مساء الخير ياجماعة
الرجاء الأهتمام بالموضوع انا عايزة ادخل ابنى مدرسة سان مارك وعايزة اى حد يكون اولاده فيها يتواصل معى للإرشاد اجوكم

نجوان انا اخويا كان فيها لكن ده من سنين هو مخلص ثانوية عامة 87 ..ما اعرفش مستواها دلوقتي بس نصيحة فكري في مدرسة ما تكونش ادارة رهبان علشان يكون فيه قدر و لو بسيط بالمباديء الاسلامية ...كمان لو كنتي مش قوية في الفرنساوي يبقى الافضل تدخليه مدرسة انجليزي لانهم بياخدوا في المدارس الفرنسي الرياضيات و العلوم بالفرنساوي فمش حتعرفي تتابعي معاه لما يكبر شوية ..و حتضطري تديله دروس من بدري ...ده غير انك حتتعبي شوية علشان تلاقي مدرسين متميزين بيدرسوا المواد دي بالفرنساوي خصوصا في الثانوي ..و كمان الكتب الخارجية ايامنا ما كانتش متوفرة في الرياضيات و العلوم و الفرنسي ما اعرفش دلوقتي موجودة و لا لأ
يعني ده رأيي و ربنا يوفقك للخير

شكرا رانيا على اهتمامك بس انا لحد ما كويسة فى الفرنساوى وباخد كورسات من6 شهور علشان اقدر امشى معاهسواء دخل سان مارك او اى مدرسة هايخد فرنساوى برضه

ربنا يوفقك ان شاء الله في اختيار مدرسة ابنك ..هو فعلا في اي مدرسة حياخد فرنساوي بس حتكون لغة تانية يعني مش حتكون صعبة اوي ده غير انه مش حياخد الرياضيات و العلوم بالفرنساوي و هو ده الي صعب شوية ... عموما انت كويسة في الفرنساوي يبقى ما فيش مشكلة ..انا بس حسيت اني بعد سنين من الدراسة بالفرنساوي اكتشفت في الحياة العملية انه ما لوش لازمة في مصر و ان الانجليزي اهم منه ..و اني ما استفدتش منه في حاجة و قربت انساه خصوصا لما لقيت الدراسة في الكلية بالانجليزي ...عموما هو فيه ميزة ان اللي بيدرس الفرنساوي في الاول بيبقى الانجليزي سهل بالنسبه له و غالبا بيبقى شاطر فيه...
ربنا يوفقك و لو اني مش بافضل مدارس الرهبان ..انصحك بالاستخارة و ربنا يقدم لك الخير

والله يا رانيا انا حابة قوى سان مارك بحس انها بتخرج اولاد مهذبين عارفين اصول التعامل وكمان فيها نشاط رياضى ممتاز ودا هاممنى قوى لأن نفسى ابنى يدخل فى نشاط وحد يهتم بيه وياخد بطولات قولى يا رب

ربنا يوفقك يا نجوان للمدرسة اللى تحبيها
بس رايي انك تسالى كذا حد
لان المدارس بتاعة الرهبان دى بتعمل تشتت شوية للطفل بين الاسلام والمسيحيين
خصوصا ان السن الصغير لسة بيبقى مش عارف يميز