السلام عليكم ورحمه الله وبركاته
خواتي في المنتدى
انا قررت اكمل ديني واروح احج لبيت الله السنه وفرحتي بالحج لا يسعها شي ، لكن خوفي الاول والاخير ابني اخاف بتأثر بغيابي اخاف تتأثر نفسيته خصوصا انه معاي على طول وماعندي مربيه فيصبح معي ويمسي معي .
الموضوع في الحقيقه قالق بالي ومخلي تفكري فيه على طول امي تقولي لاتروحين لان امي تخاف من رده فعله .
اقترحو علي شنو اسوي اكنسل ما اروح الحج والا شلعمل اخاف اثأثر اخاف يمرض من غيابي
اتمنى تقدرون حجم خوفي انا قرأت وايد عن اطفال اتصيدهم حالات التوحد بسبب سفر او غياب الام فجأه لا سمح الله .
شنو الحل كيف اتصرف انا مابي اشرك زوجي بقلقي مابي يخف حماسه على الحج ويتكدر
اي فكره اي تعليق يفيد قولوه اي شي يطري في بالكم اقترحوه كله رد سريع وخلاص

اذا في بالكم ان الموضوع سهل حطو نفسكم مكاني وبنفس وضعي بتروحي 9 ايام بلياليهم وبتغيبي عن ابنك الي مابينام الا معك ومابيرضه احد ااكله الا انتي يلعب معك ويسهر بالليل معك ويومه كله مابشوف الا انتي لانك عايشه لحالك وفجاه يصبح اليوم الثاني الا انتي محد وامك بعيد عنك ومابيشوفها على طول شنو بيجي على بالك الحين شنو ردك على الوضع ؟

قوليلنا ابنك عمره كام عشان نقدر نفيدك ان شاء الله

بيتهيألى شيلى من دماغك موضوع الغاء الحج ده مافيش اغلى من زيارة بيت الله ربنا يرزقنا بيها اجمعين ان شاء الله وطالما انتى رايحة لوجه الله يبقى ربنا ان شاء الله هيعينك و يعين ابنك و يرجعك ليه بالسلامة و يحفظه ان شاء الله

اهلا غاليتي
روبنا يكرمك بحج بيته ويتممه على خير

ابداي من اليوم

مثلا اتركيه نصف ساعة عند الوالدة
وروحي
وكل يوم زيدي المدة ان كان كبير ويفهم مثلا لما تتركيه قولي له حبيبي ماما رايحة تعمل شغل وراجعة وراح تجيب معاها شي حلو
وكل مرة تغيبي جيبي معك هدية صغيرونة
عندك فترة حتى يتعود
في البيت ممكن تغيبي عن عينه مدة عشر دقائق
زيديها تاني يوم
لكن لازم يتعود انك تتركيه
واصحك نفسيتك تتاثر لانه راح يحس ويتعب وانت تتعبي

انا عن نفسي اطفالي بدات اعودهم انهم يناموا عند اهلي لو ليلة مع اني في البلد
ولما جا الحج كانت بنتي خلصت اربع سنوات لكن هي صح تتذكرني لكنها كانت ما ترضى تكلمني
لانها لو سمعت صوتي تبكي
فكانت تبين نفسها قوية قدام اهلي
اهم شي لاتنسي انك راح تشتري له هدية
وانت كمان شجعيه لانه لما حيروح المدرسة راح يتعب. ويتعبك.

كان الله في عونج
أظم صوتي مع الإخت أم سهيل
نعم من اليوم يجب ان يتعود ان يكون نوعا ما بعيد عن الام
وان يتعود على الاكل بمفرد
العمليه بإذن الله سهله ولكن تدريجيا
وبالتوفيق لكي ولأبنائك
وحج مبرور وذنب مغفور مقدم
....

الشكر للكل على الرد والاقتراح ومثل ماقلت اي تجربه بتنفع
اول شغله اخت ازمرلادا ابني عمره سنتين في 26\11 يدخل الثلاث
واخت ام سهيل طريقتك اعجبتني لكن اخاف انه صغير على انه يفهم في هديه لما ارجع والمشكله الاولى والاخيره عندي بيت اهلي بعيد عني وااااايد انا في اخر البحرين واهم بالاول وزياراتي لهم جدا قليله لصعوبه الروحه والارجعه تقريبا ساعه ونص معا الزحمه
واخ ابو حصه الشكر الجزيل على الرد والدعاء والله يوقف الجميع





واي اقتراح جديد انا متقبلته في الاول شلون اخليه يعتمد على نفسه على صغر سنه ابني حتى مايلعب لحاله لازم العب معاه لازم امسك القلم والون معاه والا بيرمي كل شي في الزباله ( الله يعز اسامع ) واذا ماكليت وقعدت اكله بيرفض الاك تماما مثلا اليوم رحت بيت اهلي علشان ابات عندهم وعلى صلاه الظهر حطوالغده انا تأخرت في الغرفه وبدأو اهلي بالغدى اهو رفض وجلس جنب الغرفه يبكي ولا كل شي ول شرب شي وانا اسمع يبكي توقعت انه طاح او احد ضربه لانه يبكي بقهر حاولت امي معاه ولكن مافي فايده

الحين شنو رايكم ؟

اختي الله يكون في عونك
لكن لو في امكانيه انك تاخذيه معاك يكون افضل
منها انتي تطمئني عليه لأنه قدام عينك ومنها هو نفسيته ماتتأثر
اما انك ماتحجين فهذي الفكره استبعديها لأن الانسان كل مامر الوقت تزيد مسؤلياته وانشغاله والواحد مايضمن عمره
اولا ابدئي بالاستخاره وادعي الله انه يدلك على التصرف الصحيح وممكن تستشيري زوجك لأنه اعرف الناس بإبنه وممكن يقدملك دعم نفسي وتوصلي معاه للحل المناسب

اختي نور الاسلام الحج صعب بأطفال وحملهم وتغسيلهم وانتي تكونين في بيت الله لتعبد والتفرغ التام للعباده بوجود اطفال يتشتت العقل لكن على شورتك باخبر زوجي وباشوف رايه لانه في الصراحه كنت متخوفه اقوله ويحاتي واخاف ويقل حماسه على الحج لكن باتوكل على الله وباقوله

عزيزتي
ان كنت تعرفي الجيران ممكن تتفقي مع جارتك انو كل يوم ترسلي لها ابنك كل يوم تزيدي المدة

هو ابنك صح لسة صغير وفي هذه السن يخاف الطفل من الانفصال عن امه

لكن اظن يفهم انه ممكن تجيبي له هدية

انا ابني كان في نفس سن ابنك لما ولدت وفهمته انه ماما ارح تجيب نونو والنونو راح يجيب لك هدية وفعلا الطفل بيربط وعقله ذكي يفهم لكن بيظهر كل شي في وقته
يعني ابني بعد ماكبر وصار يتكلم بوضوح كان يحب السيارة اللي جاته من اخته يوم ولادتها يعني ربط وفهم وبعيدن وصل المعلومة

هو لسة مايقدر يعتمد على نفسه لكن الطفل ممكن يتاقلم بسرعة
والمدة مثل ماتقولي قصيرة ماراح تكون شهر

فيه ناس الله يعلم بيهم يتركوا اطفالهم عشان متعة دنيوية شهرين وثلاث انت رايحة تحجي يعني اتوكلي على الله وروحي

وربنا معاه ومعاك.

يااختي بصراحه انا لمل حطيت نفسي مكانك ماتخيلت غير اني اخذ ابني معاي يمكن لأني من النوع اللي يقلق
وبعدين ساء في عرفه او منى فيه حمامات عامه كثير وممكن تشتريله - احتياط -حفايظ بامبرز كيلوت واذا رحت على الحرم للطواف او السعي ممكن ابوه يساعدك ويشيله على كتفه او انت تطوفي وهو يجلس معاه وبعدين هو يطوف وانت تمسكي الطفل وبعد كذا ترجعوا على الفندق او الشقه اللي مستاجرينها والحمدلله يعني يوم ويعدي
والوقت اللي تكونوا فيه بعرفه ومزدلفه ومنى ممكن تجيب معاك دفاتر تلوين او العاب صغيره او اي حاجه تشغله
المهم انت هونيها وتهون ،وناس كثير في الحج يجيبوا اولادهم معاهم وربنا يسر لهم
الله يسهل امرك

كتبت بواسطة **نور الإسلام**

يااختي بصراحه انا لمل حطيت نفسي مكانك ماتخيلت غير اني اخذ ابني معاي يمكن لأني من النوع اللي يقلق
وبعدين ساء في عرفه او منى فيه حمامات عامه كثير وممكن تشتريله - احتياط -حفايظ بامبرز كيلوت واذا رحت على الحرم للطواف او السعي ممكن ابوه يساعدك ويشيله على كتفه او انت تطوفي وهو يجلس معاه وبعدين هو يطوف وانت تمسكي الطفل وبعد كذا ترجعوا على الفندق او الشقه اللي مستاجرينها والحمدلله يعني يوم ويعدي
والوقت اللي تكونوا فيه بعرفه ومزدلفه ومنى ممكن تجيب معاك دفاتر تلوين او العاب صغيره او اي حاجه تشغله
المهم انت هونيها وتهون ،وناس كثير في الحج يجيبوا اولادهم معاهم وربنا يسر لهم
الله يسهل امرك

نفس الراي والا تاجلي الحج الي ان يكبر ابنك شوي
ابنك متعلق فيك لان ليس له اخوات