السلام عليكم ورحمة الله وبركاته

كيفكم حبايب قلبي ان شاء الله ايامكم كلها خير ومحبة وصفاء وقلوبكم معطرة بذكر الرحمن


اليوم حبيت اطل عليكم بفستان كتير حلو وسهل والنتيجة رائعة لاني اشتغلتوا بدون تخطيط مسبق كنت عما اشتغلوا بغرزة وفجاءة اشتغلتوا بغرزة تانية لا تسالوني ليه لاني انا ما بعرف

كمية الصوف 350 غرام تقريبا انا طبعا جبت 400 غرام وبلبس من 9 ل10 سنيين
هيدا االفستان


وهيدا الباترون



وهيدا باترون غرزة الريشة يلي بديت فيها الفستان





شرح الفستان

نبدا ب 84غرزة ثم منشتغل كمر الفستان و كل الادوار غرزة العدلة الامامية والخلفية اشتغلت 4 ادوار بعدها ابتديت بغرزة الريشة وشرح الغرزة كالاتي

منقص 2 غرزة مع بعض 3 مرات ثم منشتغل لفة ثم غرزة عدلة ومنكررها 6 مرات وحتى نعمل اللفة منرجع الخيط للامام ومنشتغل غرزة عدلة وهكذا حتى نكرر اللفات 6 مرات بعدين منرجع ومنقص 3 مرات 2 عدل مع بعض الى الانتهاء من الدور الدور الخلفي مقلوب ومنكرر اللطريقة يلي شرحتها 3 مرات



بعدها منتهينا من غرزة الريشة منلاحظ عدد الغرز زاد تقريبا يصبح عدد الغرز 154 غرزة بعدها منبدا بعمل الغرزة الاساسية للفستان


شرح باترون الغرزة الاساسية

منقسم الغرز ال154والباترون عبارة عن7 غرز منشتغل باول الدور 13 غرزة مقلوب ثم 7 غرز عدلة ثم 13 مقلوب الى نهاية الدور
الدور الخلفي المقلوب منشتغلوا عدل اما غرز الغرزة الاساسية

الدور الخلفي المقلوب منشتغلوا عدل اما غرز الغرزة الاساسية منشتغلهم مقلوب وكل الادوار الخلفية نفس الشغل
الدور الامامي 13 غرزة مقلوب ثم اللفة ثم نسلت غرزة على السنارة اليمين ومنشتغل غرزة عدلة ومنرفع المسلوته فوقها ثم 3 عدل ثم 2 عدل مع بعض ثم لفة ثم 13 غرزة مقلوب وثم منكرر الغرزة الاساسية ومنتابع الى نهاية الدور
الدور الخامس من الغرزة 13 مقلوب ثم 1 غرزة عدلة ثم لفة ثم 2 عدل مع بعض ثم 1 غرزة عدلة ثم منسلت غرزة على السنارة ومنشتغل غرزة عدلة ومنرفع المسلوته فوقها ثم لفة ثم 1 غرزة عدلة ثم 13 مقلوب ومنكرر الى نهاية الدور

الدور السابع من الغرزة 13 غرزة مقلوب ثم 2 غرزة عدل ثم لفة بعدها منسلت 2 غرزة على السنارة كانهم عدل ومنشتغل غرزة عدلة ثم منرفع الغرز المسلوته فوق الغرزة العدلة ثم لفة ثم 2 غرزة عدلة ثم 13 مقلوب ومنكرر الى نهاية الدور

منكون انتهينا من شرح الغرزة الاساسية ثم منعيد من الدور الاول من الغرزة


ولما منشتغل 8 وحدات من الغرزة الاساسية ولما منبدا بالوحدة التاسعةمنقص من الغرز المقلوب ال13 غرزة من الاول وغرزة من الاخر ومنشتغل الغرزة الاساسية عادي اذا التنقيص فقط بغرز المقلوب
لما مننتهي من الوحدة العاشرة منبدا بالوحدة ال11 بدون تنقيص

ولما منبدا بالوحدة ال 12 منقص غرزة من الاول وغروة من الوسط وغرزة من الاخير يعني منقص 3 غرز من الغرز المقلوب ومنكمل الشغل عادي

الدور الثالث من الغرزة منقص كمان غرزة من الاول وغرزة من الاخير وعند الانتهاء من الدور ومن الوحدة بيفضل معنا تقريبا 80 غرزة على خط الوسط

ملاحظة لما منقص منقص مرة واحدة من الدور ومنكمل باقي الادوار من دون تنقيص الا بالوحدة الاخيرة منقص بالدور الاول والثالث وحيبقى معنا من الغرز المقلوب يلي بين الوحدات 4 غرز مقلوب







لما وصلنا للدور الاخير وباللون الاصفر منشتغل الدور الامامي غرزة عدلة والدور الخلفي غرزة عدلة
ثم منبدا الدور الجديد ب 2 عدل مع بعض ثم لفة ثم 2 عدل مع بعض ثم لفة وهكذا الى نهاية الدور






الدور الخلفي مقلوب ثم منبدل الخيط باللون يلي بتختاريه ومنشتغل دورين غرزة عدلة انا غيرت بالصدر الاساس لاني حبيت هالغرزة الجديدة وحنزل الفيديو لعملها سهلة وممتعة بالشغل اشتغلت 6 ادوار كل دوريين بلون والغرزة بتنشغل من الخلف وبعدها منكمل الصدر بغرزة العدلة الفيديو لعمل الغرزة الجديدة





لما انتهيت من الادوار اشتغل دورين عدل ومن ثم بديت بالحفرة ونقصت الغرز بالترتيب 4- 3 -2 – 2- 1- 1- لما منوصل لطول الحفرة منبدا بحفرة القبة منقسم الغرز يلي بقيت معنا قسمين متساويين من منشتغل اول قسم منقس كلاتي 5 – 4 – 3 – 2 – 1 وبعد الانتهاء من الاتنقيص منشتغل دورين بدون تنقيص ومنختم الشغل
منوصل الخيط و منقص من الطرف الثاني نفس الطريقة ومنختم الشغل

اما الظهر نفس الطريقة ولما بدنا نبدا بالغرزة الاساسية منبدا الدور فيها وبعدين بالغرز المقلوب ومنتبع نفس تقسيم الصدر ليه بدينا بالغرزة الاساسية مو بالغرز المقلوب حتى يطلع الفستان متناسق بالغرز لانوا ذا بدينا بالمقلوب وخيطنا الفستان حيطلع معنا من الجوانب 26 غرزة مقلوب وشكل الفستان ما راح يطلع حلو

ومنكمل بنفس طريقة التنقيص يلي عملناه بالصدر ومندخل اللون الاصفر ومنشتغل الوسط يلي شرحتوا سابقا ثم منكرر ال 6 ادوار من الغرزة النافرة يلي اشتغلتها على الصدر ومنوصل للحفرات ومنكرر نفس التنقيص للحفرات فقط الفرق انوا حفرة القبة بتكون اعلى من الصدر بكام دور وبتنقصي نفس يلي نقصناه بالحفرة

وبهيك انتهينا من الصدر والظهر بعدها منجمع القطع ثم منعدي غرز القبة ومنشتغل الغرز غرز مقلوب وكملت 8 ادوار حتى اتني الحافة وتطلع واقفة وسميكة
ونفس الطريقة لحفرة الاكمام صور للصدر والظهر





بعدها اشتغلت حبل وكرتين للوسط وحنزل طريقة عمل الحبل






وعملت وردة للتزيين اشتغلت عدد من غرز العدلة كل 10 غرز بيكونوا بتلة انا عملت 6 بتلات
ولما بنتهي من عدد الادوار انا عملت 8 ادوار لما بدي اعمل البتلة بشتغل 10 غرز وبدخل السنارة من الاسفل بمقابل الغرزة التي على السنارة وبشتغل غرزة عدلة وبكمل حتى ينتهوا الغرز يلي على السنارة اليسار بعدين بخيط الوردة بالابرة من الاسفل بجمع الغرز وبخيط طرف الوردة نست اصور الخطوات الكاملة بس حتفهموا الطريقة لانها سهلة





وللشياكة ووضع لمستي على الفستان هههه جبت خرز ابيض وشكيت الصدر بطريقة عشوائية واشتغلت للفستان طوق وشنطة الصور النهائية للفستان













اتمنى ان يكون الفستان عجبكم ونال رضاكم



ودمتم بحفظ الله ورعايته

كتير ناعم وحلو
تسلم ايديكي

ما شاء الله شغل جميل و راااائع
فستان يجنن ربي يعطيكي العافية
ودي و احترامي ..

جميل ماشاء الله تسلم ايديكى يايبرودية رووووووووووووووووووووووووعة

جميل جدا تسلم ايديكي يبرود شغل اكتر من رائع

لا لا لا ايه الشغل ده يا بيرو مش حلو ابدا




















































ده رووووووووووعه تسلم اديكى حبيبتى تعيشى وتبدعى

ماشاء الله تبارك الرحمن
الفستان وملحقاته رووووووعه وفوق الروعه
تسلم الايادي المبدعة ،، الله يعطيكي العافية

بسم الله وماشاء الله
كثيييييييييييييير راااااااااااااااااااااائع
ربي يسلم اديكي

روووووووعه تسلم ايديكى حبيبتى تعيشى و تعملى

رائع ، تسلم الأيادي ، التقييم ممتاز .