السلام عليكم ...............احب اعرض مشكلتي وان شاء الله اجد الحل لاني تعبت نفسيا منها ........
انا موظفه ويبدأ يومي من الساعه 5 البس واطلع للدوام بدري لان مكان عملي يبعد 100كيلو عن بيتي وطبعا قبل مايقوموا اطفالي من النوم ..وزوجي يطلع بعدي بساعه فالشغاله تلبس البنت والولد علشان مدارسهم ويبقى الولد الصغير (سنتين) عندها <<<<<< وهنا اول مأساة ........
وارجع الساعه 2ونص ويكون زوجي رجع واتغدا ونام من زمان والعيال اتغدوا قاعدين يلعبون واكون انا هلكانه من التعب ويا دوب ابوسهم واتغدا وانام واذا قمت من النوم
اطلع للنادي لمدة ساعتين وارجع المغرب واقعد ساعتين معهم بعدين يتعشوا ويناموا <<<<<<<وهنا تبدأ المأساة الثانيه
احس اني مقصره مرررررررررررره مع عيالي ويبدأ ياكلني الندم واقعد ابكي لين تتنفخ عيوني ...طول النهار مشغوله عنهم يادوب ساعتين باليوم ..وهذا كوم وتعلق ولدي الصغير بالشغاله كوم ثاني .....
حاولت اعوضهم اني البي طلباتهم واوفرلهم كل اللي يبونه بعدين حسيت انه موكافي
ماادري شسوي ....اخر شي اخذت اجازه ست شهور بدون راتب وسفرت الشغاله
والحمدالله تحسنت نفسية عيالي وولدي الصغير رجعلي حتى الكل ملاحظ كيف ولدي
متغير اول مايتحرك من عند الشغاله بس في غرفتها ولا احد يعرفه ومتعكر مزاجه
ومن راحت رجع طبيعي يلعب زي الاطفال ويسلم على الناس وارتاحت نفسيتي مررررررررره بس آآآآآآآآآآآآآآآآآآآآآآه مافي شي يكمل بالدنيا ..........
اللحين خلصت اجازتي وهذ اخراسبوع وراح ارجع لنظامي الاول يعني دوام ونادي
لاني مااقدر اترك الوظيفه وخصوصا وان عندي مديونيات للبنك واساعد فيه ناس
على الله ثم على ماعطيهم .....والنادي انا تركته في الاجازه وزاد وزني وخرب
جسمي بشكل لدرجه ان ملابسي القديمه كلها ضيقه وانا ماالتزم الا بنادي ......
للان ماقلت لعيالي اني راح ارجع للدوام الاسبوع الجاي لانهم يكرهون دوامي
وماابي اضيق صدورهم ...............
ياربي وش الحل ........اللحين الشغاله جديده وشكلها طيبه بس حتى لوهي ملاك
قدامي ماأثق بهم ... دايم ياكلني الوسواس ماأبيها تاخذ مكاني وماابي ولدي يتعلق
فيها ............فكرت ان ابوهم ينقلهم الصباح عند امي بس لما عرضت الفكره
على امي تضايقت وسكتت واختي هبت فيني وقالت كل الناس يشتغلون وعيالهم
عند الشغالات ماشفنا احد مات ...(عندها شغاله وعمرها ماتركت عيالها عند
الشغاله حتى لو للمستشفى تخليهم عند ام زوجها اوتاخذهم معها) ......انا ماهمني
كلامها اهم شي عيالي بس ماراح اضايق امي بعد ......فكرت بكميرا المراقبه بس
هذا مايمنع تعلق ولدي في الشغاله ومايرجعني لعيالي .....وزجي بااااارد يقول
انتي مكبره الموضوع اتركي النادي وخلاص (وطبعا الوظيفه مايبني اتركها )
وبعدين؟؟؟؟؟؟؟؟؟؟؟؟؟؟؟؟؟
خلاااااااااااااااااااااااااااااااااااص راح انفجر من التفكير ومن قربت تخلص الاجازه
وانا اسهر بس افكر .....
الله يجزاكن خير ساعدني ايش اسوي .....على الاقل القى احد يحس بمشكلتي.........
الكل يشوف اني مكبره الموضوع (لانها ماتخص عيالهم) وانا اغرق لحالي ....
.اكتب وعيوني مليانه دموع .........آآآآآآآآآآآآآآآآآآآآآآآه .........

ياعمرى ليش الخوف والبكى ضيقتى خلقى لاتحاتين جيبى شغاله وحطى كميرات والنادى مو كل يوم خليه 3 ايام بالاسبوع مع اجازة الاسبوع واخرى نومتهم يعنى اذا ينامون الساعه 8 خليها 9 باليل ولاتنامى الظهر وحزت نومتهم اقعدى معاهم وقصى لهم من القصص دام محد مقدرر ولا يساعد انتى ساعدى روحج هذوله عيالج محد يحس فيهم كثرج والشغاله مو كل الوقت ماسكه ولدج انتى من ترجعين للبيت احضنيه وخليه عندج حتى لو تبين تنامى حراااااام يكسر الخاطر ادرى تعب بس رى كلنا بالهوا سوا وخاصه المتوظفه والله يعينج ياحبيبتى وتصبرى وترى اللى قلته انسب حل حق راحتج وراحت عيالج

حرام عليكي بلا ش تتركي الوظيفه بس خففي ساعات النادي والله حرام تسيبي الاطفال في هاي الحاله لازمهم اهتمام حتي لو انك بس بتكلميهم كيف بتامني بالخدامه تلبسهم وتقضي الوقت معهم انا ساعات لما انام بعد ما يرجعو بناتي بيبكو وبيحكلي ما تنامي خليكي قاعده معانا

هلا اختي حلاوه 2007 مشكورة يالغاليه والله يجزاك خير ويسعدك ......ناويه اخلي النادي ثلاث ايام بالاسبوع ان شاء الله واحط كميرات .....بس هذا مايمنع تعلق الولد بالشغاله لانه النهار يكون معاها.......بعدين لازم انام الظهر لاني مااتحمل اجي مهدوده من الدوام وخصوصا اني اكون قايمه من قبل الفجر بساعه ........افكر اني انوم عيالي معي الظهريه علشان مايناموا بدري باليل ونقضيه الوقت مع بعض.......عموما ماقصرتي يالغلا............

اهلين لينا ........غصبا عني ماراح اترك الوظيفة .........وعيالي نفس بناتك مايحبون نومتي بغرفتي الظهر فتلاقيني اخذ لحافي وانام على الكنبه عندهم على صوت التلفزيون والازعاج ..........والشغاله تلبسهم وتقعد معهم وانا بالدوام او النادي ......ياريت تقولين لي كيف تقضين وقتك مع بناتك؟ وكيف تقسمي اهتمامك عليهم بالتساوي اذا كانوا مختلفين بالعمر ؟
ومشكوره على تجاوبك............

حبيبتي والله لو أنا منج أشتري جهاز جري وأخلية في البيت وأمشي علية نصف ساعة باليوم وإذا على النوم ساعة ونصف كافي ولازم تعلمين نفسك على النوم القليل

كتبت بواسطة عين العقل

حبيبتي والله لو أنا منج أشتري جهاز جري وأخلية في البيت وأمشي علية نصف ساعة باليوم وإذا على النوم ساعة ونصف كافي ولازم تعلمين نفسك على النوم القليل

أنا من رأي الأخت عين العقل .

كمان يا أختي اليوم قعدت افكر في موضوعك .. هل تخيلتي عمرك كيف الملكات مع أطفالهن؟

يعني مهما الخادمة تولت مهام مو اكثر من تغيير الملابس وتنظيف الأحذية .

الملكة على قدر انشغالها لاززم تخصص لأولادها من وقتها ..

من رأي يا عزيزتي خلي النادي 3 ايام في الأسبوع يومين العطلة ويوم وسط الأسبوع

كمان عندي فكرة تانية خديهم معاك النادي وخدي معاهم الشغالة .

طبعاً اكيد مافي حضانة في المدرسة الحلوة حقتك ..بس اتذكر لما كنت في الإبتدائي كانت فيه أبلة تجيب ولدها معاها

مع شغالته . مع ان المدرسة فيها حضانة وروضة بس كانت تخليه في غرفة المدرسات .

ومرات نلاقيه يمشي في الممرات .

احس انك مارح تقدري تسويها لأنه لازم الشغالة تكون في البيت تلبس الباقين وتستقبلهم بعد مايرجعوا

شي تاني انصحك تصحيهم معاك وتفطريهم وتلبسيهم بنفسك ولما يجي موعد خروجك تودعيهم وتروحي . وهم ينتظروا مدارسهم .

حاولي تخلي لهم شي ينشغلوا فيه . مثلاً تلوين والا رسم وقولي لهم لما ارجع ابغى اشوف ايش سويتوا

ولما ترجعي شوفي رسماتهم وانت بتتغدي ومافي مانع تأخري غداهم عشان يتغدوا معاك . ولاعبيهم على الأكل وأسأليهم عن يومهم .

وبعدين ناموا سوا . افرشوا في الصالة وقفلوا الستاير وناموا . ولما تصحي زي ما قلت لك خديهم معاك النادي .

والا جيبي الجهاز في البيت واشتري شريط فديو حق تماري وسويها في البيت معاهم .

وبعد المغرب تعشوا ونوم العوافي .

صحيح الجدول مشحون وشوية صارم .. لكن انت تقدري تسويه .. تعرفي ليش؟

لأنك ملكة .

والملكة تقدر تدير دولة .

أختي أنا من أنصار الطفل، أولوياتي الطفل مهما كانت التضحيات.. وبما أنك بحاجة لهذا العمل فأنا أرى أن المسافة بعيدة جداً وهذا يعني أنك تقضين ساعات إضافية للوصول من وإلى العمل. فلمَ لم تستغلي الإجازة في البحث عن عمل قريب؟ مسألة بعد مسافة العمل يجعل نفسيتك متعبة أكثر وأنا أظن أنك سترتاحين عندما تكونين قريبة في نفس مدينة سكنك. وبهذا توفرين ساعتين على الطريق، وقللي من فترة النوم والنادي، وبهذا تقضين نصف يومك مع أطفالك.

معليش اختي!
انتي تبين تتوظفين علشان تحسنين ظروف المعيشة
وتبين تروحين النادي علشان تصيرين رشيقة
وتجيبين عيال علشان تصيرين ام
طيب والاطفال من لهم!!!!!؟

والى متى هذا الوضع
الحقيقة انا اقولك
حكمي قلبك
كيف راح يكونون أطفالك بعدين؟؟ كيف يتم تهذيبهم ومساعدتهم؟؟ على اي سلوك سينشأ؟؟؟
وهم تربيهم خادمة ومن ايد خادمة للثانية
الخادمة مهما كان اخلاصها ونزاهتها
جاية من بيئة متأخرة ولا تعرف عن التربية اساسيتها

استخيري واطلبي الله يعينك على المسؤلية الي راح تحاسبين عليها يوم الحساب

هلا اختي عين العقل.........فعلا نبهتيني لنقطه مهمه وهي اني احاول اقلل نومي ...........جزاك الله خير ...........