كتبت بواسطة enno

حبيبتى انا طعمته فعلا نقط بس حصبه عادى فتح زى كبسوله زرقه كده قطعها بمقص ونقط منها فى بقه وقالى دى حصبه واتطعم كمان نقط شلل دى حمله اليومين دول للاطفال من سن يوم لسن 5 سنين
بس قالى بعد كده بتاعة السنه ونص ايه اللى عند سنه دى؟؟؟؟؟؟

يعنى خد التطعيم بتاع من يوم لخمس سنين فى الصحة
وخدى بالك فى تطعيم بأة عند سن سنه دة جديد

طيب انا كنت بدى لى ابنى التطعيم فى اواخر الشهر يعنى اخر الشهر السادس مثلا
تفضلوا ايه
وابنى وهوة فى الشهر السادس كان نفس الوزن بتاع الشهر الرابع
ولو عايزة اعرف ان الطول كوويس
اصلا بينى وبينكم انا قصيرة هههههه وخايفه يطلع زيى بس ابوة طوله كوويس جدا ماشاءالله
ياريت تردو عليا من فضلكم

انا ابني عنده 11 شهر ولما راح يطعم في تسع شهور اخد نقط بس ومتعبش منها الحمد لله وقالوا تطعيم الحصبة بتاع التسع شهور اتلغى وخلوه لما يكمل سنة ان شاء الله
انا كنت قريت موضوع هنا اخت عاملاه وقالت ان دكتور الاطفال بتاع ابنها قالها قبل ما تنزل للتطعيم تدى ابنها معلقة بارامول او اى مسكن وخافض للحرارة وبكدا لما ياخد التطعيم ميسخنش وميتعبش منها
انا جربته ولقيته افضل فعلا

انا بطعم ابني مع بداية الشهر افضل يعني هو مولود يوم 26 /2
يوم 26 / في الشهر اروح اطعمه يعنى في بداية الشهر احسن طبعا وخاصة الحصبة عشان متجيش له ويتعب بالحصبة قبل التطعيم

يعنى لما يبقى سنه فى تطعيم الحصبه ده؟؟؟؟؟
بيبقى حقنه يعنى؟؟؟ وبيعمل سخونيه بردو ولا لا؟؟؟

انا بردو باطعم فى بداية الشهر يعنى هو مولود 29\4 بيطعم الشهرين يوم 29\6 وال4شهور يوم 29\8 وكده يعنى
شكرا انكو نبهتونى بتطعيم السنه ده بس طمنونى متعب ولا لا لانى قلت هارتاح من موضوع التطعيم ده لحد مايبقى سنه ونص طلع فى على السنه !!!

الشكر لله
تطعيم الحصبة متعب بس زى ما قلتلك اديله دوا مخفض ومسكن قبل ما تروحى بيه للتطعيم وان شاء الله مش هيتعب ولا يسخن
والتعب دا شيء طبيعي مع التطعيم

انا فعلا كنت قبل ما انزل من البيت بديلو سيتال مخفض ومسكن وسيتال لازم ياخدو قبل ما ينزل علشان تطعيم الثلاثى اكيد عارفين التطعيم دة بيسخن وبيتعبهم جدااا
والرضاعه بيتكون قبلها بنص ساعه وبعدها بنص ساعه متكنش مباشرة يعنى بعد ما يخرج من التطعيم علشان نسكيتو يبقى نرضعو ممكن يرجع التطعيم كدة
والله يحفظهم ويحميهم قولوا امييييييييييييييييييين

وانتى يا اينو مردتيش عليا ليه
التطعيم بتاع من يوم لخمس سنين اخدو فى الصحة ؟؟؟
اصل محدش عدة عليا خالص
وطول ابنى كدة كويس ولالا والوزن

كتبت بواسطة AbEeR

انا فعلا كنت قبل ما انزل من البيت بديلو سيتال مخفض ومسكن وسيتال لازم ياخدو قبل ما ينزل علشان تطعيم الثلاثى اكيد عارفين التطعيم دة بيسخن وبيتعبهم جدااا
والرضاعه بيتكون قبلها بنص ساعه وبعدها بنص ساعه متكنش مباشرة يعنى بعد ما يخرج من التطعيم علشان نسكيتو يبقى نرضعو ممكن يرجع التطعيم كدة
والله يحفظهم ويحميهم قولوا امييييييييييييييييييين

وانتى يا اينو مردتيش عليا ليه
التطعيم بتاع من يوم لخمس سنين اخدو فى الصحة ؟؟؟
اصل محدش عدة عليا خالص
وطول ابنى كدة كويس ولالا والوزن

حبيبتى هما عدو علينا بس لما روحت اطعمه الحصبه لاقيته بيطعموه فى الصحه وطعمهلوه تانى مع انى قلتله اخده فى البيت قالى مش مشكله بس لو عرفتى تسالى على طووول احسن فى الصحه
والوزن بصراحه معرفش بس اللى اعرفه انه بعد 6 شهور بيزيد فى الشهر نص كيلو او اقل حاجه بسيطه ده الطبيعى وعموما الدكتور كان قايلى اهم حاجه انه على سن السنه يكون وزنه 10 كيلو او اقل حاجه بسيطه مش مشكله لان انا ابنى سنن بدرى ماشاء الله والتسنين سد نفسه وخسسو اوى بس عموما اسالى دكتور افضل بالنسبه للطول متقلقيش لانه حتى لو قصير هايبقى طالعلك ياجميل يعنى الراجل مش هايجيبه من بره

تصدقى يا اينو انا قلقت جداااااا مش مشكله خليها ع الله
محدش عدة عليا علشان تطعيم بتاع من يوم لخمس سنين اصل انا عايشه بعيد عن اهلى
وجت امى اتصلت بى وقالتلى لو حد عدة عليكى علشان التطعيم خليه ياخود التطعيم متخافيش
ومحدش عدة المهم الله يسترها بس
وتطعيم بتاع 9 شهور الاسبوع الجاى اللى وارياة يوم 13 \2فعلشان كدة مش عارفه اسأل فى الصحة والا لا حتى فى بنت نفس سن ابنى سكنه جمبى مخدتش التطعيم وفى ولد تانى عندو 3 سنين مخدش التطعيم

كتبت بواسطة AbEeR

تصدقى يا اينو انا قلقت جداااااا مش مشكله خليها ع الله
محدش عدة عليا علشان تطعيم بتاع من يوم لخمس سنين اصل انا عايشه بعيد عن اهلى
وجت امى اتصلت بى وقالتلى لو حد عدة عليكى علشان التطعيم خليه ياخود التطعيم متخافيش
ومحدش عدة المهم الله يسترها بس
وتطعيم بتاع 9 شهور الاسبوع الجاى اللى وارياة يوم 13 \2فعلشان كدة مش عارفه اسأل فى الصحة والا لا حتى فى بنت نفس سن ابنى سكنه جمبى مخدتش التطعيم وفى ولد تانى عندو 3 سنين مخدش التطعيم

طيب ياحبيبتى اتصلى بدليل التليفون وخدى منهم رقم اقرب مكتب صحه وقوليلهم كل ده قوليلهم محدش عده عليا والتطعيم موجود لحد امتى واستنى ادهوله مع بتاع الحصبه بعد 10 ايام ولا مش هايبقى فى؟؟؟؟؟؟؟!!!!!

شكرااا اينو على ردودك
ابنك اخد تطعيم التسع شهور طيب ممن تقوليلى كم طوله الان هههه