صباااااااااااح ومساااااااااء الورد والفل والياسمين حبايب قلبي

يارب تكونوا باتم الصحة والعافية وتفضلوا تنوروا المنتدى بوجودكم الرائع

فضل الله انتهيت من فترة من عمل الجيليه التريكو يلي وعدتكم اذا عملتوا انللكم ورشتوا

والشكر كل الشكر لاختنا بحر العطاء بالركن ام لؤي يلي ساعدتني ونزلت ورشتوا من دون باترون

http://www.lakii.com/vb/a-80/a-794971/

السديري سهل جدا جدا وما بياخد وقت بالشغل انا جبت 500 غرام صوف اخد معي 400 غرام وشوي لانوا صوفي سميك وسنانير رقم 5 وحتى بينفع على سنانير 6 بس ما حبيت

يطلع رخو زيادة معي وكل واحد حسب تخن الصوف يلي بتشتريه



فكرة الجيليه متل ما الت سهلة جدا صورة توضيحية للغرز المستعملة



هني مشتغلين القطعة مرة واحدة انا اشتغلت كل قطعة لوحد وخيطتهم بالاخير الك حرية الاختيار

الظهر عبارة عن الغرزة العدلة الملوية يلي محددة باللون الازرق وشاغلينها من الجوانب لكل قطعة ومن الخلف منشتغل الغرز العدلة الملوية غرزة مقلوبة ملوية

وطبعا الغرزة العدلة من الوسط في عنا الجدلة ( الضفيرة ) الكبيرة المتداخلة وحشرحها بالتفصيل وعلى جوانبها جدلة او ضفيرة يمين صغيرة من غرزة واحدة وبينهم غرزة مقلوب

يلي محددتها باللون الاخضر

اما الصدر عبارة عن ضفيرة او جدلة من غرزة واحدة يمين وجدلة او ضفيرة من غرزتين خلفية ثم جدلة صغيرة يمين وبينهم غرزة مقلوبة ومحددتها باللون البرتقالي

وطبعا الحفرة عبارة عن تنقيص يسار يلي محددتوا باللون الاحمر وتنقيص يمين محددتوا باللون الازرق

نبدا الشرح على بركة الله

نبدا بعمل الظهر انا حسب المقاس يلي عملتوا بديت ب 76 غرزة 42 سم

نشتغل الكمر كلاتي 4 غرز عدل ملوية ثم 2 غرزة مقلوب ثم 2 غرزة عدل بالتناوب الى نهاية الدور منشتغل 4 غرز عدل ملوية

الدور الخلفي4 غرز مقلوب ملوية ثم 2 غرزة عدل ثم 2 غرزة مقلوب بالتناوب الى نهاية الدو ر منشتغل 4 غرز مقلوب ملوية حتى وصل ارتفاع الكمر 5 سم تقريبا 8 ادوار

لنبدا باول دور بعد الكمر 4 غرز عدل ملوية 22 غرزة عدلة ثم 1 غرزة مقلوب لعمل الضفيرة الخلفية او المعكوسة من غرزةواحدة نترك غرزة على السنارة اليسار ومنشتغل

الغرزة يلي بعدها غرزة عدلة ثم منشغل الغرزة يلي تركناها على السنارة غرزة عدلة والطريقة الاسهل للمبتداة انها تسعمل دبوس وتضع غرزة على الدبوس خلف الشغل وتشتغل

غرزة عدلة ثم منرجع الغرزة التي على الدبوس ومنشغلها غرزة عدلة ثم 1 غرزة مقلوب ثم 16 غرزة عدلة غرزة مقلوب ثم الجدلة المعكوسة ثم غرزة مقلوب ثم 22 غرزة عدلة ثم 4 غرزة عدلة ملوية

الدور الخلفي وهيدا الدور يكرر بكل الادوار الخلفية او الزوجية

4 غرز مقلوب ملوية ثم 22 غرزة مقلوب 1 غرزة عدل 2 مقلوب ثم 1 غرزة عدل ثم 16 غرزة مقلوب ثم 1 غرزة عدل ثم 2

غرزة مقلوب ثم 1 غرزة عدلة ثم 22 غرزة مقلوب ثم 4 غرزة مقلوب ملوية بعدها نشتغل نفس الشغل بالدور الاول لنصل الى 6 ادوار









طريقة شغل الضفيرة من غرزة واحدة المعكوسة بدون استعمال الدبوس











الدور السابع: 4 غرز عدل ملوية ثم 22 غرزة عدل ثم 1 غرزة مقلوب ثم الجدلة المعكوسة من غرزة واحدة شرحها بالدور

الاول ثم 1 غرزة مقلوب عمل الجدلة المتداخلة نضع على المساعد او

الدبوس 4 غرز خلف الشغل ومنشتغل 4 غرز عدلة منرجع الغرز التي على المساعد ومنشتغلهم غرز عدلة بعدها نضع 4 غرز على المساعد امام الشغل ومنشتغل 4 غرز عدلة

منرجع الغرز التي على المساعد ومنشتغلهم غرزة عدلة ثم 1 غرزة مقلوب ثم الجدلة المعكوسة 1|1 ثم 1 غرزة مقلوب ثم 22 غرزة عدلة ثم 4 غرزعدل ملوية













كرري الدور الخلفي حسب الغرز التي امامك

منكرر نفس الدور الاول 6 ادوار ولا ننسى كل دور امامي منعمل الجدلة المعكوسة 1|1 اما الجدلة المتداخلة منعملها كل 6 ادوار يعني بالدور السابع



حتى تصلي الى بداية الحفرة وانت يلي بتحددي الحفرة متى تبداي بالحفرة المهم تكون تحت الابط تقريبا 10 سم او حسب ما بتحبي تبدي بالحفرة

عند الوصول للحفرة منشتغل 4غرز عدل ملوية تنقيص يسار منسلت غرزة على السنارة اليمين ومنشتغل غرزة عدلة ثم منرفع الغرزة المسلوته فوقها ثم 21 غرزة عدلة ثم 1 مقلوب ثم الجدلة

الخلفية او المعكوسة ثم 1 مقلوب ثم الجدلة المتداخلة ثم 1 مقلوب ثم الجدلة المعكوسة ثم 1 مقلوب ثم 21 غرزة عدل ثم تنقيص يمين مناخد 2 غرزةعدل مع بعض ثم 4 غرز عدل ملوية طبعا الادوار الخلفية نفس الشرح

السابق وحسب الغرزة التي امامك
















منفضل نشتغل حتى يتهوا معنا الغرز العدلة انا لما وصلت لاخر غرزة نقصتها غرزة مقلوب حتى احافظ على الغرزة المقلوب يلي بين الجدلات واذا بتحبي نقصيهم عادي متل ما نقصتي بالادوار السابقة
بعد ما انتهينا من التنقيص بيفضل معنا 4 غرز عدل ملوية و 1 غرزة مقلوب الجدلة اللمعكوسة و1 غرزة مقلوب والجدلة المتداخلة ثم 1 غرزة مقلوب ثم الجدلة المعكوسة ثم 1 غرزة مقلوب ثم 4 غرز عدل ملوية بتفضلي تشتغلي حتى تصلي لاول الاكتاف وانتهينا من عمل الظهر

عمل الصدر الجهة اليسار عملت 42 غرزة 22 سم

نفس شغل الظهر فقط منعمل جدلة خلفية
منشغل الكمر 4 غرز عدل ملوية ثم 2 مقلوب 2 عدل بالتناوب اللى اخر الدور منشتغل 4 غرز عدل ملوية
الدور الخلفي 4 غرز مقلوب ملوية 2 غرزة عدل 2 غرزة مقلوب الى اخر الدور منشتغل 4 غرز مقلوب ملوية
نفس الشغل يكرر 5 سم

الدور الاول بعد الكمر بهيدا الدور حنكرر الجدلة الخلفية او المعكوسة من غرزة واحدة 1|1 بكل دور امامي اوالجدلة لخلفية منجدلها كل 6 ادوار يعني بالدور السابع منعمل الجدلة الخلفية من غرزتين ومنعمل العروة الاولى كلاتي منشتغل غرزة عدل ملوية ثم لفة ثم 2 عدل ملوية مع بعض ثم 1 عدل ملوية بالدور الخلفي منشتغل اللفة غرزة مقلوب
اذا الدور الاول بعد الكمر 4 غرز عدل ملوية ثم 22 غرزة عدل ثم 1 مقلوب ثم الجدلة المعكوسة نرك غرزة على السنارة اليسار ومنشتغل غرزة عدلة ثم منرجع نشغل الغرزة يلي تركناها غرزة عدلة ثم 1 مقلوب ثم 4 غرز عدل ثم 1 غرزة مقلوب ثم الجدلة المعكوسة ثم 1 مقلوب ثم منعمل اول عروة ثم 1 غرزة عدل ملوية لفة ثم 2 غرزة عدل مع بعض ملوية ثم 1 غرزة عدل ملوية العروة بتكرريها تقريبا كل 9 ادوار
الدور الخلفي ويكرر بكل الادوار الخلفية 4 غرز مقلوب ملوية ثم 1 عدل 2 مقلوب 1 عدل 4 غرز مقلوب 1 غرزة عدلة 2 غرزة مقلوب 1 عدل ثم 22 غرزة عدلة ثم 4 غرز مقلوب ملوية


ثم منكرر ال شغل 6 ادوار وبالدور السابع منجدل الجدلة الخلفية التي من غرزتين كلاتي نضع على المساعد 2 غرزة خلف الشغل ومنشتغل 2 غرزة عدلة ومنرجع نشتغل الغرز التي على المساعد غرز عدلة طبعا كل دور امامي متل ما ذكرنا منجدل الجدلة المعكوسة 1|1 حتى نصل للحفرة











منشتغل 4 غرز عدل ملوية منسلت غرزة ومنشتغل غرزة عدلة ومنرفع المسلوتة فوقها منشتغل الغرز العدلة ثم 1 مقلوب الجدلة المعكوسة 1 مقلوب الجدلة الخلفية ثم 1 مقلوب ثم الجدلة المعكوسة ثم 1 مقلوب ثم 4 غرز عدلة ملوية
منتابع نفس الشغل للانتهاء من الغرز العدلة او التنقيص بيبقى 4 غرز عدل ملوية 1 مقلوب ثم الجدلة المعكوسة من غرزة واحدة 1|1 ثم غرزة مقلوب ثم الجدلة الخلفية ثم غرزة مقلوب ثم الجدلة المعكوسة ثم غرزة مقلوب ثم 4 غرز عدل ملوية
منشتغل نفس الطريقة حتى نصل للطول المناسب قيسي على حفرة الظهر حتى تاكدي من طول الحفرة






الجنب اليمين للصدر نفس الطريقة بعد الانتهاء من الكمر نبدا ب 4 غرز عدل ملوية ثم 1 مقلوب ثم الجدلة المعكوسة من غرزة واحدة 1|1 ثم غرزة مقلوب ثم الجدلة الخلفية من غرزتين شرحتها سابقا ثم 1 مقلوب الجدلة المعكوسة 1|1 ثم 1 مقلوب ثم 22 غرزة عدلة ثم 4 غرز عدل ملوية
بعد هيك منجمع القطع ومنعدي الغرز على سنارة واحدة وبيكون ناحية الجهة الامام للشغل ومننتبه لعدد الغرز الدور

الخلفي منشتغل 4 غرز مقلوب ملوية ثم غرزة عدلة ثم 2 غرزة مقلوب ثم غرزة مقلوب ثم 4 غرز مقلوب ثم 1 غرزة عدلة ثم 2 غرزة مقلوب ثم 1 غرزة مقلوب ومنشتغل 36 غرزة مقلوب ثم 1 غرزة عدلة ثم 2 مقلوب ثم 1 غرزة عدلة ثم 4 غرز مقلوب ثم 1 غرزة عدلة ثم 2 غرزة مقلوب ثم 1 غرزة عدلة ثم 4 غرز مقلوب ملوية
والدور الامامي منشتغل نفس الغرز يلي اشتغلناهم للصدر حتى نصل للطول المناسب للقبعة ومنختم الشغل ثم منخيط القبعة من الداخل ومنخيط الجوانب وركبت ازرار وهيدي النتيجة للسديري وفعلا طلع رائع على اللبس وسبور للبنات وباذن الله حعمل واحد تاني لانو فعلا طلع كتير حلو طبعا لبنتي التانية هههه

ودمتم بحفظ الله ورعايته

ما شاء الله تبارك الرحمن شرح جميل
و طلعت احسن من الأصل ربي يحميكي ..
جزاكِ الله خيراً ..
ودي و احترامي ..

رووووووووووووووووووووووووووووووووووعة ماشاء الله
احلى من الاصل تسلم ايديكى وعينيكى يارب

روعه روعه روعه
تسلم الايادي يارب

اللهم صلى على محمد
تسلم ايدكى وعنيكى حبيبتى الجيلية فى منتهى الجمال
ماشاء الله وكمان شرحك روعة بارك الله فيك حبيبتى

ما شاء الله تبارك الرحمن
شغلك روووووعة وأحلى من الأصل كمان
الله يسعدك ويوفقك يارب

مشاءالله تبارك الرحمن شغل روووعه و نفسي بواحد يبرودتي
تسلم الاياادي ياارب و مابوس الهناااء

ما شاء الله روووعه
وان شاء الله احاول اجربها لاني حابه اتعلم عمل الملابس من التريكو

الله يجزيك كل خير