معلهش عندي إضافة علي كلامكم،ياريت بعد ما كل واحدة تكتب التجربة لو ينفع تكتب المصاريف كمان علشان أنا واحدة من الناس - وشفت منكم ناس زيي- بيفكروا ينقلوا ولادهم السنة اللى جاية وكده نسهل على بعض البحث. وجزاكم الله خيراً

الأميرة طماطم:

ميرسى على إهتمامك،أوكي حارجع للمشاركات وأشوف.

أنا ولادي فى مصر 2000 الحديثة_MSE

المدرسة نظيفة ،بس الكلاس فى 32 وده طبعا كثير جدا والمدرسات مش مركزين خالص مرة يكتبولي فى هوم ورك وما يبعتهوش وحاجات زي كده ،الكتب كويسة بس الهوم ورك برضة كثير علي سنهم ،فى واحدة صاحبتى فى منارة الفاروق فى KG قالتلى إمبارح إنهم ما خدوش ولا صفحة هوم ورك لحد دلوقتي وإحنا بناخذ تقريبا 3 أو 4 صفحات يومياً.

وكمان الإدارة ضايعيين تماما ،وعلشان يوصلوني بال KG ممكن أستنى على التليفون 10 دقائق وفى الآخر يقفلوا السماعة أو يرفعوا ويقفلوا من الأول.

ده اللي أكتشفتوا من أول أسبوع بس علشان أنا ماودتهمش بعد كده علشان ظهرت حالتين H1N1 فمستنية أشوف أخرتها إيه.

وبالنسبة للمصاريف 8000 والباص 2000

لو حد عايز أى معلومات انا موجودة.

ميرسي يا ياسمين الله يسلمك.

ياسمينا انتي ولادك في مصر 2000 اللي في التجمع واللا مدينة نصر ؟

اللي فى التجمع الخامس يا أناناسة،هو فيه أصلا فى مدينة نصر؟ أنا أول مرة أعرف المعلومة دى

سلام عليكم يا حلوين سادينا حمد لله على السلامة
طماطم حلوة فكرتك اوي علشان يبقى الملف كامل منكامل
انا فريدة KG1 مدرسة امجاد
هى دخلت يوم الاتنين 12 اكتوبر
يعني ملحقناش نشوف حاجة غير ان الباص مواعيده مظبوطة الى الان وقللوا العدد الستة دي الكلاس بتاع فريدة 26 وفي 3 مدرسات و ناني ده غير معلمة القران
المدرسة نظيفه والكلاس حلو دي طبعا كلها مظاهر خارجية لسه مش عارفين الدواخل ايه يا مسهل

اه تسيت المصاريف
9000مصاريف
2700باص

كتبت بواسطة eng.yasmin

اللي فى التجمع الخامس يا أناناسة،هو فيه أصلا فى مدينة نصر؟ أنا أول مرة أعرف المعلومة دى

ايوة ماهي اصلا كانت في مدينة نصر وبعدين فتحوا فرع التجمع
مكانها اخر مصطفي النحاس عند عزبة الهجانة كدة

بقولك يا ياسمين
هما حالتين الانفلوانزا اللي ظهروا عندكوا كانوا مسافرين ورجعوا او حاجة ؟

السلام عليكم
عندى بودى مدرسه الرواد kg1
المصريف6100
من غير الباص
هما لسه ما اخدوش هوم ورك بس المدرسه قالتلى انهم بياخدو عربى و ماس و انجلش اورال و مستانين لحد الاولاد ما ياخدوا على الكتابه علشان الهوم ورك
و المشكله فى المدرسه ان الجاردن مافيهاش لعب كتير و الاولاد ما بيلحقوش يلعبو و لما كلمت المشرفه قالتلى انهم مستانين علشان هيجيبو لعبه كبيره اوى من تويز ار اص
بس المدرسه من الناحيه التعلميه لغايه دلوقتى كويسه و المدرسات معملتهم لينا و للاولاد ممتازه و مرحين و متعاونين جدا
اتمنا انى ما اكونش طولت عليكم