السلام عليكم ورحمة الله وبركاته

اخواتي العزيزات كل عام وانتم بالف خير

الاغلب بدأت عنده الاجازه و البعض مازال اولادة بتمتحن

ربنا معاكم ومعاهم

انا فكرت افتح هذا الموضوع لنتبادل خبراتنا في المدارس لاولادنا

فمع نهاية كل عام البعض يبتدى يفكر انه يغير مدرسة ابنائه لعدة اسباب

وهذا ما حدث معي هذا العام

فانا اولادي مثلا في مدرسة future language school فرع المعادي

وصراحة تعبت كثيرااا هذا العام وافكر جديا في نقلهم من المدرسة

الى مدرسة نارمر للغات فهل لديكم فكرة عن هذه المدرسة

او مدارس اخرى افضل

و ما الاشياء التى تعانوا منها في مدارس ابنائكم

بانتظار الحوار

و الله يا اختى دا المدارس دي طلعت فيلم كبير اوى انا بنتى لسه هتدخل السنة دي و كنت بفكر فى ال future language schools فرع مدينة الرحاب عشان قريبة بس كده انتى قلقتينى و يا ريت كنت اقدر افيدك او نلاقى حد يفيدنا احنا الاتنين

اهلا يا سماح ...انا سمعت ان فرع الرحاب كويس لانه نطاقه ضيق ومقتصر على مجموعه من الاولاد

عندنا في المعادي بدأ كويس وبعد كدا باظ نتيجة عدم وجود ادارة جيده في المدرسة يعني المدرسة ماشية بالبركة زي ما بيقولوا

مفيش كبير نتكلم معاه ودا اللى حسسنا برغبه قوية في اني انقل لمدارس نارمر

فهل حد عنده علم بهذه المدرسة ؟؟؟

وعليكم السلام ورحمة الله وبركاته

النداء للمصريات, لكن أحببت أن أرحب بكم في الملتقى فحياكم الله وبالتوفيق لأبنائكم ..

http://www.lakii.com/vb/showthread.php?t=420950&page=16

وعليكم السلام ورحمة الله وبركاته

حياكم الله في الركن ..

وفقكم الله ووفق أبناءكم لما فيه الخير والرضى ..


بارك الله فيكِ Boshra .. وأهلاً بكِ ..

ما شاء الله
واقول الركن منور اليوم ^_^

حياكم الله حبيباتي
وأتمنى ان تستفيدن من تجارب بعضكن البعض

أسأل الله لكن ولأولادكن التوفيق والسداد

تسلموا اخواتي على الترحيب الحااار زززهذا من طيب اصلكم

اختي بشرى شكرااا لك الرابط واتمنى افادتي عن مدارس نارمر للغات

هل هي جيده ؟؟

behappy انا كمان بنتى فى Future Maady و السنه دى طلع عينى هيا Primary 1 و انشاء الله حنقل السنه دى لان مش حاسه ان حيحصل تحسن انتى ولادك فى سنه كام ؟
انا سالت عن نارمر و سمعت انها كويسه اوى من ناحيه اللغات بس فى ناس قالولى ان العدد فى الفصل بقى كبير و ان لاداره بقت مهتمه اكتر بالقسم الاميريكى علشان كده انا كنت بشوف مدارس و لما ياست من المعادى اتجهت الناحيه التانيه فى مدرسه اسمها Knowledge Valley عندى ميعاد انهارده و ربنا يسهل و فى Bloom فى المريوطيه جديده و سمعت انها كويسه اوى و الله حبيبتى انا مش عارفه اعمل ايه انا كنت استقريت على نارمر و بعدين ترددت خاصه انها برده مش رخيصه كمان قالولى على الملينيوم انها السنه دى كويسه بعد ما المديره اللى كانت فى نارمر انقلت لهم و فى والده زميلته بنتى قدمت فى البشاير .
انتى ساكنه فى المعادى؟
ادينا مع بعض و نشوف ربنا يارب يوفقنا للى فيه الخير لولادنا

ايوه انا ساكنه في المعادي

بنتي في رابعه ابتدائي وداخلة خامسة

وابني في في كي جي تو و رايح اولى ابتدائي

وصراحة بقيت تعبانة نفسيا ...هي نارمر منهجها امريكي ؟؟؟

انا عاوزه منهج انجليزي ( بريطاني ) علشان مستوى الاولاد

المشكله انهم اثنين

بس المريوطية الجديده بعيده قوي ...؟؟؟

انا سمعت عن مدرسة اسمها EBIS

المصرية البريطانية

في التجمع الخامس

في صديقة ابنتي عاوزه اشوفها يمكن تكون كويسه
قوليلي عملتي ايه من فضلك لحسن انا في حيرة