السلام عليكم ورحمة الله وبركاته خواتي كلي امل فيكن بنتي تعبت معها عمرها ثمان سنوات لاكن المشكله عند النوم اذا جت تنام تعبت وياها تبي اخوانها كلهم معها في الغرفه اخوها كبر صار تسع سنوات لازم ينام لوحده وهي لازم تنام لوحدها معها اخوها الربع سنوات لاكن كل شوي تجي يمه تعالي عندي يمكن عشر مرات تنزعج من النوم بعض الايام متنام الا وهي تبكي كاانها خايفه من شي اسالها وش الي يخوفك تقول لي ما فيه شي بس ابيك عندي خواتي ساعدني وش اسواة معها انا احب ان تكون هي لوحدها واخوانها الوحدهم الي عندها خبره الرجو كن

ابنتي كانت تشكي في هذا العمر من الأحلام المزعجة، وربما ابنتك نفس الشيء ولكنها لا تريد أن تخبرك.
ولهذا فقد كانت ابنتي تكره النوم، هي تكرهه حتى الآن ولكن لأسباب أخرى؛ مثل أنها كبيرة ويجب أن تبقى وقتاً أطول وهكذا

ولكنها من قبل كانت تخاف أن تنام، ولهذا فوضعت لها ضوءاً خارج الغرفة وأعطيتها مصحفاً تقرأ منه قبل النوم، والحمد لله منذ ذلك الوقت لم تشكو من الأحلام المزعجة، خاصة أنني أخبرتها أن تضع المصحف تحت مخدتها فيهرب الشيطان، وهذا الإيحاء جعلها تنام مرتاحة أكثر والحمد لله.

وعليكم السلام ورحمة الله وبركاته
خليها تقراء آية الكرسي والمعوذتين وسورة الاخلاص قبل النوم ثم تنفث في يديها وتمسح بهما جسدها
وأخبريها ان هذه الطريقة أخبرنا بها الرسول صلى الله عليه وسلم وان من فعلها لايضره شيء في ليلته
وضعي عندها مسجل وشغلي فيه شريط قرآن عوديها مانتام الا كذا
انا بناتي من بعد ما وضعت لهم المسجل وفيه شريط القرآن ،حتى لو صحو بالليل خايفين يشغلون المسجل ويرجعون ينامون
لانه يحسسهم بالأمان

الله يجزاكن خير خواتي مشكورات لو خليتها تنام قريبه من غرفتي مع اخوها الصغير الربع سنوات يعني كذا حل او يعودها علا الاعتماد علي حتى لو كبرت ولا تعتمد علا نفسها ارجوكن ساعدني انا محتاره الله يعيننا علا اتربيه للاطفال مشكوررررررات خواتي انا وديتها لشيخ يقرا وانا قريت عليها يقل لي الشيخ مافيها شي الحمد لله بس فيها خرعه (يعني خوف من يوم هي صغيره وش اسوي رايكن