جزاك الله خيرا يا هناء

أبنى فى مدرسة بريليانس وهى مدرسة ممتازة حقا أخلاقيا ودينيا وتعليميا ومهما كتبت عنها فلن اوفيهم حقهم لان الادارة ممتازة وكل من يعمل فى هذة المدرسة يستحق التقدير واذا احببتم أن أكتب عنها المزيد فانا موجودة

شكرا ليكى يا ام بيجاد على مداخلتك معانا وياريت فعلا تقولى لنا كل حاجه عن المدرسه وياترى بعد المسافه اللى بتنتكلم عليه انا وشيماء مش مهم ولا ايه عايزين نستفيد بخبرتك واحنا فى انتظار التفاصيل

السلام عليكم ورحمة الله تعالى وبركاته

المدرسة ما شاء الله كويسه جدا وبيعملوا أنشطة رائعة مع الاولاد عندهم يومين فى الاسبوع يذهبون الى مكان فى المدرسه مخصص للاعاب الذهنية واليدوية كالطين الاسوانى والخيش وغيرها وكثير من العاب الذكاء كما انهم يدرسون القرآن بالتجويد وعليهم حفظ متن تحفة الاطفال الخاص بالتجويد وبعدين مش بيتأخروا قوى بنت خالى ساكنة فى محرم بك واولادها معانا فى المدرسة وبيوصلو تقريبا فى نصف ساعة أو ساعة الا ثلث بالكتير وبعدين انت بتنتقى بيئه صالحة لاولادك هتأثر فيهم جدا بعد كدة دايما بيعلموا الاولاد يحبوا بعض وكل يوم بيشوفوا مين أطيب ولد فى الفصل بيلبسوه تاج kind boy فتلاقى الاولاد بيحالوا يحصلوا على هذا التاج
مصاريف المدرسه5000 الا50 البلاى سكول ب2450 الباص ب 900 الكتب ب200

وللأمانه فى مدرسة اخرى كويسة جدا اسمها براعم طيبة لكن ازهرية لغات وفيها انشطة حلوة جدا وكل طفل لازم يتعلم أما سباحة أو رماية أو ركوب الخيل وهم الذين يدربون بدون مقابل وعندهم خيول كتير وكمان التعليم فيها ممتاز بجانب القرىن بيدرسة شيوخ
مصاريفها 4500 الباص ب 1000

المهم قبل أختيار اى مدرسة عليك بصلاة الاستخارة والله إن شاء الله هيوفقك للأحسن مدرسة وبالتوفيق أن شاء اللة

جزاكى الله كل خير يا ام بيجاد انتى حتخلينى اعيد التفكير تانى فى الموضوع وربنا يوفقنا جميعا للى فيه الخير للاولادنا

ما علش لى سؤال يا ام بيجاد هى الكثافه فى الفصول قد ايه

العام الماضى كانوا 17 طفل وهذا العام22 طفل والفصول كبيرة والله بأمانة مدرسة ممتازة وأن شاء الله ابنى التانى داخل هذا العام بلاى سكوول

اهلا بيكى يا أم بيجاد وشكرا على معلوماتك ومساعدتك لينا
معلش كان عندى كام سؤال
1- هى بتاخد kg 1 سن 3 سنوات ونصف ولا 4 سنوات وعشان ابنى ناقص شهريين هياخدوا بلاى سكوول
2- بياخدوا ابنك الساعة كام وبيرجع كام
3- الفرنساوى بياخدوا من سنة كام
وانا يأم بيجاد تعليم ازهرى من الاعدادى الى الجامعة والتجويد مش سهل وهل حفظ متن التجويد مش صعب على طفل بجانب اللغات اللى بيتعلمها عشان هى مدرسة لغات

معلش يا أم بيجاد المصرفات
5000 مصاريف
900 الباص بس اكييد حسب المسافة
200 كتب
طب والزى المدرسى بكام ؟؟؟؟؟؟؟؟؟؟؟؟؟
وهل بيتبعوا منهج ميكميلان ولا برايت ستار فى تدريس اللغة الانجليزية؟؟؟؟؟؟؟؟؟؟
وسؤالى للجميع هل مدرسة ليدرز احسن ولا بريليانس؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أهلا بيك يا شيماء المدرسه بتفبل بلاى سكوول 2 ونصف والكجى 3 ونصف

بياخدوا ابنى الساعة 7و عشرة دقائق وبيوصل عندى 1 وثلث اسكن فى العيسوى

الجنيور بيدخلوا معانا 7و عشرة وبيوصلوا البيت 3 ونصف

هما بيخدوا ألمانى من جنيور2 وتقريبا الفرنساوى من جنيور 4
هما بيخدوا متن تحفة الاطفال فقط لانهم يدرسون الطريقة النورنية لتعليم القراءة والكتابة وهى طريقة ممتازة وبعدين الاولاد حفظ المتن ظهر عن قلب ما شاء الله لا قوة الا بالله
ممكن تحضروا الحفلة الخاصة بالكجى يوم الاربعاء القادم ان شاء الله وتعالوا شوفوا الاولاد و المدرسة

الباص تقريبا لمحرم بك 1000 او1000و50

الزى التيشرت ب45 والترينج ب 60 الجاكت ب 70 البانطلون ب 35 الكجى تيشرتات وليس قميص وتيشرت شتوى ب 70