السلام عليكم ورحمة الله وبركاته






بنات شرايكم نسوي ملتقى حق بنات التطبيقي علشان نستفيد من بعض وكل وحده

-تقول هي باي كليه
-أصعب وأسهل ماده
-أفضل دكاترة عندها
-الدكاترة الي مو عاجبينها وليش ؟؟
-وهل ندمت لدخول هذا القسم وليش
-وهل تنصح البنات يدخللوله؟؟؟

وأنا أول المستفادين لأني والحمدلله انقبلت في المعهد التطبيقي في كلية التربية قسم رياضيات وأتمنى أنكم تنصحوني وأتعلم من تجاربكم ويتعلمون كل الطالبات المستجدات

فكرة حلوة جدا ....ومبارك لك القبول

الله ياربك فيج حبيبتي مواكب الشهداء


وانشالله الفكرة تلاقي قبول من كل خواتي الكويتيات

بنات الكويت وينكم ؟؟؟؟؟؟؟؟؟؟؟؟؟؟؟؟؟؟؟


معقوله ما في أحد يدرس في التطبيقي ؟؟؟؟؟؟؟؟؟؟؟؟؟؟؟؟؟؟؟


زعلتوني

هلا فيج حبيبتي خليجية...
انا بكلية التربية الأساسية...
انا بالسنة الثالثة في الكلية
قسم التربية الفنية : وهو قسم متعب جدا جدا جدا ولكن حلو للي يحبه وهاوية للرسم والأشغال الفنية
أصعب مادة كانت : ((حضارة العربية الاسلامية + سيكلوجية تعلم ))
أسهل مادة : (( تربية أسرية - ثقافة موسيقية ))
أفضل الدكاترة :
لطيفة الكندري - قسم أصول التربية
بدر مـــلك - قسم أصول التربية
معدي العجمي - قسم المناهج
منى القناعي - قسم علم النفس
ناصر المويزري - قسم علم النفس
وفي غيرهم بس مو ذاكرة عذريني ...
مافي دكاترة ما يعجبوووني لأن كلهم يبذلون مجهود حرام
ماندمت اني دخلت هالمجال لأن حلو وانا أرغب فيه
وانتي مجالج وايد حلو وانا وحدة اموت في التنعقيد والرياضيات بس الفنية أكثر
وسلامييي لج يالحلوة وبالتوفيق انشالله في الكلية
ومــــع السلامة...

انا مدرسة مختبر بالتطبيقي ادرس كيميا مادري لحقتي علي ولا لاء لاني درست سنة بكلية التربية الاساسية و بعدها انتقلت لكلية التمريض

الله يوفقكم

ART-T : تسلمين يالغالية على التجاوب الطيب وانشالله الينات يستفادون منج
بس عندي سؤال بما أن محد عبرني غيرج
شنو هي مواد قسم الرياضيات لأني مستجدة وما عندي أحد هناك أقدر أسئله ..... وهل أحتاج الي دفاتر أو كل المواد بدفتر ؟؟ وشلون على المواصلات ؟؟

وتسلمين يارب على الرد الحلللللللللللو والمرور الأطيب

noni103 : هلا حبيبتي بصراحة أنا مستجدة وانشالله بداوم بعد اسبوعين والله يوفقج يالغالية ومشكورة على الرد الطيب

يا هـــلا حبيبتي خليجية** طولتي على ما رديتي... انشالله خير
عالعموم :-
بالنسبة لمـــواد الرياضيات ما عندي فكرة عن مواد التخصص للرياضيات وتلاقينها موجودة ب((Major sheet)) وهو سجل التخصص يعطونج اياه اذا انشـــالله داومتي واذا ما عطوج اياه تروحين قسم التسجيل تطلبينه بس تقولين لهم لازم ((انج مستجدة)) عشان لا ياخذون منج رسوم طابع بس لا تضيعينه احتفظي فيه إلى التخرج انشالله لأن يفيدج ((وراح تتعلمين انشالله أكثر اذا دشيتي وشفتي .
وبالنسبة للدفاتر اكيد تحتاجين لأن انتو عندكم مسائل تحلونها وأرقام ...وانتي عارفة بس نصيحة لا تشترين الا اذا داومتي لأن الدكاترة يطلبون على حسب المادة ...
وبالنسبة للمواد المشتركة : عربي - علم نفس - تكنلوجيا..إلخ - يمكن ما تحتاجين لها الا دفتر واحد .
***ملاحظة : في دكاترة يطلبون منج تكتبين معاهم الشرح والشرح يكون منه موجود بالامتحان ((حطي بالج))
بالنسبة للمواصلات :
في باصات توصيل بالكلية حسب المنطقة اللي انتي ساكنة فيها ((روحة ورجعة)) بس الباصات تحرك أوقات معينة مادري متى ((لازم تتقيدين فيها ))...
في عندنا 3 مباني الباصات توصلج من مبنى الى مبنى في اي وقت تلاقينهم موجودين ... واذا داومتي سئلي عن مكانهم ..
انشالله اكون وفيت بالاجابة .... واي استفسار عندج انا حاضـــرة ...
بالتوفيق انشالله يا اختي العزيزة...

أختي خليجية
لدي أخت تدرس في التطبيقي
وقالت لي أقولج بعض المعلومات.....هي قالت لي كلام واجد بس اللي فهمته

الكلية في الشامية موبالعديلية لان اللي بالعديلية كلية التربية الاساسية للصبيان
يوم السبت داومي بدري والساعة تسع راح يكون في امتحان قدرات للانجليزي
وبعد أداء امتحان القدرات روحي للتسجيل وأخذي منهم ورقة المقابلة الشخصية وورقة الفحص الطبي
وأسأليهم عن متى تسجيلج ...