انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 3 من 3

الموضوع: بالله عليك يا دكتور محتاجه ردك ضرورى . انت املى بعد الله

  1. #1
    تاريخ التسجيل
    Sep 2006
    الموقع
    egYpt
    الردود
    942
    الجنس
    امرأة

    cryhard بالله عليك يا دكتور محتاجه ردك ضرورى . انت املى بعد الله

    السلام عليكم
    اولا احب اشكرك مقدما للرد على موضوعى ولعده موضوعات وردود قريتها لحضرتك

    ثانيا انا عندى 21 سنه ابتديت البس عدسات من حوالى 3 سنين

    وبصراحه كنت مش بهتم بنظافتها خالص وكنت بجيب فريش لوك وعرفت حاليا انها من اردئ الانواع بس دا بسبب الشركه المصنعه

    وكنت بجيب انواع رديئه من المحاليل المعقمه مثل برفكت كير واحيانا صدف معايا انى جبت كونت اسيد وعرفت انه نوع وحش جدا

    وللاسف كمان مكنتش بهتم انى اعقمها وبلبسها كذا مره من غير ما اعقمها للاسف ووالله مكنش حد قالى ان الحاجات دى ممكن تضر عينى وكانت عينى بتلتهب وبتنزل افرازات كتير كده لونها اصفر ساعات بس بتروح تانى يوم

    ابتدى من حوالى 6 شهور افرازات تكتر و كنت بفتكرها بسبب الحر او حاجه مهتمتش

    ** المشكله انى من شهر 1 السنادى جبت عدسه جديده بوش اند لومب وانا اعرف انها نوع كويس اوى و كمان جبت محلول رينيو

    بس بالصدفه وانا بعمل كشف النظر قلت اقول للدكتور حكايه الافرازات دى
    ومكنتش اعرف انها حاجه

    طلع عندى حساسيه تقريبا اسمها GPC او حاجه كده او اسمها حساسيه الجفن تقريبا وبتعمل افرازات شفافه على طول

    قالى اقلعى اللنسز لمده 15 يوم وكتبلى قطرات كتير بتحتوى على الكورتيزون لمده 10 ايام و5 ايام قطرات تانيه ضعيفه شويه عشان الكورتيزون مضر

    وطبعا مكنتش بلبس اللنسز ومش عايزه البس نظاره ومكنتش بشوف حاجه

    المهم النهارده كان عندى استشاره وكشف قالى الحمد لله الحساسيه قلت انتى كده تمام البسى عدسه شفافه بس قلتله الافرازات لسه مستمره ووانا فالبيت فيه افرازات قالى ازاى بس وكده والمفروض حالتك دى ميكونش عندك افرازات زى مبتقولى

    *** انا بئى عايزه ارتاااااااااااح مالافرازات دى عشان بجد الموضوع دا مقزز اوى وعينى تعبتنى جدا

    وقالى كمان انى مش جينفع البس العدسه الملونه بوش اند لومب تانى خالص وانا والله ملبستهاش الا مرتين بالعدد وحرام بصراحه دافعه فيها كتير ولونها تحفه
    قالى بوش اند لومب العدسه الوحيده اللى متنفعش للى عندهم حساسيه انتى ممكن تلبسى تراى كلر

    وقالى لو لبست العدسه دى تانى حتزود الالتهاب وترجعه تانى مينفعش خالص البسها

    ياريت يا دكتور تقولى الكلام دا جد ولا لا

    انا قلت حعقمها واهتم جدا بنظافتها بس ارجع البسها تانى لان نفسيتى تعبت والله اوى
    مع العلم انا نظرى 2.50-

    بجد انا اسفه انى طولت على حضرتك بس بالله عليك انا محتاجه رد ضرورى بسرعه لانى بجد نفسيتى تعبانه

  2. #2
    تاريخ التسجيل
    Sep 2006
    الموقع
    egYpt
    الردود
    942
    الجنس
    امرأة
    والله انا موقفه العلاج ومستنيه الرد
    ارجوك يا دكتور رد عليا

  3. #3
    تاريخ التسجيل
    Mar 2007
    الموقع
    الاردن-عمان
    الردود
    1,113
    الجنس
    ذكر
    السلام عليكم
    بالنسبة لهذا لانوع من الحساسية فهو من اهم اسباب عدم القدرة على لبس العدسات اللاصقة
    ولذلك فننصحك بالاستمرار بقطرات الكورتزون المخففة مثل
    vexol
    وقطرة patanol
    حتى تستقر الحالة
    وبعدها يمكن العودة للعدسات لفترات قصيرة

    وشكرا
    للحالات الطارئة والمستعجلة يرجى التواصل عبر الايميل او الهاتف
    عيادة عمان للعيون
    الدكتور محمد ابو سمك
    الزمالة الامريكية
    استاذ مساعد في الجامعة الاردنية
    Abusamak70@gmail.com
    هاتف نقال 00962795628954
    هاتف عيادة 0096264611370 0096264611371 فاكس:0096264611371

مواضيع مشابهه

  1. بالله عليك ترد عليا دكتور اسامه
    بواسطة ام كوتو في الأمومة والطفولة
    الردود: 5
    اخر موضوع: 04-04-2011, 12:45 PM
  2. بالله عليكم يابنات انا محتاجه الابحاث ديه ضرورى
    بواسطة meshmesh_2005 في ركن الجامعات والدراسات العليا
    الردود: 0
    اخر موضوع: 15-02-2010, 04:59 PM
  3. محتاجه مساعده دكتور الاطفال ضروري
    بواسطة om_muhra في الحمل والولادة و الرضاعة
    الردود: 4
    اخر موضوع: 06-06-2008, 02:25 PM
  4. الردود: 2
    اخر موضوع: 12-09-2004, 02:48 AM
  5. سألتكم بالله اللي يعرف يجاوب على سؤالي ضروري ضروري
    بواسطة حبيبة امها في ركن الكمبيوتر والإنترنت والتجارب
    الردود: 3
    اخر موضوع: 22-11-2002, 08:44 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ