نومها قليل وفقدت الكثير من وزنها قالولى علشان الاسنان لكن انا حاسه ان علشان قله النوم فالنوم غذاء للاطفال وهى محرومه منه
على فكره البيت كله بيكون فى حاله سكون وهدوء مفيش حاجه تزعجها او تصحيها ولا ترضى تنام ابدا كما قلت لكم
هل هذا طبيعى ؟!
هل مرت احدكم بنفس التجربه فتفيدنى بخبرتها ؟
ساعدونى اعانكم الله
الروابط المفضلة