بعد معاناه مع خيط قطن تركى رفيع (العيب مش فى الخيط العيب فى أنا ) وبعد مااشتغلت فست لابنتى طلع فى الاخر مش عاجب بنتى والصراحه أنا كمان مش راضيه عنه اصبت بالاحباط لانى اشتغلت فيه فتره طويله واخد منى حوالى 700 جرام يعنى 7 بكرات خيط خساره!! قلت عشان اخرج من حالة الاحباط دى اشتغل حاجه بسيطه وسريعه رحت اشتريت خيط جديد وانا مش فى دماغى حاجه معينه لذلك اعتمدت على نصيحة البائع قالى بلاش الخيط الحرير فى الصيف يزود الاحساس بالحر ونصحنى اشترى الخيط التركى ده









مكتوب عليه انه اكريليك 100% لكن ملمسه ناعم المشكله انه طلع سميك فلما جيت اجرب فيه غرز كتير طلع شكله شتوى اوى اصبت باحباط جديد لم اجد سوى حل واحد انى اشتغله بلوزه كلها سلاسل وعندى البترون الحمد لله


رايكم ايه هينفع ولا لا؟
سؤالى الثانى معلش انا اغلب اعمالى البسيطه قبل كده تريكو ومتعوده ان العمل يبدأ مناسفل وبعدين نوصل للحردات لو ممكن تقولو لى ينفع فى الكروشيه بغرزة السلاسل دىابدأ من اسفل وبعدين احرد للباط ؟لان الحاجات اللى جربتها قبل كده بتبتدى من الرقبه وبعدين نقسم للكتفين والصدر والظهر ما بتتظبتش معايا ابدا وبرجع افكها تانى مع ان الفكره سهله !!!ياريت لو تكرمتو توضحولى طريقة العمل ولكم منى دعوه بظهر الغيب

ان شاء ينفع ياعسل
بس اعملي أطراف الشغل بغرزة متقاربة شوي
زي الاعمدة حتى تشد الشغل لتحت لو كان بلوزة مثلاً

الخيط حلوو كثير ولما تشتغلي فية شغل تكون غرزتة تعطي فراغات ممكن يناسب الربيع والخريف والاجواء المعتدلة,,والسلاسل ينفع جداا
وممكن يا قمر بالكروشيه تشتغلي من تحت عااادي
على نفس نمط التريكووو ما في مشكلة ابدااا
شوفي هالصور ولك ان تختاري
هذا صيفي جميل


وهذة بلوزة ناعمة وصيفية


والبوليرواا هذا كمان ناعم






موفقة يا عسسسسل

السلام عليكم جميعا
من وجهة نظري واللي انا شخصيا بفضله
طالما الخيط سميك هيظهر جماله اكتر في التريكو وهيديكي نتيجة سريعه بالتاكيد
الافضل في الكروشية الخيط الرفيع او المتوسط ممكن تجربي الخيوط القطن المصري تختاري منها ماركة كويسه
بالتوفيق ان شاء الله

هلا فيك اختي يلي مريتي فيه بصير كتير معي واكيد مع البنات ممكن الخيط يلي اشتريتيه تعملي الجليه يلي نزلتوا زهورة انا عملت الاول مرة لبنتي بخيط حرير طلع رائع ممكن تجربيه والنتيجة بتطلع حلوة وممكن الخيط الاول تشتغليه تريكو موفقة

اخت كمالوز من خبرتي بالتعامل مع التريكو والكروشيه والاصواف وبما انو الخيط تخين افضل شي انك تشتغلي فيه تريكو وبسنانير مقاس كبير شوي ويكون الشغل بالغرزة العدله والمقلوبه رح يطلع رائع اما الكروشيه بدو خيط ارفع شوي

شكرا يا أحلى صحبه على ردودكم اللى ليها تاثير كبير على والله بس أنا عندى استفسار نفسى افهم الشغل من فو ق يعنى نبدأمن الرقبه وننزل لتحت الاخوات نصحونى اشتغل الخيط تريكو لكن شغل التريكو بياخد وقت أكتر وانا شايفه الكروشيه اسهل وانو بمساعدتكم ان شاء الله ممكن تضبط معاى كنت فاكره ان الطريقه من فوق دى لاشغال الاعما ر الصغيره لكن الوقت عملت بحث بالمنتدى هنا ولقيت أخوات كتير عاملين نفس الفكره لاعمار مثل بناتى 12 سنه مثلا زى الفستان ده اللى عملا بيرود



وغيره كتير ابتديت ببلوزة وبعد ما وصلت للكتفين خفت تتصلع البلوزة ضيقه زودت 20 سلسله من كل جنب شوفو الصوره








مش عرفه كده هيبقى مضبوط اللى عملاه بيرود انا مش شايفه فيه سلاسل زياده زى ما انا عملت انا مش بعمل نفس الموديل لكن بتكلم عن الفكره

أرجو من كل اللى جربت ما تبخل على بالرد وتقولى نصيحتها بعد ما نوصل الكتفين لو لازم سلاسل يبقى اعرف ازاى ان العدد اللى عملته مضبوط ولا بلاش سلاسل خالص؟

هلا حبيبتي فكرتك صح ممكن تزودي بالغرز بس المهم تكون البلوزة من فوق لعند الاكمام قياسها مظبوط على بنتك حتى ما تطلع ضيقة من الاعلى لازم البلوزة تكون متناسقة فهمتي علي ولما بتبدي بالبلوزة قيسي على بنتك حتى تشوفي المقاس مظبوط على محيط الصدر

موفقه اختي و إن شاء الله بيطلع معك احلى تطبيق ..
و جزاهن الله خير الاخوات لم يقصروا معك ..
ودي و احترامي ..

اخواتى كل ما أزود الشغل يبان أنه مرفوع من تحت البا ط يعنى من تحت الباط أقصر من الامام والخلف ليه كده ؟ انا مش عارفه السبب حد يعرفه