امونة تقصدي اولادي؟

الله يهدي بلال من عنده الاولاد صراحة عالم اخر ..ترى انا اعد ميس ولد تصرفاتها ماتنتمي لعالم الانوثة خاصة المصارعة ..

انا تربيت مع اخواتي اخر نعمومة وحركات وفنون وبكلات شعر وهنا ...........الى الله المشتكى ..

الله يهديهم كلهم

الله يبارك فيكم يا بنات وعقبال كل وحدة فيكم >>> ما تقدر تشيل الهم وحدها



حمورة
يااااااااااااااااااااااه اولادك داخلة فيهم شقاوة اهل مكة بالعافية مع انهم عايشين بعيد عنها!
نحن كنا نسوي نفس الشيء في المدرسة بسسس بعلب السنتوب والعصيرات في البيت
كانت امي تجري ورانا

صدى مو هم تعلموها من اهل مكة خليني ساكتة بس ..

لو تتذكري اكياس عصير لونها فضي زي القصدير ؟؟ هده هي اليي قاعد معاذ يمارس بيها تفجيراته ..

اسكتي ياشيخة هلكوني والله ...ان شاء الله مايشوف الملقوف ايش قاعدة اكتب ..قال قاعد دحين يقرأ قرآن شايل المصحف ويجري ورا اخوانه..

انا ضد العقاب ..
ومع الثواب ...
يعني اذا فيه طفل غلط غلطه ولو كانت كبيره .... عطيه حلاوه وقولي له حبيبي لاتعيدها مره ثانيه ...!!!!
وابشري بطفل مؤدب وخلوق ..

يا عيني عليك يا لوجين ...اه والله بشرتينا
حكيييييييييييييييييييييييييييييييييييييييييييييييي ييييييمة

ههههههههههههههههههههههه لوجين.. تنشوف لما تصيري أم إن شاء الله.. وقتها بنحكي

كتبت بواسطة لوجـــين

انا ضد العقاب ..
ومع الثواب ...
يعني اذا فيه طفل غلط غلطه ولو كانت كبيره .... عطيه حلاوه وقولي له حبيبي لاتعيدها مره ثانيه ...!!!!
وابشري بطفل مؤدب وخلوق ..

حبيبتي لوجين .. ذكرتيني بامرأة .. إذا غضبت على ابنها أشد الغضب .. تقول له إن شاء الله أراك عريس يا محمد..
....
أحب أعرف .. هل الذ ذكرتيه عن تجربة .. أما ما تتمنين أن تطبقيه في المستقبل إن شاء الله

امان علي ..
انا اتكلم جد مو كل طفل يمشي بالعقاب والحرمان !!!
ام سميه ..
عطيني الحلاوه ..
نهاوند ..
ايه عن تجربه كلامي
انا اذا اتعاقبت اعاند وذا اتعاقبت مره ثانيه اعاند اكثر واكثر واكثر ... صحيح انا تعديت فتره الطفوله لكن اتكلم بصفه عااااامه ..
العقاب ماينفع للاطفال ولا المراهقين ولا الشباب ولا حتى ................العجايز!!!!!

من خلال خبرتي ودراستي تعلمت ان الطفل مايسمع لشي اقوله ابدا خاصة الصغير اليي مايفهم الكلام لسة ..

الطفل يقرأ ردات الافعال فاذا اخطأ وعاقبته عرف ان هده معناها لا ..واذا احسن وكافأته عرف انه هده معناها صح كررها ياشاطر..

لكن اذا اخطأ واعطيته حلاوة قولي على الدنيا السلام ..

اختي لجين انا مابدي اسفه رأيك ولا اعيب فيه لكن اوزنيها ماتتوزن..

يمكن انت واتنين والا عشرة والا عشرين زيك يعاندو لكن لو جاك المربي الحكيم راح يلين راسك ويختار لك العقاب المناسب ..راعي ياعمري ان العقاب المناسب اهم شي في الموضوع ..

انا معاك ان الضرب نتائجه سلبية جدا ..

خدي مثال لما كنت صغيرة كنت ما احب الملوخية اصلا وكنت اكلها ومرة عملتها امي مرتين ورا بعض قمت رفضت اكلها قام الوالد ربي يحفظه ويسعده ضربني قمت من يومها ماحطيت الملوخية في فمي ..

يمكن الكلام هدا له قريب 18 سنة ..وشكلي لحد ما اموت ماراح اكل ملوخية .

الخطأ في مثالي اني ماغلطت اصلا رفض نوع من الطعام ما اعده خطأ في قاموسي الان ..الخطأ التاني نوع العقاب كان الضرب وهي الشغلة مهي حاوجة ..طبعا قاعدة انظر لها من منظار الام مو من منظار الطفلة ..لو واحد من اولادي رفض نوع الطعام راح اقوله كل سلطة لوحدها بس ماتقعد بدون اكل ..

المهم ان نظرتك صحيحة بالنسبة للضرب بس ..والله اعلم..

اعطيك مثال يثبت كلامي : امس اولادي قلو الادب على الاخر قلت لهم خلاص جا وقت النوم ومابدي اعاقب ممكن تروحو تنامو ولازم قبل العقاب الانذار ..وكان معاذ رافض ينام وواقف جنب باب الغرفة قمت بدأت العد قام راح وقلت له لاتفتح الباب لانك راح تنحرم من التلفزيوم لو شفتك برة ..
مامرت دقيقة الا وقام ينادي ويصرخ ويخبط على الباب بس ماتجرأ يفتحه ..لانه قرأ ردة الفعل خلاص ..وقعد على الفوضي يجي 15 دقيقة بعدين سكت ورجع تمدد على الارض وهدأ ..

وعندي امثلة كثيرة لو بدي اذكرها ماراح اخلص مثال صغير قصير قبل لا انهي الرد ..ابني الصغير كان وسخ جدا جدا يحب يكسر البيض ويكب الاكل وبعد النظام اليي عملته قل لكن مازال مايحب يغسل يده ..تعرفي كيف عاقبته ؟
قرأت له كتاب عن الجراثيم ..وصار يبكي ويعتذر ..

لاتنسي عزيزتي نوع العقاب هو المهم ..مو كل الاطفال عندهم احساس بالذنب يخليهم يقابلو الاحسان بالاحسان..