عندي ولد عمره سنتين ونص الله يحفظه وكان عندنا خادمه متعلق فيها جدا جات من عمره شهرين
وهربت الخادمه وصار الولد متعلق في لدرجه فظيعه
صار يتحرك معاي كأنه ظلي لدرجة الله يكرمكم اذا دخلت الحمام يقعد يبكي ويصيح ويخبط على الباب بشده
اذا كنت تعبانه وابغى انام مايخليني يقولي لا تنامين وخصوصا اني موظفه فلازم ارتاح شوي وهو يرفض ويبكي
جبنا خادمه جديده وماهو راضي يتقبلها ويكرهها
انا هالحين حامل وحيجيني مولود جديد بعد 3 شهور باذن الله وولدي الله يهديه منحرق قلبي عليه .
فماهو الحل في هذه الحاله؟؟؟؟؟؟؟؟؟؟؟؟؟؟؟؟؟
ياريت من جربت او قرأت عن حاله متل هذي تديني الحل وجزاها الله الف خير

مرحبا ..
السالفة ومافيها إن الطفل فقد الخادمة فجأة وهذا سبب لة صدمة نفسية وشعور إنة ممكن يفقد أي احد يحبة فجأة ومن غير مقدمات .علشان كذا متعلق فيك حيل خايف لاتروحين منه.فقدري هالشيءوحاولي ترجعين له الشعور بالأمان.مثال.إذا بتروحين مكان.لاتتسحبين وتروحين بدون مايحس فيكي لأنه راح يلاحظ عدم وجودك .وراح يزيد عندة الشعور بالخوف.ويظل لاصق فيكي عشان خايف إنو لما يبيك مايلاقيك.والحل حطي عينك بعينه وقوليلة آنا رايحة الطبيب .الدوام المهم اسم المكان اللي بتروحينة بكل صدق وراح أرجع .وبوسية. وروحي .أكيد راح يبكي ويقطع قلبك بس ماعليش أصبري .راح بشوفك فعلا رجعتي ومعاك شي يحبة (مصاص.لعبة.الوان)اي شي ..ومع الوقت راح يتعود.وبالنسبة للحمام.انزلي لمستوى إبنك وقوليلة بدش الحمام واطلع وأهم شي لما تكلمينة تحطين عينك بعيونة.والله يعينك .وبشرينا عنك وعن إبنك..

اشكرك ياقهوه وجزاك الله خير
انا متوقعه انه هذا السبب لكن بصراحه تعبت وكله بأجره ان شاء الله
وحأجرب طريقتك وان شاء الله تنفع وبصراحه هي طريقه منطقيه

40 وحده تقرأ ومافيه غير وحده ترد
ماهقيتها منكم يابنات المنتدى

كلام الاخت قهوة مزبوط و انا معها كمان

يمكن لانك موظفة جعلت ابنك يعتمد على الخادمة في كل شئ لدرجة انه تعلق فيها , وهو مو مجرد

بس اتعود عليها لكن اعتبرها اقرب شئ بالنسبة اله , و تصرفه طبيعي اي انسان سواء كبير او صغير

يبتعد عن انسان اتعود عليه راح يحزن و يبكي كمان , خليك جنبه , شاركي اللعب , المزح حتى لوني

انت و ابنك في دفتر عليه رسومات , لعبة المكعبات ابني معه فيها اي شي ..

و وضحيله انك بوقت ما بتروحي هادا معاد خروجك من البيت عشان تجيبله معك شي حلو , حبة

شوكولاته او لعبة او اي شي ,, ووبوقت وجودك في البيت احضريه معه برامج الاطفال اساليه شو

عملت اليوم بشو لعبت , قوليله فرجيني العابك اشوفهم و كانك بدك تستكشفي شي خاص فيه هيك

راح تحسسي حتى لو طلعتي من البيت حتيجي و تسالي عنه هو بده اهتمام ..

ربنا يهدي بالك و يحفظلك ابنك يا رب

دمت بصحة و عافية يا غالية

كلام الاخوات عين العقل هي مسألة وقت وشوية اهتمام منك وفهمية انك رايحة تقضي امورك وجايه ولما ترجعي ذكريه انك وعدتيه بالعودة ونفذتي وعدك وفهميه اهميته في حياتك وانك مستحيل تتركيه مهما غبتي ، والاهم من ذلك لاتنسي تمهدي لقدوم اخ او اخت له وتفهمية انك حملتي فيه مخصوص عشان يلعب معاه ويسليه وانه الان كبر وسيساعدك في تربية اخاه ، لاتجعليه يتفاجئ بمن سيشاركة امه الافضل ان تعلميه وتمهدي له بقدوم اخ عن قريب وحببيه فيه من الان واشركيه في اختيار اغراض الطفل والاستعداد لقدومه والا لن يتقبل ان يأتي احد يأخذك منه او يشاركة في امه .
اسأل الله ان يعينك على تربيتهم ويرزقك برهم يارب .

انا برايي انك اتحاولى اتفربي منك
وتحسسي بحبك

ولما تكونى بعيدة بتشتقبلو

لما تطلعى حبيلو حاجة يحبها هشان يرضى تطلعى

مع الوقت المشكله بتروح