ماشاء الله الصور والكلمات جدا خطيرة,,,

تسلمى يا أحلى سلامات,,,,

الله يبارك فيك عزيزتي أم بدر
شكرا لك و أتمنى لكم و لنا الفائدة

السلام عليكم ورحمة الله

هذه ملفات إم بي 3 لصور من المصحف المعلّم للأطفال :

سورة الناس


سورة الفلق


سورة الكافرون


وهذه تكملة الرسومات :

السلام عليكم اختي
سلامات الله يجزيكي الف خير موضوعك كثير جميل
وانشاء الله كلنا نستفيد منه وانشاء الله لو عندي اي افكار نفيدك
شكرا

وعليكم السلام
شكرا لك و بارك الله فيك
أتمنى أن تعودي بالأفكار

الله يسعدك يا سلامات ..

وصلت يوم 8/1

تعالي نبدأ القصة .. بدأت القصة في اول سبتمبر عندما بدأت المدرسة رحت مع زوجي واولادي على اني راح ادرس البنات الكبار زي السنة الماضية من عمر 11 سنة وانت طالعة ..

الا لقينا معلمة الصغار 5_7 سنين ماجات والمدير لمحني واقفة مع بعض الاخوات قام قال لي : ام معاذ تعالي بس اوقفي في الفصل استقبلي الاطفال لحد ماندبر معلمة ..

من عيوب المدرسة انه الجميع متبرعات .. واحس نوعاً ما فيه تهاون في الحضور والحرض على المدرسة والطلبة..

وبعد ماعدا اليوم الاول طلب مني المدير اني امسك هدا الصف .. لكن جات معلمتهم ..

بعد شهر من بداية المدرسة قررت امسك الاشراف على قسم الطالبات .. ورفضت كثير من القوانين وعينت معلمات اثق فيهن ..

كذلك قامت معلمة الروضة 5_ 7سنين بتقسيم الأطفال الى قسمين .. 1- الاولاد اليي كانوا معاها السنة الماضية وكملت معاهم وبدأو القراءة والكتابة بعد ما انتهوا من الحروف السنة الماضية .. وبدأت معاهم في القرآن من سورة الناس بالترتيب ..

وبدأت معاهم قصة البعثة والرسالة وكل يوم تجيب لهم قصة على الواقعة والحادثة منفردة .. يعني لما تكلمت عن الصلاة جابت لهم قصة بلال ولما تكلمت عن البعثة جابت لهم قصة خديجة ..

وهي تترجم وشايلة كونها بعونها ..

2- الأولاد الجدد اليي كانوا في السنة الماضية في المجموعة الاولى 3_4 سنين وهدول وجودهم في الصف راح يعطل الباقين على اي حال ..

فيما بعد اكتشفنا الصاعقة .. بعض هدول الاطفال اليي في المجموعة التانية كانوا جدد اول مرة يجوا المدرسة .. مايعرفوا اي شي عن الاسلام ..أبداً ابداً ..والله ما اكذب معلمتهم ذهلت لما قالت لهم مين الله ؟؟ ماعرفوا ..

قبل مدة جاني المدير قال لي : انت امسكي هدول .....قال انا عارف انهم خبيصة وخديهم ركزي عليهم ..

بصراحة صرت مشتتة وغياب المعلمة التانية يجيب لي حالة نفسية .. وكوني مشتركة معاها مخلينا ندور في نفس المكان ما احس انه الاطفال تقدموا في شي غير العربي لاني لوحدي ادرسهم العربي .. وطلبت من الباقين يبعدوا تماماً عن الحروف وعن كل شي له علاقة بالعربي ..

أفكر اترك البنات الكبار واركز على الصغار ..أيش رأيك ؟

اكمل في رد تاني عشان لاتملوا من القراءة

لما رحت لهم لقيت عندهم معلمة عربية ومعلمة امريكية بالاضافة الى مساعدتين ..

مو عز والا كثرة متبرعات ............لا المسألة ومافيها ان الاخوات تبرعوا والمدير انحرج وعرض على باقي المعلمات مساعدات وكلهن رفضن مابقي غير هدا الصف الكل فيه ..

صارت كل وحدة بدها تدرس الاطفال او بمعنى اصح كانت المساعدتين بدهم يثبتوا وجودهم وبدأوا في الحروف مع الاطفال ..

لقيتهم وصلوا حرف الرا ......بس رجعت لهم من الالف .. وصرت اقولهم انه في الحروف اخوان يشبهوا بعض بس فيه نقطة تفرق بينهم وصرت ادرسهم الحرفين المتشابهين في نفس اليوم ..

الاحد الماضي اختبرتهم وكنا واصلين حرف الضاد ..

كانت المعلمة بدها تصف الاولاد على شكل دائرة وهي توقف في النص والعدد مايسمح لما قلت لها نرتبهم وافقت على طول .. بصراحة هي مرررررررة متعاونة بس مافي وقت نقعد مع بعض فيه ..

المعلمة العربية اعتذرت وجات غيرها وبدي اقعد معاها لازم ..

الاحد قبل الماضي خليتهم يختاروا اماكنهم ورتبت الماصات واعطيت كل واحد يصمم لنفسه طابع بإسمه نلصقه على الماصة ..

بعد ماخلصنا قلت لهم كل واحد يشوف الطابع هدا كل ماسويتوا شي صح راح احط استكر .. كل حرف تكبوه صح استكر وكل سلوك اسلامي استكر ... تعالي شوفي ايش قعدوا يسووا ..

في واحد جا اول السنة وكان واقف عند الباب يبكي مع انه بروح مدرسة يومية وقالت امه انه من السنة الماضية سوا نفس الشي طوووووووووول السنة .. لما اعطيته ورقة الاختبار تركها فاضية ولما شاف الاستكرات تتوزع بدأ يكتب ...كيف ؟؟؟!!!!! الله اعلم هدا الولد عنده حالة غريبة جداً والمصيبة غيابه كثير جداً ..

غياب الاطفال المتكرر مشكلة لازم لها حل ..

هذه هي تجربتي باختصار شديد جداً

قاعدة افكر اعمل لهم لائحة بأسماءهم أعلقها ورا باب الفصل واعطيهم واجب واليي يسوي الواجب ياخد استكر على الائحة ..

بصراحة مابذلت معاهم لسة اي مجهود يذكر في السلوك والاذكار وهذا الشي مضايقني .. وهدا السبب اليي اجبرني افكر اترك الكبار..

و عليكم السلام
الحمد لله أنك لم تنسني و الموضوع ، بارك الله فيك ، أكيد راح أستفيد من تجربتك
أنا قرأت موضوعك كله وهذه بعض تعليقاتي

من عيوب المدرسة انه الجميع متبرعات .. واحس نوعاً ما فيه تهاون في الحضور والحرض على المدرسة والطلبة..

هذه المشكلة نعاني منها فالطلبة لا يداومون على الحضور و إذا حضروا لا يهتمون و لا يحضرون أقلامهم حتى تلك التي نوّزعها عليهم ، و بعد مشاروات قررنا أن تخصص رسوم وهي مبلغ يتم دفعه حتى نشتري أدوات للأطفال و بعض الفاكهه و القطايف و العصير
أعتقد إنهم إذا دفعوا فسيداومون و بالتأكيد سيقلّ عددهم وذلك سيجعل عملنا أقل و أكثر فاعلية
أما بالنسبة للمعلمات فهنالك أنا و سيدة أخرى و نحن و الحمد لله مدومتان بالرغم من أنننا متطوّعات.

وصرت اقولهم انه في الحروف اخوان يشبهوا بعض بس فيه نقطة تفرق بينهم

فعلا كلامك صحيح ، فالأسبوع الماضي وصلنا حرف الخاء فقلت لهم أن الجيم و الحاء و الخاء أخوان بس واحد أكل الآن وواحد جيعان و الخاء لابس قبعّة فضحكوا و أصبحوا يتذكروها جميعا و الحمدلله

بصراحة هي مرررررررة متعاونة بس مافي وقت نقعد مع بعض فيه ..

حاولي أنك تلتقي فيها حتى لو زارتك أو زرتيها خصوصا في الصباحيات ، لابد أن تتفقا على سياسة موّحدة ، هذا ما نفعله أناو زميلتي .

http://www.reciter.org/recitera.php
اختي سلامات شوفي هذا المرتل ممتاز لتحفيظ القران

الله إني خجلانة من نفسي ..

تعرفي التطوع انا اقصد المعلمات والادارة والمعلمين ..

يعني اليي مايغيب والا يعتذر قبل الغياب قليل ..

الطلبة حدث ولا حرج .. اقولك عندي 20 الى الان ماجو اكتر من 15 ..وتلموا مع بعض لاااااااااااااازم كل يوم في مجموعة غايبين ..

المعلمة اليي معايا تدرس في مدرسة ابتدائية في الصباح والمدرسة بعيدة كتير عن بيتها واكيد ترجع المسا هلكانة ولافيها تسمع شي زيادة ..

مافي غير يوم السبت نقعد انا وهي على الجوالات ونقضي اشغالنا ..

امس سهرت اكتب للاطفال رسائل للأهل وتعليمات ووصيتهم بالمراجعة وبدي اشد حيلي شوية وأبدأ معاهم في الحركات وانهي الحروف بسرعة ..

الله يسهل علينا وعليك ..