ازيك يا كتكوته ..

واهلا بأهل السعوديه كلها ..

انا الحمدلله بخير دامك بخير

انتي ازيك ؟؟عامله ايه ؟؟

تسلمي هلا فيك بعد يا الغلا وباهل مصر كلهم
×××××
لازم عدم حمل البيبي دائما والا سوف يتعود على حمله ولا ينام الا وهو محمول

مظبوط يا كتكوته شيل الطفل فى بعض الأحيان عمال على بطال مش كويس وخصوصا ان دى بتبقى غلطه للأم اللى اول مره تولد بتبقى فرحانه بوليدها الأول وتفضل شيلاه على طول وبعد كده تتعب ..

ايه يا امهات انتم فين محدش ليه بيدخل ...؟؟؟ مفيش حد عاوز يقول حاجه مفيده تفيد الأمهات

مرحبا وردة يا احلى وردة
تصدقي كنت أريد أخبرك شو سويت مع ابني
في هذيك الليلة كنت ناوية أقومه مرتين بالليل... صحيته المرة الأولى... ولما رجع ينام جلست جنبه وهو كان نايم
وقلت له في أذنه انت ولد جميل وشاطر... وكلنا بنحبك...وانت رح تصحى لحالك وتجي تصحيني عشان تروح الحمام ... ومدحته لحد ما كنت على وشك اني أنام ((( وهو كان كل ده ناااااااااااااااااااايم))).... وتصدقي صحى قبلي وجا عندي يصحيني وياااااافرحتي
الحمد لله والشكر
وبالنسبة للصغير هو كانت أسنانه هي سبب البكاء المستمر فعلا.... وعملت اللي قلتي عليه بس المشكلة انه هو فيه ضرسين بيطلعوا... ومعذبينه حييييييييييل... بس الحين أحاول اني العب معاه واسليه واشغل له باله بلعبة... ومرات أعمل حالي صغيرة وأقوم أغني له زي الصغار <<<<< خبلة صح!!!
الحمد لله....
انتي شو عاملة؟؟؟ وشو أخبارك؟؟؟

اهلا صديقه
انا فرحت اوى اوى لما شفت رسالتك دى بجد انا سعيده اوى انك قدرتى بروح وقلب الأم انك توصلى رسالتك بهمس فى اذن طفلك (ربنا يحفظه ليكى يا رب وتشوفيه راجل يشرفك فى كل مكان .. ) بالطريقه دى عرفتى تأثرى فيه وبكل عفويه ساعات بتطلع مننا حاجات سبحان الله
والف سلامه على ابنك الصغير معلش الأسنان كده وساعات بتجيب امساك او اسهال جوجو بنتى كانت شويه كده وشويه كده لما تعبتنى والله بس الحمد لله وعلى فكره لسه فى الأنياب لما تطلع اخر حاجه استحمليه شويه هتلاقيه عاوز حضنك ودايما يزن دايما خلى بالك ان الأنياب اصعب من كل الأسنان اللى طلعت طولى بالك عليه ربنا يحفظه ليكى يا رب ...

بجد انا سعيده جدا جدا بكلامك ..

انا بخير الحمد لله وجومانا كمان حلوه وعكروته شقيه بس دمها خفيف .... ههههه
هى ابتدت برضه تحاول تقولى عاوزه تدخل الحمام ابتدت تتعلم ..

حصل موقف النهارده وانا بكلم ماما على التليفون لقيتها عملت بيبيه علىنفسها وجدت تقولى قلتلها انا زعلانه منك مش هكلمك فقالتلى بيبيه وعاوزه الحمام عشان انظفها فماما كلمتها وقالت ليها روحى جيبى النونيه وبلاش تعمليها كده على نفسك فسمعت الكلام وراحت جابتها انا فرحت لأنها سمعت كلامها مع انها مش بتسمع كلامى فى الموضوع ده بس اهه ابتدت تستوعب شويه ربنا يسهل ....

صباح الخير يا امهات فين النشاط يلا ابتدوا وقولولى ايه الاخبار ,,,, !!!!
انتم فين ؟؟؟

السلام عليكم و رحمه الله و بركاته ,

أنا عجبنى قوى مواضيعكوا و قلت لازم أفضفض معاكوا علشان أنا حاسه انى خلاص لازم أروح لدكتور نافسانى , أنا أم لأول مرة
معايا أدهم وهو فى التاسع و أنا مشكلتى انى خايفه عليه و عايزه أربيه صح قوى و عايزاه يبقى متدين و حافظ للقرآن

مشكلتى الأولى انه لحد دلوقتى مش باكله أكل ممكن يوم اه و يوم لأ أكله سيريلاك و بتبقى كميه قليله جدا مش بيقدر ياكل أكتر من كده و ممكن كمان اديله صفار بيضه باللبن و طبعا بما انى موسوسه و خايفه عليه اضمن لبن احطوهوله على الصفار اللبن بتاعى
بخاف أكله اى حاجه الفواكهه و الخضار بقول ده كله كيماويات طب أجيبهم أورجانيك , ده حتى الينسون و النعاناع بدهيوله اللى فى باكيت علشان أورجانيك , و الميه ساعات من خوفى ليبقى فيها حاجه بعد الغلى باقرا فيها قرآن و فى نفس الوقت هو صعبان عليا انه مبيكلش حاجه بس هو الحمد لله صحته كويسه ووزنه كويس بس ابتديت الاحظ ان تحت عينيه بقى يا اما محمر يا اما غامق فقلت ده اكيد نقص فى حاجه .

تانى مشكله ان فى كلام باقراه من داكتره بلاقيه مناقض زى مثلا :

ميشربش لبن بقرى قبل سنه -------- مع ان الزبادى و المهلبيه و الجبن معمولين من اللبن البقرى
مياخودش ملح قبل سنه ------------- مع ان الزبادى و الجبن فيها ملح
مياخودش سكر قبل سنه ------------مع ان المهلبيه و الأرز بلبن فيهم سكر
و هكذا

ثالث مشكله ان فى شعره ما بين الحنان و التدليل :

يعنى قرات ان الحنان بيزود ذكاء الاطفال و بيخلى شخصيتهم قويه و بعيده عن الأمراض النفسيه و بتخلى مناعتهم قويه
وفى نفس الوقت مش عارفه افصل ازاى التدليل عن الحنان مش عارفه اعمل ايه و مثلا لما يجيى يعيط اقول اسيبه شويه علشان مايتعودش على العياط و بعدين أقول لحسن يفتكر انى مش مهتمه بيه أو مش حنينه عليه فيتأثر نفسيا فاروح شايلاه و بعدين لما يجيي يعيط تانى أقول المره دى بقى مش هاشيله و اسيبه يقعد يعيط يحزق لحد ما بيرجع تعبت من التناقضات مش عارفه اعمل ايه

رابع مشكله النوم :::: تخيلوا أدهم بينام ازاى ؟؟؟

لو مانمش و هو بيرضع لازم انيمه على كتفى و ابقى شايلاه و اقعد اتنطط بيه على المرتبه بتاعتى و لما اهدى التنطيط يضايق و يصحى ده غير انى خايفه كتر التنطيط ده يقصر على مخه يعنى بقال مثلا 6 شهور أو أكتر بيتنطط بس ده اما بيبقى ساعه النوم المتفرقه الحمد لله ساعه النوم المتواصل بيصحى يرضع و يكمل نومه و ساعات بينام لوحده علشان بيبقى مدروخ لسه عايز ينام

وأخيرا سؤال أبتدى من امتى احفظه القرآن باشوف أطفال عندهم 5 سنين و حافظين القرآن و الشيخ الطفل الصغير ده اللى بيطلع ساعات فى قناة الناس و ساعات بيخطب فى الناس أقول طب ده اتعلم امتى كل ده و ابتدوا معاه ازاى ؟ و لما بنزل دروس دينيه عت تربية الأطفال بيتكلموا عن الأطفال اللى هم من 7 سنين كده لو حد عارف يا ريت يقوللى

و معلش صدعتكوا بس حقيقى و الله فكرت أروح لدكتور نفسانى علشان أطلع أدهم راجل سوى علشان فعلا أعصابى ابتديت تتعب
و ابتديت ساعات من كتر الزن اتنرفز عليه جامد مع انى اساسا مش عصبيه بالعكس كنت رمز الصبر و البرود بس من خوفى عليه و من كتر الزن .

حبيبتى lucky كلنا مرينا بنفس الأيام بس أنتى فعلا مزوداها حبتين كدة أبنك حيطلع بيخاف وضعيف ومش حيتحمل مسئولية نفسة حتى
بصى بالنسبة للأكل أكلى حاجات بسيطة يعنى تفاح أهرسية وبكدة حتشيلى القشرة الخارجية يعنى ممكن تقشرى الفاكهة لو خايفة من الكيماويات وكدة مع أنها بتروح بالغسيل الجيد وبعدين ماهو لازم جسمة ياخد مناعة أما عن موضوع اللبن والملح والسكر أنتى لما بتديلة لبن قبل سنة بيكون مضاف لية مية مش لبن بس زى المهلبية ماهى عليها ية وبالنسبة للسكر أنتى مش يتحطى كتير لا ملح ولا سكر دى بنسميها بنطعم الطفل يعنى يدوق كل حاجة وبعدين بياخد أد أية يعنى خمس معالق أكل مش داخل جسمة ملح كتير ولا سكر كتير
موضوع النوم دا كدة غلط جدا فعلا كتر النط دة غلط علية جدا وبعدين لازم هدوء قبل النوم عشان ينام بعمق لازم تغيري العادة دى عشان لو أتعود على كدة انتى اللى حتتعبى وهو كمان طبعا أقرى لة قرءان وهو فحضنك ونور خافت وممكن يكون ننايم فسريرة وانتى جنبة كدة لكن كدة حيطلع كمان كثير الحركة وعنيف لأن فترة ماقبل نومة عنيفة مش هادية
أما عن حفظ القرءان فدا محتاج متابعة وأنها تكون عادة حتى تتكون لدية القدرة على العبادة يعنى من دلوقت تشغلى القرءان ويسمعه وبعدين متنتظريش منة رد فعل غير لما يعرف يتكلم كويس عشان ينطق صح يعنى أنا أبنى سنة 4 سنين وشهرين والحمد لله حافظ الفاتحة وقل هو الله أحد دول كويس بس فى سور تانية قصيرة مش قوى بس مش بضغط علية زى ما بيشوف أنا و بابة بنمسك المصحف ونقرا بيعمل زينا لأن الأم والأب هم القدوة خاصة الأب للولد عايز كمبيوتر زى بتاع بابا جبتلة واحد لعبة بس عبارة عن مصحف ناطق للسور القصيرة يعنى فرح بية واتعلم منة القراءة خططى حياتك أنتى وأبنك وممكن تعلمية الصلاة من وهو صغير بالتقليد أنة يقلدك ويعمل زيك
مععلش طولت عليكى بس عايزة أقولك بلاش خوف زيادة عن اللزوم عشان ابنك حتى وعشان أنتى نفسيا كدة حتتعبى جدا طب ولما تجيبى طفل تانى ابنك حيتأزم لأن الأهتمام اللى كان لية بقى لحد تانى
وربنا يحميهولك يارب

شكرا ليكى جدا و جزاك الله خير و ربنا يكرمك هاحاول أعمل كده و اتوكل على ربنا بس هو فعلا خوف عليه خايفه يجييى يوم القيامه ربنا يحاسبنى على اهماله صحيا و نفسيا و دينيا حاسه انه مسئوليه كبيرة و ناس زمان بيدولى نصائح غلط و بقت كل معلوماتى من النت ده حتى مش بسيبوا مع ماما أو حماتى علشان كانوا عايزين يأكلوه من التالت و بيأكلوه أى حاجه و يقولوا مانتوا كبرتوا اهه و كوايسين تخيلى ان حماتى شربت ابن بنتها وهو فى التالت شاى و لما قولنالها غلط قالت ماهو ولادها كلهم شربوا شاى فى السن ده علشان يفوقهم علشان كده حتى مش باعتمد عليهم و مش بسيبوا معاهم و ماما مره قفشطتها بتلحسوا شوكولاته برده حرمت