آآل عاملين حالنا بنحل المشاكل في ركن القضايا !! لا وبتعجبك إقتراحاتي "K)( !!

أي صدقيني بدي مين يحللي مشاكلي

مشكلتي إني بعد ما حملت بهالولد وخلفته وتعبت بسهر الليل وحمله على إدي , الله وكيلك لهلأ بعاني من تعب في جسمي مستمر ,

شو الحل يا أمونه والله إني محتارة وما انا قادرة أخلص من هالتعب المزمن اللي صايبني,

قبل الزواج كنت بنشاطي زي النحلة , أي كان يحكوا عني : فطوطة من كتر ما أنا نشيطه , هلأ بجر حالي جر


متى برتاح جسمي يا ترى وبرجع زي قبل :W :W

الله يسعدك يا رب يا قطر الندي كله ولد واحد وموقادره وشو اعمل انا بالاربعه اللي عندي الله يخلي لك ابنك ويخلي لي اولادي واولاد المسلمين جميعا وانا عندي كان نفس مشكلتك كنت تشيطه
وبعدين صرت كسوله ومرات ابكي لانه ما بقدر اشتغل بالبيت بالمره وبعد فتره من الزمان وخاصه لماكان عندي 2 وكنت ارضعهم وخاصه وقت الرضاعه كنت احس بنعس وانا برضع
ومرات انام واقوم الاقي البيت خرابه من التاني اللي عمره كان سنه ونص بعدها يا عزيزتي اختي قالت لي يا فا يا روحي رقبتك مو طبيعيه وماما قالت لها رقبتها لاختك بتجنن وما اتوسوسيها هي موسوسه بدون واسطه وبعدها انا ذهبت عند الدكتور وعملت فحوصات واحذري شو طلع معي خلل في هرمون الغده الدرقيه والاحلي من هذا كله طلعت خالصه وما بتشتغل بالمره وبعدها عملت عمليه بالليزر قتل للغده وهذا كان من حسن حظي انه ما عملوا استئصال لها وبعد هذا صرت اخذ هرمون يعوض هذا الخلل ومن بعدها والحمدلله صار فيني نشاط احسد عليه ونصيحتي لك انك تذهبي تعملي فحص دم وبعدها انشاء الله ما يكون عندك شئ يجب عليك
ان تاخذي حبوب الكالسيوم العظيمه وهذه الحبوب لها مفعول سحري واستشيري الدكتور وهو
سوف يوصفها لك وايضا عليك ان ترتاحي وتنامي نوم جيد وان تتغذي غذاء شامل كامل ومفيد ولك مني اجمل تحيه

والله يا عزيزتي ما بعرف شو أقوللك، كلنا أحياناً بنعاني فترات من الخمول. معلش أنا نسيت ابنك قديش عمره. يمكن إذا كنت حديثة الولادة يكون بعده من اثرها. شوفي الطبيب مثل ما قالتلك يافا، إذا كان الموضوع حاسة انه فوق الطبيعي.
احتمال انك بتصحي كثير بالليل بسبب ابنك، وهذا عادة كفيل انه يخليكِ تشعري بالتعب والخمول خلال النهار. وفي فيتامينات آمنة للرضاعة، ممكن تنشطك شوي. اسألي عنها الطبيب. أنا لما كنت أصحى مع أطفالي بالليل، من كثر التعب، ما أقدر أنام بالنهار، وأحس بالخمول والإرهاق كأني راكضة طول الليل. ولما يصيروا يناموا طول الليل، اشبع نوم، وارتاح.
وكان الله في عونك.

قطر الندي لاتستقلي بالمجهود الذي نبذله كل يوم من شغل البيت والاعتناء بالاطفال وننسي مع كل ذلك الاهتمام بصحتنا
وليس فقط التعب العضوي ولاكن أنا أشعر ان شخصتي نفسها تغيرت--قبل أن أنجب كنت إنسانة نشيطة صبورة محبة للأطفال--الان أصبحت عصبية متعبة وعندماـأسمع أي صوت أفزع من أن تكون صغيرتي قد أذت نفسها كمان الان عندما أرى أطفال صغار أتخيلهم قرووود حتي صوتي الرقيق تخن من كتر الصراخ
بس الحمدولله شوفت بنتي إبتسوى الدنيا كلها بس أنا عندي سؤال --كيف أهلينا وأمهاتتا كانوا إيخلفوا 7و 9 --عمتي مثلا خلفت 14 والد وأنا عندي 19 خال وخالة--يعني مش عارفة شوا بدي أقول خليني أروح أطبخ أحسن

فعلا والله الكل بيعاني من هاي المشكلة ،،،بتخيل إنها أمر طبيعي ولازم نتعود عليه وخاصة إذا كان أول طفل فإنتي لسه مابتكوني متعوده على الأمومة والتربية والأطفال ،،حتى لوكان عندك إخوة صغار وساعدتي إمك بتربيتهم ،،فسبحان الله أول ما بينزل البيبي بتروح بهجة الأم وحيويتها ونشاطها وبتتغير كل حياتها ،،وطبعا هذا بيختلف من وحده لوحدة وطبعا الزوج إله أكبر الأثر على نفسية الزوجة في مساعدتها وتشجيعها ورفع معنوياتها ،،وطبعا أنا بوافق شهد حياتي في إلي قالته ،،يعني ما تخافي يا قطر الندى فترة وبتعدي وأصبري بس ..

بارك الله فيكم
انا مشكلتي الحقيقية بالنوم ’ يعني فعلا ابني 7 شهور وأنا بجد إلي 7 شهور ما نمت زي البشر والعالم , طول الليل نوم مقطع إصحى نام اصحى نام ...يعني لو الواحد يبقى صاحي طول الليل أرحم من تقطيع النوم هادا !!! وبالنهار مع المسؤوليات ما بعرف أنام أبدا .
والله إنو قدراتي العقلية متأثرة بهالشي لإنه النوم كتير مهم .... آآآه ياني شو بدي أحكي !!

بس على كلٍ بما إنه كلكم مريتوا بهالمرحلة طمنتوني إنها آخرتها بتنتهي ....

يا حبيبتي ياقطر الندى لكان إبنك الله يسلمو موش راضي يخليكي إتنامي ،،،إذا حاولي إنك إتنظمي نومته وبما إنك بترضعيه طبيعي فهو حيضلو ملزق فيكي وبده يرضع ،فحاولي إنك تفطميه بالليل عن الحليب ،،والله يعينك بعد الراحة ونومة 10 ساعات يدوب تنامي 5-6 متفرقات ،،الله يعينا ويعين أهلنا من قبلنا .

اسمعوا جميعا انا لما كنت عند اهلي كنت انام نوم عميق وطويل وهادي والله لو مدافع بتنفجر امامي ما بصحي ابدا وايضا حطمت الرقم القياسي في النوم مره نمت من الساعه 4 مساء
الي الساعه 4 مساء ثاني يوم يعني 24 ساعه ولكن يا جماعة الخير الله يبارك فيكم لما اتزوجت
انقلبت حياتي راسا علي عقب من زوجي المصون وذالك مع كل خصائله المنيجه فيه خصله عاطله وما اظن واحده في الدنيا بتتحمل هذه الخصله وهي النوم ما بنام ولا بحب المره اللي بتنام كثير ومحسوبتكم ما بتسال عليه كانت لانه لما اتزوجت قضيت سنتين بدون اولاد والاحلي من هذا
كله ما كنت اصحي معه الصبح وبتعرفوا كان المجرم كيف بصحيني والله يا رب يوفق اللي كان السبب
في زواجنا كان الله يسعده ويرضي عليه ويهديه بجيب طنجره ماء وبرش الماء في السقف وانتوا بعدين اتخيلوا شو بصير بعدين ولكم مني اجمل تحيه

يافا دمك شرباااااااااات .....

أختي سينو ...طيب كيف بدي افطمه بالليل والله ما أنا عارفه !
شو أعمل لما يضل يصحالي بالليل ويبكي وما بينفع معه اتركه يبكي لإنه مستعد يسحبها ساعااات من البكا لحد ما أقوم وأرضعه

مع العلم إنه ما بعرف يرضع من الرّضاعة , دلوني الله يخليكم على طريقة فطامه بالليل !؟