كرمال عيون مشرفات الطفوله--شغل الثلاثى المرح( عمل مطبخي مميز)

**lone~ly** · 22-04-2008, 08:41 PM

عزيزاتى الامهات بناءا على وعدى لام البنين باضافه شئ من صنع ابنائى
فقد قاموا بالتفنن بتزيين هذه الكيكه البسيطه
لكن اوعدونى ما تضحكوا عليها لانها نتجت من بعد صراعات بين الثلاثى المرح
كل واحد بدو يشترك ويخبص وطلعنا بهلنتيجه

المطلوب كان كيكه على شكل سياره بناء علىطلب ابنى
وانا مش فنانه فخترعت

المطلوب
عدد 2 كيكه مستطيله

كريمه اللون المرغوب احنا استخدمنا ابيض
وكريمه لون تانى وحلويات اطفال المرغوبه
فواكه مشكله للحشو

ماما طبعا خبزت الكيكتين من قبل بيوم علشان يكونوا باردين

اول شى ماما حاولت تعمل الكيكتين على شكل جسم السياره
وطلع هالشكل بتضحك علينا وبتقول استنو شوى

بعدين حشتهم كريمه وفواكه

واحنا بنستنا اللهم طولك يا روح
وهيأت الشكل وأدتنا لكريمه وبدينا نغطيها
وهيا تقول الله يستر ما يصيبنا تسمم منكم ومن تخبيصكم
المهم خلصنا لكريمه واخدنا اللون التانى بالقمع وحطينا حدود السياره تيبين شكلها وزيناها بالسباركل
وخلصنا واكلناها
بس خلينا ماما اتصورها بالعافيه

شو رايك خالتو ام البنين

وطبعا ما نحرمنا من كم تعليق من ماما وبهدلنالها المكان
وماما حرمت اتخلينا نعمل شى متل هيك

والسلام ختام

مشرفتنا شو رايك
الله يعين كل وحده بتدخل أولادها المطبخ
بدال ما اشتغل مره اشتغلت مرتين

**ام خاطر** · 22-04-2008, 08:52 PM

مشكووره حبيبتي شغل حلوو وااايد ربي ما يحرمكم من ماما وما يحرمها منكم
تسلمن لي انتو والماما الحلوه
اختك ام خاطر

**د.سوسن** · 22-04-2008, 09:32 PM

تسلم ديات الماما و الثلاثي المرح..
اذا سمحت لجنى تعمل هيك شي ...بنعلن المطبخ منطقه كوارث غير صالحه للحياه البشريه ل 30 سنه ههههههه

*** نور هدى *** · 23-04-2008, 08:51 AM

بارك الله فيكم كلكم يا أحلى أسرة

**um almajd** · 23-04-2008, 04:39 PM

ماشاءالله يا لنلووووووووووووووووونه
حبيبتي الله يخليلك هالثلاثي المرح يا قمر
والله شغلهم حلو ومرتب ماشاءالله عنهم .. ولو بهدلوا شوي متل العسل <<<<< كأنه أنا اللي نظفت بعدهم هههههه
الله يعطيك العافيه ياقمر .. ويعطي هالثلاثي الف الف الف الف عاااااااافيه يا رب
وهاي بوسه من خالتو فتوووووش مووووووووووووواه هههههههه

**ام ادم 007** · 23-04-2008, 05:59 PM

لا كل شي ولا يدخلوا المطبخ ما بقدر مره عملت بسكوت وتركتهم يحشوه

صار كل شي بالمطبخ يدبق ههههههههههههههههه

وبدل ما تقعدي ربع ساعه في عمل الطبق بصير بده 4 ساعات غير وقت التنظيف ههههههه

الله يعطيكي العافيه لونلي اولا على صبرك وثانيا على الطبق الجميل

الله يخليلك الثلاثي المرح

**ام البنين1977** · 23-04-2008, 08:47 PM

ما شاء الله سيارة روعه ما شاء الله

رح أخلي محمد و بشر يعملوا واحدة و رح أصورها بإذن الله

بس لما بالنا يروق
دعواتك

**lone~ly** · 24-04-2008, 08:16 PM

كتبت بواسطة ام خاطر

مشكووره حبيبتي شغل حلوو وااايد ربي ما يحرمكم من ماما وما يحرمها منكم
تسلمن لي انتو والماما الحلوه
اختك ام خاطر

تسلم ام خاطر
على الرد والدعوات
لك بالمثل

كتبت بواسطة د.سوسن

تسلم ديات الماما و الثلاثي المرح..
اذا سمحت لجنى تعمل هيك شي ...بنعلن المطبخ منطقه كوارث غير صالحه للحياه البشريه ل 30 سنه ههههههه

هههههه
ام جنى خليها على قد كب كيك
اسعدنى مرورك

كتبت بواسطة نور هدى 7

بارك الله فيكم كلكم يا أحلى أسرة

تسلميلنا يا احلى نور
على ردك ومرورك

**ام سهيل** · 24-04-2008, 08:33 PM

احلى سيارة من احلى ثلاثي مرح

تسلم دياتكم مع ديات الماما

تعرفي حلو مشاركتهم في المطبخ

بس

بس

بس

راح تجري شعرك بعدها .

ربي يسعدكم يارب.

**رندوش** · 26-04-2008, 08:45 AM

لنلونه والله انك فايقه ورايقه ما شاء الله
الله يعطيك طولة العمر
انا كان عمري قصر من ثانيه لا اعتراض على حكم الله
او اولادي مربطين في كرسي المطبخ ههههههههه
بس بحب يساعدوني بالتزيين اما الكريما لالالالالالالالالا
اكيد الطاوله اكلت والارض اكلت صحه وعافيه
بس فعلا فنانين الاولاد واهم شي المساحات مش ناسياهم هههه

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: كرمال عيون مشرفات الطفوله--شغل الثلاثى المرح( عمل مطبخي مميز)

أدوات الموضوع

العرض