انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 2 من 2

تعلم التدريب والتطوير

(ركن الجامعات والدراسات العليا - منتديات لكِ النسائية - الأرشيف)
...
  1. #1
    تاريخ التسجيل
    May 2016
    الردود
    5
    الجنس
    رجل
    التدوينات
    5

    تعلم التدريب والتطوير

    أيه الفرق بين التدريب والتطوير؟
    التدريب:- بعمله علشان أحسن معارف ومهارات الموظفين اللي عندي علشان استفيد منهم على المدى القصير.
    مثال:- هدي موظفين السيلز بتوعي دورة تدريبية في السيلز علشان بدل ماكانوا بيبيعوا ب1000 يبيعيو ب1500. هجيب مكن جديد يقلل الوقت والجهد وهعمل برنامج تدريبي للعمال علشان يعرفوا يشتغلوا عليه.
    الفئة المستهدفة:- الأفراد منخفضي الأداء مرتفعي السلوك.
    كيفية معرفة ذلك:- من خلال تقييم الأداء والملاحظة المباشرة.
    التطوير:- بعمله علشان أحسن معارف ومهارات الموظفين اللي عندي علشان استفيد منهم على المدى البعيد.
    مثال:- تأهيل الموظف (أ) لتولي منصب مدير الموارد البشرية بعد عام. نقل الموظف (أ) لمنصب قيادي لسد خلل بالشركة.
    الفئة المستهدفة:- الكفائات (الأشخاص مرتفعي الأداء مرتفعي السلوك).
    كيفية معرفة ذلك:- من خلال تقييم الأداء وخطة الإحلال والتجديد والنقل للمؤسسة.
    التدريب والتطوير (2)
    الدائرة التدريبية:
    أي تدريب ناجح لازم يمشي وفقاً للدائرة التدريبية وده بتشتمل على أربع حجات
    1- تحليل الإحتياجات التدريبية training needs analysis (TNA)
    2- تصميم التدريب training design
    3- إلقاء التدريب والدعم training delivery & support
    4- تقييم التدريب training evaluation
    كل عنصر من الأربع عناصر دول ليه أليه معينة بيتنفذ بيها بشكل تقني وده لضمان فاعلية البرنامج التدريبي وضمان تحقيق الهدف المرجو من التدريب.
    وإن شاء الله سيتم تناول كل عنصر بالتفصيل على حدة ابقوا معنا


    التدريب والتطوير (3)
    زي ما قلنا المره اللي فاتت إن أي تدريب ناجح لازم يكون مبني على الدائرة التدريبية اللي هي بتتكون من أربع حجات (تحليل الاحتياجات التدريبية – تصميم التدريب – إلقاء التدريب – تقييم التدريب)
    أنهاردة هنتكلم عن أول حاجه في الدائرة التدريبية (تحليل الاحتيجات التدريبية)
    يعني أيه تحليل الاحتيجات التدريبية؟
    يعني ببساطة أنا عاوز اعمل التدريب ده ليه؟ بحلل احتياجاتي التدريبية من 3 جوانب:-
    – 1 تحليل الوضع المؤسسي (Corporate Analysis) يعني ببساطة الشركة ده ناويه على أيه؟ لو ناويه تتوسع أو ناوية تجيب مكن جديد أو ناوية تعمل أليه جديدة للعمل أو ناوية تحقق ميزة تنافسية أو ناوية تزود إنتاجها بنفس أو ناوية تقلل تكاليف الإنتاج أو الشركة ده عندها مشكلة في ضعف أداء الأفراد أو …. أو …. هنا يبقى الشركة ده محتاجة برنامج تدريبي لموظفيها. يعني من الاخر تحليل الوضع المؤسسي ياأما علشان أسد خلل عندى في الشركة أو علشان أحقق ميزة إضافية.
    -2 تحليل الوظيفة (Job Analysis) يعني مثلا قسم السيلز عندي إنتاجيته ضعيفه وتقييم الأداء بتاعه ضعيف والمبيعات تعبانه، هبتدي أحلل هي الوظيفةده فيها خلل ليه؛ لو السبب هو ضعف الأداء أو استحداث نظم جديدة في البيع أو الشركات المنافسة بتبيع أكتر بسبب إنهم بيستخدموا أساليب جديدة مش عندي يبقى أنا محتاج تدريب.
    3- تحليل أداء الأفراد (Personnel Analysis) عندي مثلا موظف طلع تقييم أدائة متوسط الأداء أو منخفض الأداء والموظف ده شخص ملتزم جدا في الحضور والانصراف شخص على خلق شخص عينه بتلمع كده وعنده رغبه في التعلم وتطوير نفسه شخص بيقعد يدور على النت لما تواجهه مشكلة وبيحاول يحلها ويقعد بعد أوقات العمل يدور فيها، الشخص ده وديه تدريب وعلى ضمنتي


    المصدر: التدريب والتطوير , online education
    آخر مرة عدل بواسطة ادارة الموقع : 16-07-2016 في 03:17 PM

  2. #2
    تاريخ التسجيل
    Jul 2016
    الردود
    12
    الجنس
    رجل
    جزاكم الله خيرا علي المجهود

مواضيع مشابهه

  1. التدريب والتطوير في ظل المعايير الدولية - مركز فضاء قطر
    بواسطة هشام حلمي سعد في حافز الوظائف والدورات التدريبية والمشاريع التجارية
    الردود: 0
    اخر موضوع: 13-10-2015, 01:24 PM
  2. ((التدريب والتطوير في ظل المعايير الدولية))
    بواسطة soha adel في حافز الوظائف والدورات التدريبية والمشاريع التجارية
    الردود: 0
    اخر موضوع: 24-09-2014, 02:17 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96