أولا أحب أعرفكم بنفسي انا ردينه ( رورو أو كوكو ) وعندي ست شهور ونص وانا أول نونو لماما وبابا:
ثانيا حقولكم على يومي بيمشي ازاي:
بابي بيجي يصحيني على الساعه 10 إلا ربع كده اصحى وأفتح عيني الاقي بابا حبيبي واقف قدامي يقعد يلاعبني واقعد اضحك معاه وبعدين هو يورح يملا البانيو تاعي وبعدين مامي تيجي بعد ما تكون حضرتلي هدومي وتشيلني من السرير وتقلعني هدومي وبعدين استحمى واقعد ابلبط في المايهوبعدين اطلع البس ومامي تفطرني وبيكون فطاري ريري وده بيكون الساعه 10 الصبح

وبعد كده مامي تقعدني على القعاده عشان اعمل وبعد كده تشطفني وتلبسني وتسبني نايمه على الأرض اقعد العب واتقلب واعيش حياتي وممكن كمان انام شوية وعلى الساعه 12 كده تجيبلي مايه ونص موزة أكلهم وتيجي تقعد مامي تلعب معايا او تسبني تاني على حسب الشغل اللي وراها

وانا برضه اقعد العب واتشقلب وممكن انام شوية وممكن لأه الساعه 2 بقى ده معاد غدايا وبيبقى خضار مسلوق ومهروس ومامي بتأكلني وبعد كه تشربني وبعد كده اقعد على القعاده وبعد كده اتشطف وألبس ونقعد انا ومامي نلعب مع بعضينا واقعد جنبها على الكنبة او هيا تنزل تقعد معايا على الأرض ونقعد نلعب ونضحك سوا

الساعه 4 ده معاد الجبنه الافاش كيري تاعتي أكلها ونكمل لعب انا ومامي وساعات انا بلعب وحدي على الأرض واقعد أتشقلب وكده

الساعه 6 ده معاد السريلاك ومامي تأكلني وبعدين اقعد على القعاده وبعد كده مامي تشطفني وتلبسني واقعد العب وحدي شوية وانام شوية وبعد كده هيهيهيهيهيه بابي جه بيجي كده على الساعه 7 او 8 ويقعد يلعب معايا ويأكلني التفاحه تاعتي وأفضل العب معاه لحد الساعه 10 بالليل وده معاد الرضعه الأخيره وبعدها بناااااااااااااااااااااااام وبعد كده مامي بتصحيني تاني بعد ما تصلي الفجر عشان ارضع بس وانا نايمه ننا

ده برنامج رورو في معظم الأيام بس ساعات بنخرج وطبعا بتكون مبسوطة جدا ويوم الجمعه باباها بيبقى قاعد في البيت وبيقعد معاها معظم الوقت وساعات بنروح يومين كده المصيف مع ننا اللي هيا مامتي وبتكون رورو مبسوطة جدا ونومها بيقل جدا في النهار لما بنكون مع ماما

اسفة طولت عليكم جدا

ماشاء الله لا قوة الا بالله عليكى يا رورو
برافو عليكى انتى وماما وبابا كمان ربنا يحميكى يارب وتبقى عروسة زى القمر وتفرحى بابا وماما

ما شاء الله لا قوه الا بالله
الله يخليلك اياها يا رب و يبارك فيها

ماشاء الله عليكى يا رورو
ربنا يحفظك و يحميكى و تكونى من الصالحات و يخليلك بابا و ماما

يجنن يا جميل يجنن
طبعا ماشاء الله على القمر
والله انكي رائعة
وفقكي الله ومتميزة غاليتي بإذن الله
ربنا يوفقك
اسلوبك جميل جدااااااااااا

بسم اللة ماشاء اللة ولا حول ولا قوة الا باللة
قوليلها دايما (اعيذك بكلمات اللة التامة من كل شيطان وهامة ومن كل عين لامة)
ربنا يخليهال يا رب ويكرمك فيها يارب
انا بقا هخطبها لدودى اية رايك؟
ما شاء اللة نظام جميل

ربنا يخليلك هالقمر.. اسم الله عليها..

بس عندي سؤال؟؟ يعني هي بتعملها بالنونية؟؟؟

متكشرة ليكم كلكم

انا موافقه يا دودي ان رورو تتخطبلك

جزاكي الله خيرا يا بنت الأحرار وفعلا انا لقيت ان مفيش أحسن من النظام في حياة الطفل

كتبت بواسطة lanazn

ربنا يخليلك هالقمر.. اسم الله عليها..

بس عندي سؤال؟؟ يعني هي بتعملها بالنونية؟؟؟

ايوة هيا بتعملها في القعاده اصلي بقعدها بعد كل وجبه رئيسية يعني بقعدها الساعه 10 الصبح وبتعمل فيها وبقعدها الساعه 2 ومش بتعمل وبقعدها تاني الساعه 6 وبتعمل وبعدين بقعدها على الساعه 8 ونص وبتعمل فيها انا قعدتها بعد ما عرفت مواعيدها وعلى فكرة موضوع القعاده ده ريحني كتير وماما بتقولي انها بعد كده حتتعود بس لما تكبر شوية انا استنيت عليها لما بدأت تقعد وبعد كده قعدتها طبعا هيا دلوقتي مش فاهمة ان ديه قعاده وانها لازم تعمل فيها بس بقول مع الانتظام ممكن تقول او تعمل اي علامه لما تعوز تعمل

تبارك الله

برنامج حلو لسنها ربنا يحفظهالك