بالنسبة لعمل الشورت اذا بدك ياه ضيق على اد الجسم طريقته متل عمل الاكمام ويفضل بهالحالة عمل الجنبين مع بعض حتى تكون الزيادة واحدة

اما اذا بدك ياه واسع اعملي كل جنب لوحد طبعا فيه شورتات طويلة لركبة وفيه اقصر انت على حسب ما بتحبي الافضل تقيسي على بنطلون وزودي كام غرزة حسب مل بتحبي وساعتوا منعمل كمر وبتطلعي فيه عادي لتوصلي لحجر البنطلون بعدين اعملي الجنب التاني من خلصتيه ضعي الغرز كلها على سنارة واحدة حتى نشبك الطرفين مع بعض ومنفضل نشتغل لعند الورك وبتعملي كمر البنطلون

وممكن تعملي نفس الجدلة يلي على الظهر او يلي على اطراف الجاكيت بيطلع كتير حلو



اعملي الكمر متل كمر الجاكيت

افضل طريقة لاخذ المقاس ويمكن تضحكي على الطريقة شفتي الجاكيت يلي عملتيه خدي الظهر ولفيه رجل بنتك من مكان ما بتحبي طوله وعدي الغرز يا بضيقي يا بتوسعي هههههه هيك ما بتتغلبي باخذ المقاس

شوفي هاد بدي نفس الوسع يعني مثل هادا الموديل
وممكن اعمله نفس جدلة الجاكت المهم ننفس المبدا
يا ريت لو تعلميني كيف اشتغله
واكون شاكره لك

ما شاء الله تبارك الرحمن شرح جميل

هلا ام لؤي الشورت رائع جدا وسهل جدا انت بتاخدي مقاس من عند الفخد ويكون واسع وبتشتغلي عللى حسب ما بتحبي طولوا ولما بتوصلي لحجر البنطلون زودي من كل طرف غرزة كل دورين تقريبا بهيدي المرحلة قيسي على اي بنطلون لبنتك حتى شوفي مقاس الحجر نحنا منسميه السرج وبعدين اطلعي عادي للوصول للطول المناسب وومكن تعملي من الجدلة الصغيرة من الاطراف والكبيرة من الوسط والكمر زودي بعدد الادوار حتى ثنيه للداخل

والقسم الثاني منتل الاول وبعدين بتخيطيه

قوليلي ذا فهمتي علي

كتبت بواسطة مليكةnn

ما شاء الله تبارك الرحمن شرح جميل

هلا اختي مشكورة على مرورك الرائع

مشكوووووووووووووره ان شاء الله اذا كنت مرتاحه بحاول فيه
بس انا محتاره بين اعمل تنوره او شورط

هلا ام لؤي عجبني الشورت اكتر تغيير واذا بدك اي مساعدة انا تحت امرك الله يعطيك الصحة والعافية

معليش اخت يبرود اسقلت عليكي في الاسئله
بس كم غرزه اعمل لاني بصراحه ما بدي اشتغل وافك
انا ما عندي مشكله بشتغل وافك حتى بظبط الشغل
بس المشكله في نظري وايدي تعبيني كتير
واكون شاكره لك

هلا ام لؤي انا قلتلك بالرد السابق حتى ما تفكي الجاكيت يلي اشتغلتيه جيبي الظهر ولفيه حول المكان يلي بدك تبتدي منه الشغل وخلي ايدك مرخية مو مشدودة حتى يطلع واسع شوي وعدد عدد الغرز

هادا افضل شي او المازورة قيسي من مكان ما بدك طول الشورت وضعيه على الظهر السديري وشوفي كام غرزة بيكون كمان المقاس مظبوط اذا كان الخيط نفس الخيط يلي اشتغلتي فيه السديري

لانك بتعرفيني بالمقاسات بس ان شاء الله بيظبط معك

طيب فهمت بشتغله من عند الكمر من فوق لتحت صح