السلام عليكم ورحمة الله وبركاته
أخواتى الغاليات هذه غرزة تريكو اشتغلتها من قبل واعطت نتيجه جميله حبيت انقلها لكم وأتمنى أن تستفيدو وأوفق بشرحها
دى الغرزة اللى عملتها وهى تعطى شكل الموج إشتغلتها بخيط جاكار فأعطى نتيجه حلوه بدل تغييرالخيوط والتعب
انا اشتغلتها تبعا للشرح ده وليس لباترون
[الشـــــــــــــــــــــــــــــــــــــــــــــــ ــــــــــــــــــــرح ]
تكون الغرزة من مضاعفات العدد 18+3 يعنى مثلا(18*4)+3=72+3=75 وارتفاعها 4 أسطر
السطر الاول
احنا قولنا أن الغرزه تتكون من مضاعفات18 +3
ال3 غرز دول توزيعهم كالآتى (أول غرزه فى السطر عدل وكمان آخر غرزتين بيكونو عدل ) وهم لا يكررو خلال السطر بل مره 1ع فى أوله و2 ع فى آخره
خلاص كده احنا قولنا 18+ 3 أخدنا 3 يتبقى كــــــــــــــــــــــم ؟؟؟
يتبقى 18 غرزه هم اللى تتكون منهم الموجه وإذا حبينا نزود عرض القطعه نضاعف 18
وتوزيعهم كالآتى
1 م – (2ع معا)3مرات - (ل – 1ع ) 5مرات – ل - (2ع معا)3مرات
السطر التانىكله عدل
السطر الثالثكله عدل
السطر الرابعاول واخر غرزة عدل والباقى كله مقلوب
ثم نكررمن السطر الاول
طبعا ع = عدل
م = مقلوب
ل = لفه
هى سهله جدا لايخضكم شرحى هههه أول مره اشرح وأعتذر عن أى خلل لكن أى استفسار أنا فى الخدمه
وانا نفذت منها بلوزه لبنتى
وعملت لها جيبه فأصبح طقم أتمنى الغرزة تعجبكم ويعجبكم شرحى
وعلى فكره الغرزه دى ينفذ منها اسفل البلوزة أو الجاكيت (أقصد كمر ) بدل البليسيه بتعطى شكل زجزاج مميز وممكن نكمل بغرزه تانيه تبع ما نحب
الروابط المفضلة