إلى الآن ما اعتقد اني قدّمت الشيء اللي يستحق
لكن يكفيني إنه مجاهد ماشاء الله عليه اجتماعي يعني تواجدي مع
صاحباتي ماكان بنتائج سلبية خاصة فترة دراستي..
لما كنت حامل كنت أقرأ قصص كتيــــــــــرة والكتب ما تفارقني
الآن مجاهد يمسك الكتاب عادي مو مثل الأطفال الباقيين يطعّجوه!
حتى ولد أخت زوجي اكبر منه بـ 5 شهور ما يهممه هذا كتاب ولا ايش بالضبط..
مجاهد الآن يعرف يقلب الصفحات ولما نجلس نقرأ سوا يكون منتبه لي ويطالع فين أصباعي!
كمان في نقطة لاحظتها
الآن صار يمثل في البكاء
يعني يطلع صوت البكا ويتمسكن
من فين اتعلمها ما ادري.. بس يمكن لأنه لما ياخد نظارتي اعمل نفسي ابكي!
أهم شيء عندي انه يعرف اني لما ازعل يجي يبوسني..
هذا الموقف كل ما اتذكرته اضحك وأبكي في نفس الوقت!
مرة نام بعد مضاربة يبغى ينام وما يبغى فصرخت عليه شوية ونام وانا زعلانة منه..
نمت جنبه لكن بعد نص ساعة صحي.. انتبهت له لكن عملت نفسي نايمة..
لكن كنت كاتمة الكحة ولما ما قدرت كحيت كحة متواصلة فجأة ألاقيه جاي لعندي
يبوسني ويرمي نفسه في حضني... ساعتها الدمعة صارت
الروابط المفضلة