انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 21

تــعالوا شوفوا ملخص أول شهرين*موضوع متميز* ## موضوع صيفي ساخن ##

(الأمومة والطفولة - منتديات لكِ النسائية - الأرشيف)
السلام عليكم غبت فترة الى فاتت علشان الامتحانات وأدم كان تاعبنى شكرا لكل إلى أرسل رسائل يطمن عليا والله أسعدتمونى جداا ___________________________________ قلت أكتب بقى ...
  1. #1
    ام أدم's صورة
    ام أدم غير متواجد عضو نشيط
    تاريخ التسجيل
    Apr 2008
    الردود
    165
    الجنس
    امرأة

    المواضيع المتميزة تــعالوا شوفوا ملخص أول شهرين*موضوع متميز* ## موضوع صيفي ساخن ##






    السلام عليكم

    غبت فترة الى فاتت علشان الامتحانات وأدم كان تاعبنى

    شكرا لكل إلى أرسل رسائل يطمن عليا

    والله أسعدتمونى جداا

    ___________________________________

    قلت أكتب بقى ملخص الشهرين الى فاتوا مع أدم علشان أى أم جديده وعلشان أحتفظ بيها كذكره ليا أنا


    أدم الحمد لله عنده دلوقتى شهرين و 9 أيام بالظبط
    _____________________________

    فى العشر أيام الأولى :

    :

    1 ) السره : كنت مرعوبه جدا وبخاف من تنظيفها بس الحمد لله أتشجعت ومسحتها

    بالكحول وأهتميت بيها

    لأن تلويثها يسبب ليه الصفرا ومغص شديد

    ودى الأسباب الى خليتنى أتجرأ وأجمد وأمسحها جامد

    ولما وقعت الحمد لله كان مكانها أسود ولدلوقتى لسه بمسحها بكحول

    2) طبعا المغص

    كنت بمسك أعصابى جدااا وكنت بعمل الى يهدئ أدم مش الى يريحنى

    يعنى كنت أتمشى بيه فى الشقه هو كان بيحب ينام فى الكارى كوت

    كنت أنيمه فيه وأتمشى فى الشقه

    أديه نقط سبازموتال للمغص وأدفئ بطنه

    وأنظف سرته وأهدى الجو حوليه

    وأبعد أى حاجه تزود المغص

    3) الصفراء:

    نسبتها مش كانت كبيره بس وهو عنده 13 يوم زوجى صمم نروح نكشف وروحنا لدكتور ( ربنا يسامحه ) أعطاه أدويه منها منشط للكبد

    المهم طبعا بعد الحاح من زوجى اعطيته الدواء بس لمده 3 ايام بس مقدرتش اكمله ليه
    وراحت الصفرا

    بس المنشط تعب معدته ولخبط نظام الاكل خالص

    كان كل الرضعه يستفرغها على طول

    بس انا اصريت واكترت من رضاعته رغم ترجيعه المستمر

    ضعف جدا

    ونزل كتير

    والحمد لله بعد شهر كامل بدء ترجيعه يقل لحد ما انتهى تماما

    الغازات

    حبيبى كان بيحزق خالص ووشه يحمر لدرجة إنه كان بيرجع من كتر حزقه

    واظبت ليه على دواء جميل جدا إسمه سويت بيبى

    ريحه تماما بس بعد فتره طويلة حوالى شهر برده

    كنت أنيمه على بطنه
    وكنت بالليل أخده فى حضنى

    علشان حزقه يقل شويه

    كنت طول الليل منيماه جنبى فى حضنى علشان يستريح

    وأقلل رضاعته بالليل شويه


    مع بداية الشهر التانى بدأ الأمساك

    وااااااااااااااااااااااه من الأمساك

    أخذت أنا ملين أعشاب طبيعيه علشان الامساك الى عندى مش يزود الى عنده

    وحافظت انى اشرب سوائل كتير

    وجبت ليه لبوس جلسرين اطفال

    لما ارفع رجليه بضغطه خفيفه ناحية صدره دا ساعده انه يخرج الغازات وكمان يقلل الامساك

    كنت افضل ماسكه رجليه وادعك ليه بطنه لحد ما يعمل

    واعطيه اللبوس كل يومين لو مش عمل فيهم

    يقوم يخرج اليوم الثالث أفضل رافعه رجليه وادلك بطنه

    يقوم يخرج الى فى بطنه

    بعد حزق شديد حبيبى

    والله طبعا كان راعبنى جدااا

    وكنت بمتحن

    فكنت خلاص

    بس الحمد لله من 4 أيام بدأ ينتهى الأمساك ويارب يخف منه بقى

    المهم

    كنت بزهق جدااا من الرضاعه لمده طويله

    فكنت بأخذ أدم فى حضنى و أرضعه وأنا نايمه بس أكون رافعه رأسه على إيدى وحضناه

    الوضع دا ريحنى جدا

    والحمد لله ريح أدم كمان

    أدم حصل ليه إلتهاب فى عضوه

    مع بداية الصيف والحر فكان مش طايق نفسه

    كشفت عليه وأخذ مضاد حيوى بس معملش اى حاجه

    المهم استمريت على المرهم الى الدكتور كتبه

    وبقيت أحميه مرتين كل يوم

    وأشطفه على طول

    وأهتم بالحفاظه

    بس سبحان الله

    رغم كل دا جيه ليه التهاب الحفاظات

    كنت فى سباق مع الزمن

    أعمل ليه نشا

    وأسيبه أطول فتره من ير حفااظه

    وااااه من كميه الغسيل الى كنت بغسلها

    التهابات الحفاظه راحت الحمد لله

    بس التهاب عضوه خف بس من الحر ممكن يتعبه

    علشان كده لسه مستمره إنى أحميه كل يوم على الاقل مره

    أدم جسمه مش بيطيق الحر ولو يوم مش استحمى تظهر ليه حبوب الحراره على طول

    كنت بدهن ليه دهان جميل اسمه ديرمو كالم

    بس عرفت ان احسن من الحموم الطبيعى مفيش

    طبعا السهر بلليل مقرف جداا

    بس بدأت أتغلب على الحكايه دى

    إنى أخلى نوم النهار بتاعه مقطع

    يعنى كل ساعتين نوم بالنهار اصحى ارضعه

    ألعبه شويه علشان يفوق

    أشغل ليه اناشيد اطفال بصوت عالى

    واغنى معاها

    يقوم يصحى

    ولما ينام تانى ساعتين بالظبط واعمل كده تانى

    وبالليل الساعه 9 أحميه وأرضعه والنور مطفئ وانا نايمه وهو نايم جمبى

    اوقات ربنا يهديه وينام

    واوقات يصحى اعرف وقتها ان دا مش ميعاد نومه خلاص مش هينام

    أقوم واخداه وطالعه على الصاله أرضعه مثلا وانا قاعده على الكمبيوتر او بقرأقصه علشان مش ازهق و اتنرفز عليه

    ومن سكوتى وسكون البيت ينام

    اوقات بعد ساعه واوقا بعد ساعتين واوقات الصبح

    بس رغم كده محافظه على النظام دا احاول الساعه 9 مش انام يبقى يرضع وانا بعمل حاجه وساكته

    ولما ينام اهدئ الجو حواليه خالص

    واقوم ارضعه كل ساعتين فى هدوء شديد

    علشان مش يصحى من الجوع


    من يومين خليته يمص تفاحه كنت باكلها

    عارفه انه لسه صغير

    بس والله كنت مبسوطه جدا

    ومص عنبه كمان

    والحمد لله دلوقتى احسن كتير

    وبحاول انظم يومى علشان الاقى وقت فاضى كبير اقدر اعمل كل حاجه

    اليومين دول ماسك عاده غريبه ولسه بدرى اوى عليها

    بيمص ايده واوقات يحط الاثنين ويمصهم

    وانا اهو صابره عليه افضل اطلع ايده

    واوقات لما ازهق احط ايديه جنبه وادخلهم فى البنطلون

    شكله يبقى يفطس من الضحك

    بس المهم مبيعرفش يشيل ايده يمصهم


    دعواتكم بقى ربنا يهدى أدم
    ويهدينى ليه


  2. #2
    ام أدم's صورة
    ام أدم غير متواجد عضو نشيط
    تاريخ التسجيل
    Apr 2008
    الردود
    165
    الجنس
    امرأة

    flower3



    وننسيت أقول ليكم كمان

    بعد الأمساك ما جه ليه وعلى بداية الصيف

    صحيت أرضع أدم لاقيت عينه وااااااااااااااااارمه ومغلقه تماما

    طبعا بعد عياطى وانى صحيت جوزى غسلت عينه بقطنه وماء دافئ

    وقررت انى الصبح اكشف عليه

    اتصلت بأختى ( دكتوره ) قالت لى طبيبعى مع حساسية حبوب اللقاح استخدمى مرهم تراميسيين والقطره الى عنده

    طبعا هديت شويه بس برده قررت انى اكشف عليه

    بس فضلت اعمل ليه كماداات ماء دافئ واحط قطره 5 مرات فى اليوم والمرهم مرتين

    من كتر الكمادات استريحت عينه قبل ما الصبح يجى

    والورم راح خالص

    وكل ما عينه تعمل ( عماص ) امسحها بمايه دافيه ومستمره فى الكمادات

    بس بالليل تورم خفيف

    فضلت على القطره والمرهم ومش كشفت

    3 ايام والحمد لله خفت تماما

    رغم انى عمرى مانيمته على الارض او مكان مش مخصصاه ليه يعنى نظيف تماما

    بس الحمد لله خف منها على طول

  3. #3
    PARADISE's صورة
    PARADISE غير متواجد عضو نشيط
    تاريخ التسجيل
    Mar 2008
    الموقع
    مصر
    الردود
    442
    الجنس
    أنثى
    ازيك يا ام ادم الحمد لله انك و ادم بخير يا رب يكبر و تشوفية عريس ان شاء الله
    مشكورة على ملخص الشهرين اكيد هيفيد الامهات الجدد فكرة جميلة جدا جدا منتظرين باقى الملخصات كل شهرين برضة ههههههه و خصوصا بقة لما يبدأ التسنين ان شاء الله و بوسيهولى كتيييييييييييييييييييييييييييييييييييييييييييييييي يييييييييييييييييييييييييييير

  4. #4
    ام أدم's صورة
    ام أدم غير متواجد عضو نشيط
    تاريخ التسجيل
    Apr 2008
    الردود
    165
    الجنس
    امرأة
    أهلا أم زياد

    والله انتى كمان وحشتينى


    ____________________

    كمان جت عليا فترة لبنى قل جداااااا

    وحبيبى كان من جوعه بيمصى ايدى جامد

    استمريت على الحلبه

    الجو كان نار مش كنت بقدر اشرب منها كتير

    وفعلا الحل السحرى كان الحلاوة الطحينيه

    جبت علبه وكل ما أعدى من جنب الثلاجه أخذ معلقه والحمد لله اللبن رجع طبيعى

    ______________________

    وأدم جت ليه حساسيه وهو صغير

    10 أيام تقريبا

    حبوب اتنشرت فى جسمه

    جبت ليه مرهم بتنوفيت جميل جدااااا

    راحت الحساسيه فى يومين

    وعرفت الحمد لله انها من الفراوله والموز

    ومن يوميها مش باكل الاتنين

    لانى لما اكل واحده منهم

    جسم حبيبى يحمر خااااااااااااااااالص كأنه نار

    والحبوب تنتشر فى رجليه كلها

    رغم انى بحب الفراوله جداا

    لكن امرى لله حكم القوى بقى

    ولو افتكرت حاجه تانيه هقول ليكم

    سلاام

  5. #5
    dooo22's صورة
    dooo22 غير متواجد النجم البرونزي
    تاريخ التسجيل
    Sep 2006
    الموقع
    مصر
    الردود
    506
    الجنس
    امرأة
    ربنا يخليهولك وتشوفيه عريس ان شاء الله وفعلا معظم اللى قولتيه انا كمان مريت بيه مع ابنى كنت عاورزة اسألك طاهرتيه ولا لسه لو طاهرتيه تعب لمدة قد ايه وعمل ايه ؟ ايه الاعراض يعنى اللى بيحس بيها لأنى لسه ما طاهرتش ابنى بسبب الصفرا ساعة الولادة والدكتور قال لى لما يتم اربعين يوم تكون الصفرا راحت واطاهره ولما روحت وهوه اربعين يوم الدكتور كشف لقى عنده ميه فى الخصية فقال لى لو طاهرتيه مش هتخف لكن استنى عليه هى بتخف لوحدها هو المفروض اروح من اسبوع بس انا سايله هم انه يطاهر وعارفة انه هيتعب ويتعبنى معاه

  6. #6
    كوثر احمد غير متواجد عضو نشيط
    تاريخ التسجيل
    Aug 2006
    الردود
    258
    الجنس
    أنثى
    الله يحفظلك ابنك

    الحمد لله على السلامة

    بس لسه بدري على الاكل يعني بالكثير حبه تمرة مخمورة بالماء بعدين تشخليها وتخليها بين الرضعات

    بعدين الاكل في هالفترة حتى لو كان فاكهه ممكن يتعب معدته

  7. #7
    ام أدم's صورة
    ام أدم غير متواجد عضو نشيط
    تاريخ التسجيل
    Apr 2008
    الردود
    165
    الجنس
    امرأة

    flower3

    الطهاره

    أنا طهرت أدم يوم ولادته

    أنا عملت عملية بعد الولاده

    دا خلانى أبات فى المستشفى

    الصبح الدكتورة قالت لزوجى أحسن حاجه يطهر قبل ما الصفرا تيجى ليه

    وفعلا طهرناه

    أهم حاجات بعد الطهاره

    طهرى العمليه كتير انا كنت كل 3 ساعات أنقط بيتادين على اللصق الى الدكتور وضعه على العمليه

    كمان 3 ايان تروحى للدكتور يشيل اللصق

    خلال ال 3 ايام دول حاسبى تخبطى العمليه جامد وغيرى ليه بهدوء وبلاش بامبرز

    بعد ما تفكى اللصق حافظى جدا على نظافة مكانها وخاصة الثنايا الى فى العضو علشان ميحصلش اى التصاق

    وطهريه دلوقتى قبل ما يكبر كل ما يكبر كل ما يتحرك اكتر كل ما يتعبك

    ونصيحه والله عن تجربه لكل الامهات

    أى وجع فى ابنى كان نفسى الاقى مسكن يهدى وجعه شويه

    والله ما لقيت حسن من رضاعته وقتها

    ومن صدرى الشمال

    بيرتاح

    بس طبعا بعد ما اعرف سبب وجعه واعلجه

    ارضعه يرتاح وينام و لو حطيته على السرير يصحى ويبكى

    وما دام انا عارفه انه تعبان اسيبه فى حضنى علشان يهدأ

    لكن لو بيدلع

    طهريه حبيبتى وابقى طمنينا

  8. #8
    ام أدم's صورة
    ام أدم غير متواجد عضو نشيط
    تاريخ التسجيل
    Apr 2008
    الردود
    165
    الجنس
    امرأة

    flower3

    رحت طعمت أدم بعد ما تم الشهرين بيوم


    التطعيم حقنتين ونقط

    حبيبى وهو بياخذ الحقن مقدرتش ابص ليهم مسكت وجهه وكلمته اطمنه انى جنبه

    كان نايم صحى على اول حقنه وبكى وسكت وبكى فى التانيه وشيلته وخرجت ونام وانا شايلاه

    بعد ساعتين او تلاته

    بدأ الصويت

    أى حركه بسيطه لرجله يبكى ووشه يحمر

    واااااااااه كان تعبان جداا

    أخذته فى حضنى وثبت رجله على قد ما قدرت وعملت ليه كمادات ماء دافئ وماء بارد

    ماء دافئ علشان يقلل الورم

    ماء بارد

    علشان يسكن الوجع

    طبعا كمادات ماء دافئ

    وبعد ساعه بارد

    وبعد ساعه دافئ وهكذا

    وحفظت انى ارضعه ورأسه تكون على صدرى معظم الوقت علشان يهدأ

    بالليل كان وجع رجله قل

    بس الحراره كانت ناااااااار

    عملت ليه كمادات واديته خافض للحراره

    كان فيه نسبة مسكن

    فنام شوى

    نوم متقطع

    الصبح رجليه كانت احسن

    بس الحراره فضلت طول اليوم وانا فضلت اعمل كمادات ليه

    والحمد لله عدت على خير

    _______________

    هو تعبان النهارده وامبارح

    انا هروح للدكتور اكشف عليه بالليل

    لانى خايفه يكون عنده التهابات فى الاذن

    وحاسه انه عنده

    ادعوا ربنا ليه

    بس مش عاررفه اروح لدكتور اطفال ولا انف واذن

    لانى شاكه بس انه عنده التهابات اذن

    انا رايحه بالليل

    الى تقدر تفيدنى ربنا يجازيها خير

    ولما ارجع من عند الدكتور احكى الى حصل

    مغامرة جديده مع ابنى

  9. #9
    ام أدم's صورة
    ام أدم غير متواجد عضو نشيط
    تاريخ التسجيل
    Apr 2008
    الردود
    165
    الجنس
    امرأة
    كوثر انا خليته يمص تفاح وعنب

    مش اكلته اكل

    الفراوله والموز انا الى اكلتهم مش هو

    شكرا على مرورك يا غاليه

  10. #10
    dooo22's صورة
    dooo22 غير متواجد النجم البرونزي
    تاريخ التسجيل
    Sep 2006
    الموقع
    مصر
    الردود
    506
    الجنس
    امرأة
    شكرا ام ادم على الافادة
    انا روحت به انهاردة لكن الدكتور برده ما طاهره المرة ديه قال لى انجسمه ما شاء الله مليان وده خلى العضو عنده صغير والجلد حواليه كتير لو طاهره دلوقتى هيقفل تانى ف استنى لما يبقى 5 شهور
    اا عن التطعيم ففعلا بيتعبهم جدا بس احسن حاجة اول ما يتطعم على طول ادهنى له مرهم هيموكلار مكان الحقنه عشان ما تورمش واديله خافض الحرارة برده ما تستنيش لغاية ما يسخن عشان ما يتعبش

    والبنسبة للفاكهة انا عملت له عصير تفاح مسلوق ومخفف بماء عشان لسة صغير واكله فى الببرونة وبيحبه كتييير
    آخر مرة عدل بواسطة dooo22 : 17-06-2008 في 03:26 AM

مواضيع مشابهه

  1. برنامج صيفي من تنفيذي لابنائي ...تفضلو...# موضوع صيفي ساخن #
    بواسطة اسير الحريه في المواضيع المتميزة في ركن الأمومة والطفولة
    الردود: 58
    اخر موضوع: 04-08-2008, 11:29 AM
  2. البرنامج الصيفي لأولادي ##موضوع صيفي ساخن ##متميز
    بواسطة الثمال في الأمومة والطفولة
    الردود: 12
    اخر موضوع: 22-07-2008, 10:04 PM
  3. جنى و ماما في الصيف :) # موضوع صيفي ساخن #
    بواسطة د.سوسن في الأمومة والطفولة
    الردود: 40
    اخر موضوع: 20-07-2008, 08:14 PM
  4. الردود: 43
    اخر موضوع: 20-07-2008, 08:59 AM
  5. برنامج صيفي من تنفيذي لابنائي ...تفضلو... # موضوع صيفي ساخن #
    بواسطة اسير الحريه في الأمومة والطفولة
    الردود: 2
    اخر موضوع: 14-07-2008, 08:27 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96