كتبت بواسطة ام سعسع

ماشاءالله شرح جدا سهل وبسيط اختى جزاكى الله خير
كمللللللى واعطينا جزء اكبر شوى بالواجب عشان نصير متحمسين اكثر
انا ممكن اغيب عنك بس هاحاول ادخل كل يوم ان شاءالله عشان ظروف مرض زوج اختى الله يشفيه يارب

ربنا يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
جزانا الله واياكم خيرا ورزقنا عملا صالحا خالصالوجهه الكريم
خلاص باذن الله هكمل حال
وهطول الأجزاء شويه
ترجعيلنا بالسلامه

السلام عليكم
هكمل جزئيه مهمه وهي جزئية الأمثله
هناخد بعض الأمثله على أبسط الجمل في اللغه الانجليزيه

Examples on simplest sentences:
1-The kid drinks water
2-Soha got a bike
3-He bought a shirt

هنلاقي في الأمثله السابقه الفاعل باللون التركواز
الفعل باللون الفوشيا
المفعول به باللون البرتقالي
دي طبعا أمثله للأفعال ويمكن انا كنت مأجله الأمثله لحد ماناخد على الأقل الزمن المضارع كقاعده
لكن في وجهة نظر أرجح بترجح انهم يتاخدوا كتوضيح دلوقتي ازاي الضمير ممكن يكون اسم "طفل The kid"
أو اسم بنت "Soha"
أو ضمير "He"
ممكن كمان أمثله على غير العاقل

Examples
1-The cat drinks milk
2-It brings her children inside

هنلاحظ في ترتيب لجمل الترتيب البسيط للجمله الانجليزيه
لأنها بتتناول زمن بسيط
يعني ايه زمن بسيط ده اللي هنعرفه لما ناخد الأزمان البسيطه

السلام عليكم
أرجو اني ماكونش طولت عليكم بدروس النهارده
نعمل ايه بقى؟
نيجي للمهم
اتكلمنا وقلنا ان في في اللغه الانجليزيه جمل بسيطه يعني بتتكون من فاعل وفعل ومفعول به
وقلنا من البساطه برضه الجمل اللي بيكون فيها الفعل في الزمن البسيط
يعني ايه زمن بسيط ؟
يعني الفعل لوحده من غير أفعال مساعده
الله انتي هتلخبطينا ليه ياست فوفو ؟
ماكنا ماشيين كويس
لأ بالراحه ان شاء الله مش هيحصل خبطه
نمشي واحده واحده
زمن بسيط يعني مضارع بسيطpresent simple tense أو ماضي بسيط past simple tense
يعني باختصار الفعل سواءا في صورته في زمن المضارع أو في صورته في زمن الماضي يعني من غير فعل مساعد
ايه؟
فعل مساعد
يعني قبل ماناخد أمثله على الأزمنه دي ونشرحها بالتفصيل لازم نعرف الفعل المساعد عباره عن ايه عشان مانتلخبطش
الزمن البسيط لو اتواجد فيه الفعل المساعد يتواجد لوحده بديل للفعل الأساسي
نعرف الأول ايه هي الأفعال المساعده وايه هي وظيفتها لو ماجتش كفعل أساسي
الفعل المساعد من اسمه هو فعل الأساس في عمله انه بيساعد الفعل الأصلي في الجمله على اظهار شئ معين
نوضح أكتر بالأمثله؟؟؟؟؟؟
تعالوا ناخد مثال
في جمله مثلا He is astudent
في الجمله دي عندنا فعل مساعد قام مكان الفعل الأساسي

لكن لو زودنا فعل تاني هيدل على زمن تاني أو حاله تانيه
نعرف الأول أنواع الفعل المساعد وبعدين في الدروس القادمه باذن الله ناخد كل فعل بالتفصيل
verb to beفعل يكون
verb to have فعل يمتلك
verb to do فعل يفعل

- :فعل يكون 1verb to be
am -is -are
نشوفهم كده كل واحد مع الضمير بتاعه
singular ..............................>pleural
I am .......................> We are
He is ....................>They are
She is .......................>They are
It is .....................> They are
Examples:
I am a student
He is a teacher
She is a doctor
It is acat
هنلاقي ان الفعل المساعد هنا لما استخدم كبديل للفع الأساسي ففي الحاله دي للتعبير عن وصف للشئ أو لوظيفه أو لتصنيف وممكن لحاله
Example:
أنا مريضI am ill
الجو بارد الآن Weather is cold now
أنت كذاب You are a lior

ده شرح مبسط لعمل أول نوع من الأفعال المساعده كفعل أساسي في الجمل في زمن المضارع البسيط
رجاء قبل مانبدأ في اللخبطه اللي اتلخبطت من دلوقتي تقول

تسلمين الغلا بس انا مشكلتي بالافعال المساعده يعني

مثل had يعني متى اضعها بالجمله

ومتى احذف s التي تضاف للفعل بالجمله

ومتى اقول
he was drink
he was drank وما الفرق بينهم

انا مشكلتي بالافعال ياليت تقدرين تساعديني الغاليه

كتبت بواسطة روح الدلع

تسلمين الغلا بس انا مشكلتي بالافعال المساعده يعني

مثل had يعني متى اضعها بالجمله

ومتى احذف s التي تضاف للفعل بالجمله

ومتى اقول
he was drink
he was drank وما الفرق بينهم

انا مشكلتي بالافعال ياليت تقدرين تساعديني الغاليه

بالنسبه لموضوع حرف ال s واضافته فده أنا هتطرقله في الدروس في الأسبوع المقبل باذن الله
والأفعال بالتفصيل هتبقى في المستوى الثاني ان شاء الله
أما بالنسبه لفعل have و has فدول باذن الله هناخدهم الدرسين الجايين ان شاء الله
تابعي معانا باذن الله ومش هيكون فيه لخبطه

تابعي دكتوره فوفو احنا معاكي

تمااااام مفيش اي لخبطة

بس الدرس مش صغير شويه

ولا دي الافتتاحيه


وكنت من فضلك عايزة استفسار انا ممكن اتعلم الانجليزي في قد ايه ؟؟

وكمان ايه العوامل المساعدة لاني اتعلم الانجليزي بسرعه ؟؟؟


ومتشكرة جداااا ليكي

كتبت بواسطة حازمه

تابعي دكتوره فوفو احنا معاكي

منوراني ياحازمه
بس معلش في رد اتنين هيتغير لأني كنت نزلته قبل مكانه
ممكن تراجعوا الردود بترتيبها الجديد

كتبت بواسطة سارة عادل

تمااااام مفيش اي لخبطة

بس الدرس مش صغير شويه

ولا دي الافتتاحيه


وكنت من فضلك عايزة استفسار انا ممكن اتعلم الانجليزي في قد ايه ؟؟

وكمان ايه العوامل المساعدة لاني اتعلم الانجليزي بسرعه ؟؟؟


ومتشكرة جداااا ليكي

هي فعلا البدايه كانت قصيره شويه
بس ماتخافيش بكره تشتكي من كتر الدروس
بالنسبه للفتره اللي محتاجاها لاتقان الانجليزيه فده بيختلف من شخص لآخر
على حسب مستواكي أصلا في اللغه الانجليزيه وعلى حسب قدرتك على الاستيعاب
يعني انتي لو قدرتي تتابعي في المستوى ألأول والتاني مع بعض أكيد هيختلف
المهم تكوني قادره على المتابعه دي
يعني هو أذكى شخص ممكن يتعلم اللغه في شهور تصل لسنه
اما الشخص العادي فبيحتاج من سنتين لتلاته عشان يتقنها
العوامل اللي بتساعد على اتقان الانجليزيه
اول عامل انك تتفرجي على اعمال اجنبيه كتيره وتحاولي انك تركزي مع الكلام مش الترجمه لان منها هتتعودي على النطق الصحيح
تاني عامل تحاول تمرني نفسك وده بانك تترجمي مواقف من حياتك اليوميه في هيئة جمل وواحده وحده تحوليها لقطع وهكذا
بس أهم شئ انك تصححي الجمل دي أول بأول يعني مثلا كل يوم تكتبي هنا كام جمله وأنا مثلا أصححهوملك وهكذا
بالاضافه لأن أي كلمه انجليزيه تسمعيها حاولي تترجميها وتعرفي كتابتها ازاي
بس كده

السلام عليكم
هنكمل النهارده شرح الدرس الثاني في المستوى الأول
احنا مشينا بسرعه امبارح والنهارده لأن الدروس الأولى سهله لكن هنبطئ شويه في الدروس اللي بعد كده باذن الله
اتكلمنا امبارح عن الزمن البسيط " مضارع بسيط ، وماضي بسيط"
يعني ايه بسيط
زي ماقلنا زمن بسيط مضارع أو ماضي معناه الفعل الأساسي فقط هو اللي موجود من غير أفعال مساعده
ووعدتكم اننا نتكلم عن الأفعال المساعده بالتفصيل
لما نقول فعل مساعد يعني ايه يعني زي العامل المساعد في الجمله مش بيغير من معنى الجمله لكنه بيساعد في تكوينها تكوين صحيح
طيب وهو ايه الفرق يعني
الفرق ان في عندنا كذا نوع منالأفعال الفعل الأساسي أو البسيط والفعل الناقص والفعل المساعد
ايه ده بقى؟؟؟؟؟؟؟
ماكنا ماشيين كويس
واحده واحده كده نوضح معنى كل نوع من دول مع الأمثله
اتكلمنا امبارح ببساطه عن الأفعال المساعده Helping verb
قلنا ان في عندنا تلات أنواع من الأفعال المساعده
Verb to be فعل يكون
verb to do فعل يفعل
فعل يمتلكverb to have

بدأنا امبارح بverb to be
وشرحنا أمثله عليه ومهم جدا ناخد بالنا كل فعل منهم بييجي مع ايه من الضمائر أوالاسماء
نيجي بقى للي بعده وهو verb to do

verb to do فعل يفعل
يعني ايه فعل يفعل ؟
هو فعل غالبا مساعد ويستخدم اما في صيغة الاستفهام أو للنفي
ونادرا ما يأتي كفعل أساسي بمعني يعمل
حد فاهم حاجه؟؟؟؟؟؟؟؟
نوضح أكتر بالأمثله بعد مانقول الأفعال "فعلين"
singluar"Does"...................> pleural "Do""
دول بس فعل يفعل
كل ده احنا بنتكلم عن الفعل المساعد في زمن المضارع لأننا لسه ماتكلمناش عن باقي الأزمان
ندخل عالأمثله بقى

Examples
*He usually does his work late "غالبا مايقوم بعمله متأخرا "
*I do my work usually early أنا بعمل شغلي بدري غالبا

في الجمل اللي فاتت دور فعل يفعل verb to do كفعل أساسي في الجمله
ناخد أمثله على دورها في الحالتين التانيين

?*Do you drink milk?
*does she play vollyball?

المثالين السابقين بيوضحوا دور الفعل المساعد في الاستفهام
ماينفعش نقول plays she football لأن الفعل في الاستفهام لازم يكون في صورة المصدر يعني مش متضافله أي حاجه وهنعرف يعني ايه الاضافه دي

she doesn't like milk
I don't believe you

دي أمثله على استخداماتها في حالات النفي
وهنلاحظ في الأربع أمثله اللي فاتوا ان الفعل الأساسي موجود باللون الفوشيا


بالنسبه لكل ضمير بياخد أي فعل فيهم ودي اللخبطه
هما قريبين من قاعدة فعل يكون نحفظ الضماير في مجموعه لوحدها "He,She, It,اسم ولد أواسم بنت أو أي شئ أو حيوان غير عاقل "
دي مجموعه أخدت is
نفس المجموعه دي بتاخد نفس الأحكام في معظم القواعد

He, She,It....................>Does
I ,You,We, They..............> Do

ده كل فعل مع الضمائر بتاعته
أسيبكم فاصل بس طويل شويه ,ارجعلكم بالليل باذن الله