السلام عليكم ورحمة الله وبركاته

أنا بنتى عندها دلوقتى سنة و5 شهور
ومتأخرة فى المشى لحد دلوقتى بتسحف بس وبتقف وهى سانده على الكنب أنا سألت قبل كدة فى الموضوع ده وعرفت إنه طبيعى وخصوصا إنها سننت بدرى

بس إللى عايزة أسأل فيه دلوقتى
إمتى الطفل يقدر يتعرف على أجزاء جسمه ويشاور عليها لما تسأليه يعنى عينك فين ودنك فين ... وإزاى أدربها على كدة لأنها لسة مش بتكلم غير ماما وبابا
وكمان إمتى تسألى الطفل عن بابا فين أو ماما فين ويشاور عليه .. لأنها مش بتعمل الحاجات دى خالص وبقعد أقولها بابا وأشاور على زوجى بتبص هى على صباعى ومش بتبص على إللى بشاور لها عليه مش عارفة ده طبيعى ولا لأ

وكمان حاجة تانية
يعنى المشط مثلا بتمسكه تلعب بيه بس مش بتحطه على شعرها أو بتحاول تسرح بيه مع إنى بسرحلها بيه أكتر من مرة فى اليوم يعنى ده كافى لتدريبها
وكمان التيليفون بتحب تلعب بالموبايلات وكمان بتفرح لما تيليفون البيت بيرن وبتمسكه بس بتقعد تتفرج على السماعة وهى فى إيديها ومش بتحطها على ودنها زى ما بتشوفنا بنعمل مع إنها بتعرف تقلد حركاتنا يعنى بتقلدنى لما بحرك صباعى فى التشهد للصلاة وكمان بتقلد بعد الأصوات يعنى لو حد كح قدامها بتمثل إنها بتكح أو بتعطص وكمان بتنفذ بعض الأوامر زى هاتى حضن إعملى باى او هاتى بوسة أو طبطبى على نفسك علشان تنام يعنى

أنا بصراحة مش عارفة ده طبيعى ولا هى متأخرة فى الحاجات دى ولا ممكن يكون تأخر المشى عملها قلة خبرة
ياريت تساعدونى وبالذات إللى عندهم أولاد فى السن ده

انا يا حبيبتى مش هقدر افيدك فى اسالتك لان ابنى عنده سنتين و لسا ماقالش و لا كلمة و لا حتى ماما و بابا و لا بيشاور على اجزاء جسمه

بس بالنسبة للمشى لازم لازم لازم لازم توديها للدكتور و تعمليلها تحليل يمكن يكون عندها لا قدر الله نقص كالسيوم لانها كده متاخرة اوى و ده مالوش دعوة بالاسنان
لازم تروحى للدكتور و تطمنينى

بس على فكرة انتى مركزة مع البنت اوى و انا متابعة مواضيعك
حاولى تشيلى الوسواس من دماغك

ابقى طمنينى عليها

و ياريت تشيلى صورتها ماشاء الله عليها من توقيعك عشان الحسد يا حبيبتى ربنا يحميها
و سمعيها قران و الرقية الشرعية

و ربنا يطمن قلبى و قلبك على اولادنا يارب

ان شاء الله الاخوات يفيدوكي

ربنا يقر عينك بها

انت عايزاها تصير سوبر ماما من دلوقت ياغالية

لسة بدري الطفل لسة بيتعلم واذا ما قلدتك اليوم حتقلدك في يوم من الايام هي بتخزن كل حركة وكل كلمة

وفي حدود السنتين ان شاء الله تكون حصيلتها في التعلم زادت

لكن فعلا انت لاتحطي في بالك

انت الان في تفرة تعليم لا تياسي
ممكن اليوم ما تعمل بكرة تعمل وتقلدك
يعني لا تضغطي عليها
ماشا ءالله اهو بتعمل اشياء حلوة ربنا يحميها
يعني مش شرط تعمل كل اللي انت عايزاه في يوم واحد
وعلى فكرة كمان
الطفل احيانا يكون ماسك حركة لفترة معينة وفجاة حتلاقيه بطل يعملها وصار يعمل حاجة تانية
لانه في طور نمو وتعليم.

انا بنتي على الرغم من انها حكت بدري بس والله اتاخرت لما مشت ومامشت غير لما روحت الدكتور وكاتبلي علي مقوي بالفواكه حديد وكالسيوم وفيتامينات
بس طالما بنت سننت قبل يبقا ماتقلقي بس بدها شويه كالسيوم
انا بسمع انه الى بسيننوا قبل بيتاخرو شويه بالمشي
وبالنسبه للحركات عادي انتي بامكانك توخدي المشط وتعرفيها عليه واي حاجه تمسكيها علميها عليها وعرفيها لشو وهيا الان بتخزن اكيد في عقلها وان شاء الله هتلحظيه كله عليها بس صبرك بالله واختي ام ياسين ان الله مع الصابرين
الله يطمنكوا على اولادكوا قولوا امين

انا مع كلام الاخوات مستعجليش على البنت بدرى اللى بتفكرى فيه ده

المشى شوفى دكتور لانها كده ممكن تحتاج حقن كالسيوم

اما انها تتعرف على اجزاء جسمها فانا مع بنتى تقريبا بدات من سن بنتك كده وكنت اقعد انا وهيا واقول لها فين عين فلانه واشاور بايدى على عينى انا

فين بقن فلانه واشاور وكل يوم طول ما احنا فاضين شغاله على المنوال ده ومستعجلتش الاستجابه ومرة على مرة بدات تقول 2 صح و10 غلط عاااااااااااااااااااااااااااادى ويوم ورا يوم ورا يوم بقت هى اللى تقولهم بالاسامى كمان متستعجليش ومتظلميش البنت معاكى


ثانيا انا من راى ازمرندا ياريت تشيلى الصورة من التوقيع

اما بالنسبه للتليفون انتى امسكى السماعه وقولى قدمها السلام عليكم ورحمة الله ايوه مين معايا

ازيك يا عمتو مثلا او يا جدوا عامل ايه واديها السماعه وقوليلها كلمى كلمى بس ميكنش حد على السماعه تمثيل يعنى

وانا من سن بنتك كنت بدى بنتى السماعه تحطها على ودنها واخلى اهلى يكلموها فتسمع الصوت وتدينى السماعه وشويه شويه هتعيط لما تمسكى انتى السماعه

السلام عليكم ورحمة الله وبركاته
والله يا أخواتى أنا لما بتكلم معاكم انتو بطمن وبرتاح علشان كدة أسئلتى واستفساراتى كتير على المنتدى
لأن بصراحة الناس مش بترحم أنا والله مش مركزة معاها أوى زى مانتوا فاكرين ومش مستعجلة عليها .. بس الناس جننونى ومنهم أقرب ناس ليا كمان يعنى مثال يقولولى ده فلان أصغر منها بشهر وبينادى على أمه وأبوه بإسمهم دافلانة مولودة معاها فى نفس اليوم وبتعمل كذا وكذا وواحدة تقولى دانا بنتى وهى عندها سنة كنت بحطلها الطبق والمعلقة وتاكل لواحدها وكانت لما بتعوز تعمل حمام بتقول أعمل توت يا ماما وكلام كتييييييييييير زى ده مفيش مجال إنى أحكيه ودايما يحسسونى إنى أنا المقصرة معاها يعنى ناس تقولى لاغيها شوية علشان تتكلم وناس حولى تمشيها وتدربيها علشان تمشى وأنا بعمل معاها والله على قد مقدر وعلشان كدة دايما بسألكم علشان أعرف الطبيعى ايه علشان مضغطتش عليها .. دى حتى بنتى عندها استجماتزم ومش راضية تلبس النظارة خالص وبتقلعها وتلعب بيها وغلبتنى وأنا خايفة على عنيها وبحاول معاها كتير والدكتور معندوش غير لأ حاولى معاها لأن مفيش حل غير النظارة وكأنى بدعى إنها مش راضية أو إنى إللى مقصرة بجد تعبت واحترت مابين بنتى وبين قدراتى معاها وبين الناس إللى مش بيبطلوا نصايح وكلام وكأن بنتى حالة نادرة وأولادهم مفهومش غلطة وسابقين سنهم ولما أقولهم دول ناس قالولى على النت إن ده طبيعى يحسسونى إنى مضحوك عليا أو إنى بقول مبررات وخلاص
وبالنسبة للمشى إحنا بنديها حقن كالسيوم وربنا يعينها وتمشى بقى وأفرح بيها ودعواتكم معايا

وكمان كنت عايزة أسأل سؤال تانى .. ياترى كل وقت بتندهوا فيه على أولادكم بيردوا عليكم على طول ولا لأ لأن بنتى لما بنده عليها بتبصلى مرة وعشرة لأ ومكدبش عليكم ده ساعات بيخوفنى عليها وبخاف ليكون عندها توحد مع إنها عندها اتصال بصرى معانا كويس وبتتفاعل معانا ومش بتحب تقعد لوحدها خالص بالعكس دى بتزهق بسرعة لما بتعقد لوحدها ومش بتحب الروتين خالص.. بس فى أوقات أبقى جمبها خالص وبنده عليها مش بتبصلى خالص أوقات بتكون مشغولة بحاجة وأوقات تانية بتبقى بتلعب بإيديها ياريت تستحملوا أسألتى أصلها بنتى الأولانية ومعنديش خبرة خالص وهى كمان تعبانى ومحيرانى معاها

بصي حبيبتي متقلقيش نفسك
و سيبك من اي كلام تسمعيه عارفة حتقولي ازاي اي حد يقولك اي ملاحظة بالذوق وقفيه عند حده مثلا هي كده عجباني هو في زيها ماشاء الله عليها كده العبارات الاستفزازية
صدقيني هي اللي بتجيب فايدة

نرجع للموضوع بالنسبة للمشي عندي صديقات اطفالهم مشو على السنتين و كل شيء طبيعي عندهم بس كانو بيزوروا دكاترة و بيطمنوا وقبل ما تدي بنتك اي حاجة خاصة بالكاليسوم لازم تتاكدي انها محتاجة عن طريق اشاعة بتتعمل و خصوصا حقن ديفارول

و بالنسبة لاشارات في فروق فردية بين شخص و اخر مالهاش علاقة بالذكاء و بنتك صغيرة لسه
في سديهات نونو1 جميلة اقعدي معاها و رددي هي لما تلاقي كرتون و الوان حتتشد ليه
و انتي ما تياسيش تابعي معاها تعليمها و قدراتك ايه كلنا بنتعلم واحدة واحدة

و بالنسبه لاستجابتها لانداءك هي مش بتتكلم لسه عايزاها تعمل اية و يمكن هي بطبيعتها هادية بس اتاكدي برضو من سمعها
بصي متقوليش بكلكع الدنيا عشان ضميرك يكون مستريح و تبقي مطمنة لازم تشوفي الدكاترة الاول اطمنتي خلاص بقى يبقى براحتها و على مهلها

النضارة في زي رباط بيتعلق في ذراع النطارة و يتضيق اسالي عليه ممكن يفيدك ان شاء الله و ربنا يشفيها و يعافيها

و ربنا يطمنك عليها حبيبتي و تطمنينا كمان
و تفرحي معاها و تلعبي و الله ابسط استجابة من الطفل لها فرحة جميلة
وان شاء الله قريبا تكون بتعمل كل حاجة
ربنا يحفظها من كل سؤ

السلام عليكم

يا حبيبتى اوعى تستعجلى على بنتك و هى و الله مش متاخرة ولا حاجه

انا مريت بنفس الظروف و كان الناس مبيسبونيش و الله و منهم ماما كانت بتقول زيهم
لدرجه ان انا وابوها اطباء و ماما تقوللى باب النار مخلع مش عارفين تفيدوا بنتكم

بس هى كانت خوافه بتخاف مووووووووووووت على نفسها و مشت من نفسها سنه و نصف

طالما بتقف و بتسند متخافيش

ابنتك فى هدا السن لو طلعت اربع اسنان فوق و تحت يبقى مش محتاجه كالسيوم خارجى لو لسه مطلعتهمش يبقى تاخد كالسيوم بس يا ريت تديها شراب و بلاش حقن
بالنسبه انها مش بتستجيب للنداء دايما شوفى يا اختى لو هى استجابت مرتين من عشر مرات ما تقلقيش الاطفال بتركز فى حاجات كتير ممكن تكون مركزه فى حاجات تانيه طالما تواصلها البصرى تمام معاكم متقلقيش

و ربنا يخليهالك و تزهقى من شقاوتها

كتبت بواسطة نسائم حائره

بصي حبيبتي متقلقيش نفسك
و سيبك من اي كلام تسمعيه عارفة حتقولي ازاي اي حد يقولك اي ملاحظة بالذوق وقفيه عند حده مثلا هي كده عجباني هو في زيها ماشاء الله عليها كده العبارات الاستفزازية
صدقيني هي اللي بتجيب فايدة

نرجع للموضوع بالنسبة للمشي عندي صديقات اطفالهم مشو على السنتين و كل شيء طبيعي عندهم بس كانو بيزوروا دكاترة و بيطمنوا وقبل ما تدي بنتك اي حاجة خاصة بالكاليسوم لازم تتاكدي انها محتاجة عن طريق اشاعة بتتعمل و خصوصا حقن ديفارول

و بالنسبة لاشارات في فروق فردية بين شخص و اخر مالهاش علاقة بالذكاء و بنتك صغيرة لسه
في سديهات نونو1 جميلة اقعدي معاها و رددي هي لما تلاقي كرتون و الوان حتتشد ليه
و انتي ما تياسيش تابعي معاها تعليمها و قدراتك ايه كلنا بنتعلم واحدة واحدة

و بالنسبه لاستجابتها لانداءك هي مش بتتكلم لسه عايزاها تعمل اية و يمكن هي بطبيعتها هادية بس اتاكدي برضو من سمعها
بصي متقوليش بكلكع الدنيا عشان ضميرك يكون مستريح و تبقي مطمنة لازم تشوفي الدكاترة الاول اطمنتي خلاص بقى يبقى براحتها و على مهلها

النضارة في زي رباط بيتعلق في ذراع النطارة و يتضيق اسالي عليه ممكن يفيدك ان شاء الله و ربنا يشفيها و يعافيها

و ربنا يطمنك عليها حبيبتي و تطمنينا كمان
و تفرحي معاها و تلعبي و الله ابسط استجابة من الطفل لها فرحة جميلة
وان شاء الله قريبا تكون بتعمل كل حاجة
ربنا يحفظها من كل سؤ

كلامك صح يا أختى وفعلا الحل الوحيد هو الردود الإستفزازية دى لأنى بصراحة ساعات ناس أكون كنت عارفة وادهم لما كانوا فى سن بنتى ومكنوش بيعملوا حاجة خالص وبرده بيقعدوا ينصحوا ويتفلسفوا وكأنهم نسيوا أولادهم كانوا بيعملوا إيه بس هو داء عند الناس وخلاص
بالنسبة للمشى أنا زوجى طبيب أطفال أصلا وهو إللى متابع معاها الموضوع ده وبيعالجوا على طريقته
وهى سماعها الحمد لله كويس وأغلب الأوقات إللى بندهلها فيها بتكون بتلعب بحاجة أو سرحانة بس الأطفال دايما شغولين بأى حاجة معنى كدة إنهم مش بيردوا على النداء أغلبالوقت وأحيانا مجرد ما بتسمع صوتى فى المكان من غير مانده عليها بتبصلى وبتجينى
أما بقى النظارة فأنا شفت معاها الويل ربطهالها بأستيك ومرة بحبل ومرة بأستيك من فوق وأستيك من تحت وكنت بجيبلها نظارة تانية تلعب بيها علشان تتلهى عن النظارة إللى على وشها وبرده مفيش فايدة أنا أصلا بخلى حد يكتف إيديها علشان أعرف ألبسهالها لأنها مجرد ما بتشوفها بتشبط فيها على طول مع إنا ووالدها لابسين نظارات يعنى طبيعى إنها تستوعب لبس النظارة ده معدش فاضلى إلا الدعاء
جزاكى الله كل خير يا أختى وربنا يطمنك ويبارك فيكى