يومياتك تهبل صراحة يا مغتربة ..
تعالي اقولك واحد يوم من يومياتي لانه عندي كل يوم مختلف عن التاني ..
يومي يبدأ من الفجر
بركة انه الفجر هنا 6ونص مو بدري يعني والا تلاقي في عرق ضارب..
نروح نصحي معاذ يمعاذ قوم صلي الفجر ..ترى اصلي واخليك ..يامعاذ قوم بسرعة قبل لاتصحي اخوك..
يقوم معاذ
: ماما ايش اسوي؟ اروح اتوضى؟
: ايوة روح اتوضى عشان نصلي الفجر ..
واروح انا اتوضى واستناه ..
يجي نصلي وبعد الصلا يقوم جري على غرفته ..الحقه : معاذ لاتنام البس ملابس المدرسة ..وألبس بيجامة تحت البنطلون وفلينة تحت البلوزة..
بعدين اروح اجري على الجهاز
اشوف درجة الحرارة ..ومرات اطل من القزاز اشوف لو فيه مطر ..اروح لزوجي توصلهم؟ .......: لا ..
كل يوم درجة الحرارة اخفض من اليوم اليي قبله ..
التفت على ميس التي تنام خلف الجهاز ..: ميس قومي مدرسة ..
ميس : اهئ اهئ ..ماااااانمت تعبانة ..
انا: عشان لما اقولك روحي نامي في الليل تروحي تنامي ..هيا قومي ..
ميس ..:آآآآآآآآآآآآآآآآآآآآآآآآآآآآآآآآما ابغى اروح المدرسة .آآآآآآآآآآآآ ماما ترى كنت قاعدة اكح اقدر اغيب ..
أنا: لا .............
هيا الفطور ..معاذ ايش تبغى تاكل؟
ميس ايش تبغي عصير؟ وايش ساندوتش؟
معاذ : حليب وسيريال.
ميس : ووووووووو
أنا: ميس ايش تبغي غدا؟
ميس : عصير ليمون وساندوتش جبنة والا وبدة لوز ومربى.في مرتيدلا؟
أنا: ايوة تغبي معاها جبنة وخس وطماطم؟
ميس : لا..ابغى جزر مع رانش ..
أنا : طيب ؟..؟؟معاذ ايش تبغى غدا؟
معاذ : ايش في المنيو ؟
أنا : فيه خنزير ..ايش اسوي لك ..اشتري حليب ..
معاذ ..: جبنة ..
أنا ..: طيب ....زهيا ياميس الباص جاي ..ميس اشربي الحليب ..ميس يبغالكم تخرجو بعد ربع ساعة ..
ميس هيا ..طحنتيني ..ميس بكرة لاتفطري..
ميس يبغالك لبس وشعر وقهر..
ميس هيا الباص جا ..
وفي خلال المعركة يروح معاذ يلبس وياخد غداه ..ويجي اصلح له الشال والقبعة..
وميس تقعد الين تلاقيني رفعت الصندل ..
بعدين تقوم تبكي وتجيب الفرشة وتمشط شعرها والبسها الجاكيت والشال والقبعة ..
والبس جاكيتي وحجابي ونقابي والبوت بدون جوارب ونخرج نستني الباص ..
وارجع بعد 10 دقايق ومرات 15 ومرات 20 واليوم 40 دقيقة ..ومطر وبللل وحالة ..
اسوي الفطور لزوجي والاقي معين جاي ..
اسوي له فطوره واقعد معاه شوية واقوم اخبص في المطبخ شوية واجي على النت واروح احط غسيل والا كوي ..وفي الظهر نروح السوق شوية انا ومعين ..ونرجع قبل لايرجعوا اخوانه نكمل لعب ..
ولما يرجعوا حكاية توجع القلب من واجب لواجب ..
الروابط المفضلة