السلام عليكم ورحمه الله وبركاته
كيفكم يابنات انا بتابع المنتدي دا كل يوم تقريبا والمواضيع فيه بتعجبني جدا ,انا حابه النهارده احكلكم مشكلتي مع بنتي والحفاظ انا بنتي عمرها الحين سنتين الا شهر يعني هتم سنتين في شهر 4 وانا اعيش في الامارات وانا مصريه يعني اهلي مش معايا ,كنت بحاول تعويد بنتي علي دخول الحمام من حوالي شهر ونص مثلا كانت في اول الشهر بدأت تلتزم كل ما ادخلها الحمام لكن جتلها فتره جالها فيها امساك بدأ كل التعليم تنساه لانها مكنتش بترضي تدخل ولو دخلت بتحاول تقوم وتعيط فكنت بشيلها ,حاليا هيه بتكون فاهمه انها لو عاوزه تدخل الحمام ممكن تخبط وتدخل وتقعد تشرحلي كدا لانها مش بتتكلم تقعد تخبط علي الحمام وتشاور عليه يعني فاهمه بس برضه بتعمل في البامبرز وساعات ادخلها الحمام تقعد فتره ممكن من ربع الي نص ساعه علي حسب مزاجها وتحب تقوم وبعد كدا بنص ساعه مثلا تعمل في البامبرز ,المشكله بقي انها امبارح عملت في البامبرز وانا كنت في الحمام وهيه بره فقلعت البامبرز قدام باب الحمام ومشيت من غير البامبرز ودا نرفزني جدا منها بس مضربتهاش فهمتها ,فيه مشكله تانيه مديقاني من موضوع دخولها الحمام انها بتلعب في جسمها وهيه قاعده وخصوصا مابين رجليها من فوق ودا بيدايئني جدا وبضربها بتعند ومش بتشيل اديها ومره اكلمها واقولها كدا غلط برضه بتعمل نفس الشئ مش عارفه اتصرف معاها ازاي مع العلم انها بتكون فاهمه بس بتعند اعمل ايه في المشكله دي انا قريت بعض المواضيع عن كيف تجعلي طفلك يتخلص من البامبرز بس كل طفل يختلف عن الاخر ياريت تفيدوني وشكرا للجميع