السلام عليكم
كيفكم بنات
انا خريجة هالسنه من الثانوي قسم أدبي نسبتي 91.23
منيتي أدخل تربيه خاصه بس مثل منتو عارفين يوقفون على نسب
عاليه
فقلت ادخل كلية الخدمه الإجتماعيه على اني مااعرف عنها ولا شي
يابنات الله يخليكم ابي اعرف يقبلوني ولا لا
وش هالقسم وش دراسته له مستقبل ولا ماله وش أصير بعد مااتخرج
تكفووووووووووووووون ساعدوني بأي معلومه
للمعلوميه أنا مو من سكان الرياض بس بجي واتغرب عن أهلي عشان مستقبلي

لا تطنشوني

اللي اعرفه اكيد يقبل نسبتك لانه يقبا نسب اقل منك بكثير

وتصيرين مشرفه اجتماعيه اما المواد مااعرف ولا ااعرف المدرسين وانا نفسك توني متخرجه وقالو هذا الشيء

والله يوفقك

مشكووره أختي( اتعبني غروري )
بس بأعرف الدراسه فيها سهله ولا صعبه
يعني تكون وظيفتي في مدرسه أكون مشرفه ولا

الله يخليكم ساااااااااااااااااعدوني محتاره أدخلها ولا لا

السلام عليكم
انا متخرجة من كلية الخدمةالاجتماعية بالرياض حي الربوة
اخصائية اجتماعية وهذا هو المسمى الصحيح لك بعد التخرج
تقدرين تشتغلين في مستشفى او مدرسة او السجن او مراكز التأهيل المعوقين وغيرهم او المراكز الاجتماعية
المدارس يكتفون بمشرفة واحد
السجن حسب قدرتك اذا تتحملين العمل هناك وكذلك المستشفى ومراكز التأهيل
ولا وحدة من زميلاتي توظفت الا وحدة توظفت في روضة اهلية

الدراسة بالنسبة لي كانت ممتعة مواد حلوة والدكتورات رائعات
هذي وجهه نظري لكن صديقتي العزيزة كان رئيها غيري تماما هذا شي راجعلك ولرغبتك بالنسبة للمستقبل زي ما قلت لك انا شخصيا انطردت من الديوان شر طردة ممكن مستشفى او اهلية

طيب أختي ليش انطردتي
بس انا مثل ماقلت لك مومن سكان الرياض
يعني بأقدم أوراقي في المحافظه اللي انا ساكنه فيها
عالعموم أنا محتاره ياناس ابي تربيه خاصه بس انهم يوقفون على نسب عاليه بالمره
وابي علم نفس
تكفوووووووووووون انتو فاهمين ابيكم تساعدوني

انطردت لانه لاتوجد وظائف
اانا قدمت في منطقة نجران يعني توقعت القبول مية بالمية لكن مثل ما قلت لك لانه يكتفى بمشرفة واحد لكل مدرسة هذا اذا لم يطلب من اي معلمة لاي مادة ان تقوم بهذا العمل

اختي بنوته تفكيرك بالمستقبل شي جميل بس نصيحتي لك اذا ابتدخلين بس عشان درسه وعشان ما اتضيع ادراستك راح تتعبين وبيكون عليك القسم صعب وماراح تتخطينه بس اذا اقتنعتي فيه وحبيتيه راح يكون اسهل من السهل ونشا الله بيقبلونك واذا اقبلو ودخلتي لازم اتحبين عشان تبدعين فيه والخدمات الاجتماعيه بعد ما تتخرجين مقبوله في جميع المجالات اسف اني طولت و الله يوفقك

اهلين بنوته اخبارك؟والله اني حسيت فيك لاني والله مثلك اتمنى ادخل تربيه خاصه ؟والحين مفكره ادخل الخدمه الاجتماعيه بس مااعرف عنها شي ابد اذا كنتي تعرفين شي عنها علميني الله يوفقك؟

حبيبتي الكلية كثير اللي يمدحونها انا نفسك ماكنت ابغى هاذي الكلية بس اهلي شجعوني وقالو انه لها مستقبل حلو.... الاني كنت ابغى (علم نفس) هم يقبلو نسب عاليه مررررره.. وانا نسبتي 90 ونقبلت في كليه الخدمه الاجتماعية...اذا كنتي عندك طموح تكملي دراستك لازم تحبي الشي اللي بتدرسيه ع شان تبدعي فيه...الله يوفق الجميع