أبنائى وأحبابى الحلوين السلام عليكم ورحمة الله وبركاته
كيف حالكم يا غاليين يارب تكونوا مبسوطين وفرحانين ولله دائماً شاكرين
انا خالتكم أم أمة الله جئت لكم لأحكى لكم حكاية جميلة
حكايه أخوكم معاوية.
•معاوية فى الصف الخامس الإبتدائى ولد مؤدب والنَّاس كلها بتحبة رجع معاوية من المدرسة فى يوم وهو سعيد وفرحان قالت له أمه
مالك اليوم فرحان هكذا يا معاوية؟؟
فقال لها : أمى إحنا ممكن نكلم ربنا ؟؟
فقالت له ماذا تقصد؟
فحكى لها .
_اليوم كان عندنا حصة تربية دينيه فى المدرسة
•دخل الأستاذ وسلم علينا
فقال: السلام عليكم ورحمة الله وبركاته
فكلنا ردينا وعليكم السلام ورحمة الله وبركاته
وبعدين قال :اليوم يا أحبائى درسنا عن
هل ممكن حد يكلم الله؟؟؟؟
•الكل استغرب و اندهش !!!
• فرفعت يدي فقال لى الأستاذ قل يا معاوية
• فقلت : موسي نبى الله عليه السلام
•ضحك الأستاذ وقال بارك الله فيك يامعاوية ولكن أنا اقول على كل النَّاس
•هل ممكن يكلموا ربنا
•لم يجيب أحد!!
•فقالالأستاذ :
نعم ممكن أى مسلم يكلم ربنا
• إذا قام الى الصلاة
•كلنا اندهشنا وقلنا: كيف يا أستاذ؟؟؟
•قال الاستاذ : شوفوا يا حبيبى
•كلنا بنرتاح لما بنتكلم مع اللى بنحبه ،، وبنطلع كل اللى جوانا صح؟؟؟
قلنا كلنا : صح
•الاستاذ: ديما بنحتاج لحد يسمعنا ويقدر كلامنا وميسخرش من مشاعرنا ؟؟
•قلنا كلنا :صح
•الأستاذ:الحد ده هو الله
•احسن حاجه فى الكلام مع ربنا انك في اي وقت تتكلم هتلاقيه سامعك .
•وإنك وأنت بتتكلم مش هتعرف تخبي حاجه ،ولا هتخاف من حاجه .
•كمان مش هتعرف تكذب.
•فعلا الكلام مع ربنا متعه .
•قلنا الله نتمنى أن نكلمة يا أستاذ
•قال النهارده حنستمع لحديث النَّبى والحصة
القادمة نتعرف على الصلاة متى وكيف . •عن أبي هريرة رضي الله عنه قال :
سمعت رسول الله يقول
قال الله تعالى :
(.عَنْ أَبِي هُرَيْرَةَ رضي الله عنه عَنْ النَّبِيّ صلى الله عليه وسلم:يَقُولُ: قَالَ اللَّهُ تَعَالَى: «قَسَمْتُ الصَّلَاةَ بَيْنِي وَبَيْنَ عَبْدِي نِصْفَيْنِ، وَلِعَبْدِي مَا سَأَلَ، فَإِذَا قَالَ الْعَبْد:{الْحَمْدُ لِلَّهِ رَبِّ الْعَالَمِينَ} قَالَ اللَّهُ تَعَالَى: حَمِدَنِي عَبْدِي، وَإِذَا قَالَ: {الرَّحْمَنِ الرَّحِيمِ} قَالَ اللَّهُ تَعَالَى: أَثْنَى عَلَيَّ عَبْدِي، وَإِذَا قَالَ: {مَالِكِ يَوْمِ الدِّينِ} قَالَ: مَجَّدَنِي عَبْدِي، وَقَالَ مَرَّةً: فَوَّضَ إِلَيَّ عَبْدِي، فَإِذَا قَالَ: {إِيَّاكَ نَعْبُدُ وَإِيَّاكَ نَسْتَعِينُ} قَالَ: هَذَا بَيْنِي وَبَيْنَ عَبْدِي وَلِعَبْدِي مَا سَأَلَ، فَإِذَا قَالَ: {اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ} قَالَ: هَذَا لِعَبْدِي وَلِعَبْدِي مَا سَأَلَ».)
رواه الإمام مسلم
•فسألناه: ما معنى الحديث يا أستاذ
•فقال: هذا يا أحبائى اسمه حديث قدسي
لان ربنا هو اللى بيتكلم فيه.
وهو هنا بيتكلم على اهم جزء فى الصلاة وهىَّ الفاتحة والحديث معناه إنك كل ماتكلم ربنا يرد عليك
• ومعنى حمدنى عبدى: يعنى شكرنى على نعمى عليه
مجدني عبدي :معناه عظمني و شرفني .
ولمَّا تكمل الفاتحة يقول
هذا لعبدي ولعبدي ما سأل :يعنى بيقول للملائكة انا هعطيه كل ما سألنى
•تعرفوا احنا بنسأل الله ايه فى الفاتحة ؟؟؟
•رد عثمان وقال :انا يا استاذ أعرف
• فقال له الأستاذ: قول يا حبيبى
•فقال: نطلب من الله سبحانه وتعالى فى الفاتحة ان يهديناإلى الطريق المستقيم مثل نبينا محمد وكل الصالحين
الذين يحبهم الله ورسوله
•وان لا نكون مثل النصارى واليهود الذين يكرههم الله لانَّهم يعصونه
ويفعلوا ما يُغضبه
•قال الأستاذ لعثمان :بارك الله فيك
• وكمل الأستاذ فقال:
ولما نركع بنسبح ربنا ولمانسجد بنبقى قريبين من ربنا اكتر واكتر وأى طلب تطلبه منه يحققه لك
•فقام على وقال الله الصلاة دى عظيمة ياأستاذ
•قال الحسن متى فرضها الله ياأستاذ؟؟
•وقال عبد الله ممكن تشوفنا وإحنَّا بصلى
لنتأكد أننا نصلى بدون أخطاء
• كثرت الاسئلة!!!
•فقال الاستاذ: الحصة القادمة سأجيب لكم يا أاحبائى على كل أسئلتكم فقد انتهت حصتنا اليوم
بارك الله فيكم ويسر الله لنا ولكل والمسلمين الصلاة الصحيحة
والسلام عليكم ورحمة الله وبركاته
•وبكدا انتهت الحصة ورجع كل واحد فينا يحكى لوالدية على
اننا كلنا ممكن نكلم ربنا سبحانه وتعالى فى أى وقت وبدون تعب بس نتوضأ ونقف أمام القبلة ياه انا فرحان قوى
•وانتم يا حبيبى فرحتم مثلى؟؟؟؟ •إن شاء الله فى الحكاية القادمة سأحكى لكم بقية الموضوع
والى ان ألتقى بكم لكم منى أحلى سلام
سلام الله عليكم ورحمته وبركاته
•ماشاء الله بارك الله فيك يا معاوية
إحنا منتظرينك تكمل لنا الحكاية الجميلة والمفيدة دى
جزاك الله خيرً
وأنتوا يا حلويين يارب تكونوا استفدتم
مع السلامة إلى أن نلتقى فى بقية الحكاية
فى أمان الله
والسلام عليكم ورحمته الله وبركاته
بقلمى..أم أمة الله
الروابط المفضلة