تويت
قراءة رموز التريكو و طريقة حياكتها ( الدرس السادس )
قراءة رموز التريكو و طريقة حياكتها
-
-
قراءة رموز التريكو و طريقة حياكتها ( الدرس السادس )
نلتقي من جديد ومع رموز جديدة ومهمة وموجودة باغلب غرز التريكو
الرمز الاولعباررة عن زيادة غرز بالدور وهناك طرق عديدة من طرق الزيادة فالرمز الاول سهل ويمكن اخدتوا فكرة عنوا بالدرس السابق ولكن حتى تشوفوا الرموز واختلافها بالباترونات وحنتعلم كمان الزيادة مع اللفة سهلة جدا وشكلها جميل وبتنعمل هيدي الزيادة بالادوار الامامية فقط وللرمز الاول الو ترجمة تانية ببعض الباترونات انوا مناخد غرزة على السنارة اليمين
بدون ما نشتغلها بمعنى منسلتها على السنارة
منشتغل عدد من الغرز العدلة
عند زيادة الغرزة نضع السنارة اليمين بالغرزة من السطر السابق من الامام للخلف
ومنلف الخيط على السنارة من الاسفل للاعلى
بعدها منسحب الخيط من داخل الغرزة الجديدة
بعدها مندخل السنارة اليمين بالغرزة يلي على السنارة اليسار من الامام للخلف ومنلف الخيط على الشنارة من الاسفل للاعلى
ومنسحب الخيط وبيهيدي الطريقة منكون زودنا غرز جديدة للدور
ومنكمل الدور وهيدا شكل الغرز منلاحظ الزيادة بعدد الغرز
الطريقة الثانية للزيادة مع اللفة
واللفة هي الغرزة الزيادة
منشتغل البداية من 6 غرز ومنشتغل اول دور عدل وتاني دور مقلوب منسلت اول غرزة بدون شغل متل ما اتعودنا ومنشتغل غرزة عدلة مندخل السنارة اليمين من الامام للخلف ومنلف الخيط من الاسفل للاعلى منسحب الخيط على السنارة اليمين طبعا الخيط بيكون للخلف وحتى نعمل اللفة منرجعوا للامام ومنشتغل الغرزة التالية غرزة عدلة تابعوا الصور
بيفضل معنا على السنارة اليسار2 غرزة عدلة منرجع الخيط للامام حتى نعمل لفة ومنشتغل الغرزتين يلي على السنارة اليسار غرزة عدلة منفردة
منلف الشغل ومنشتغل كل الغرز غرزة مقلوب منسلت اول غرزة مندخل السنارة من جهتنا منلف الخيط من الاعلى للاسفل ومنسحب الخيط واللفة دايما منشتغلها غرزة مقلوب
ثم الدور الامامي منكرر الشغل منسلت غرزة على السنارة اليمين ومنشتغل غرزة عدلة منرجع الخيط للامام ومنشتغل غرزة عدلة ومنشتغل باقي الغرز عدلة بحيث نترك غرزتيين على السنارة اليسار حتى نعمل قبلهم لفة اذا لو لاحظتوا اننا منحتفظ بغرزتين عدل من الاول والاخر والزيادة الغرز عما تكون بوسط الشغل
الرمز الثاني وهو طريقة من طرق التنقيص ومنلاحظوا مع اللفات غالبا
ونحنا بالدرس الرابع اتعلمنا التنقيص ولاحظنا لما نقصنا ان اتجاه التنقيص ناحية اليسار وبهيدا التنقيص بيكون ناحية اليمين وكمان بالدرس السابق احتفظنا بعدد الغرز يلي على الجهة اليمنى ونقصنا بالغرز يلي على الجهة اليسرى
اما بهيدا الدرس حتنقص الغرز يلي على الجهة اليمنى مع الاحتفاظ بعدد الغرز يلي على الجهة اليسرى
طبعا بعد ما اشتغلنا عدد من الغرز منسلت غرزة من السنارة اليسار على السنارة اليمين من دون شغل والخيط طبعا بيكون للخلف
بعدها مندخل السنارة اليمين بالغرزة يلي على السنارة اليسار من الامام للخلف ومنلف الخيط عليها من الاسفل للاعلى
منسحب الخيط من داخل الغرزة بعدها منرفع المسلوته فوق الغرزة
وبهيدي الطريقة منكون نقصنا غرزة من الغرز شكل الغرز بعد التنقيص اذا انتبهتوا انوا ما استعملت اللفة مع التنقيص فتلاحظوا انوا عدد الغرز اختلف هدفي فقط اشرح رمز
-
اما الرمز الثالث:هو غرزة الفيشارة او الغرزة المنتفخة طريقة عملها سهلة وهي متل الكروشيه وذلك بشغل 5 غرز بغرزة واحدة نبدا بغرزة عدلة ثم مقلوب ثم عدل مقلوب عدلة
منشتغل البداية 11 غرزة
ثم منشتغل دور عدل والدور الخلفي مقلوب ثم دور عدل والدور الخلفي مقلوب حتى يسهل عليكم عمل الغرزة
منشتغل اول السطر 5 غرز عدلة
بالغرزة السادسة منشتغل 5 غرز منبدا بعدلة ومننتهي بعدلة متل ما ذكرت باول الشرح
اذا مندخل السنارة اليمين بالغرزة السادسة من الامام للخلف منلف الخيط من الاسفل للاعلى ومنسحب الخيط على السنارة اليمين مع الاحتفاظ بالغرزة السادسة على السنارة اليسار
منرجع الخيط للامام
ثم منشتغل غرزة مقلوب مندخل السنارة بالغرزة من امام الشغل منلف الخيط من الاعلى للاسفل ومنسحب الخيط على السنارة اليمين
منرجع الخيط للخلف ومنرجع نشتغل غرزة عدلة ثم منرجع الخيط للامام ومنشتغل غرزة مقلوب ثم منرجع الخيط للخلف ومنشتغل غرزة عدلة
فيصبح معنا 5 غرز بغرزة واحدة على السنارة اليمين
منلف الشغل ومنشتغل ال5 غرز غرز مقلوب مندخل السنارة باول غرزة من امام الشغل ومنلف الخيط من الاعلى للافل ومنسحب الخيط ومنكرر لانتهاء الغرز
منلف الشغل للامام ومنشتغل ال5 غرز غرزة عدلة مندخل السنارة من الامام للخلف ومنلف الاخيط من الاسفل للاعلى ومنسحب الخيط على السنارة اليمين ومنكرر لانتهاء الغرز
منلف الشغل ومنرجع نشتغلهم غرزة مقلوب
منلف الشغل للامام وبيهيدا الدور حنقص الغرز حتى يصبح معنا غرزة واحدة فقط
بهيدي الخطوة حنفضل نشغل من الجهة الامامية فقط
نضع السنارة اليمين بالغرزتين الاولى والثانية من الامام للخلف منرفع الخيط من الاسفل للاعلى ومنسحب الخيط يعني تنقيص غرزتين عدل مع بعض متل ما فهمتوها بالدرس الرابع بتنقيص الغرز
ثم منشتغل غرزة واحدة غرزةعدل ثم منقص 2 غرزة عدلة مع بعض بصير معنا 3 غرز
منقص مرة تانية وذلك برفع الغرزة الثانية فوق الغرزة الثالثة ثم منرفع الاولى فوق الغرزة الثالثة بصير معنا غرزة واحدة على السنارة اليمين
ثم منكمل ال5 غرز العدلة الباقيين معنا على السنارة اليسار
ثم منلف الشغل ومنشتغل الدور الخلفي غرزة مقلوب حتى غرزة الفيشارة
الدور الامامي دور عدل بتلاحظي بروز الغرزة من الامام وشكلها كتير حلو وكتير بيستعملوها بوسط الجدلات او بوسط المعينات اتقنوها منيح لانوا فيه تطبيق عليها بغرزة كتير حلوة بالدروس القادمة
تعليق
-
الرمز الرابع : ;كمان رمز من رموز التنقيص متل الشرح السابق بس بدل ما نسلت غرزة منسلت 2 غرزة ومنشتغل غرزة عدلة ومنرفع الغرزتين المسلوتين فوق الغرزة يلي اشتغلناها
منشتغل عدد من الغرز ولتكن 18 غرزة ثم منشتغل دور عدل ودور مقلوب ثم دور عدل ودور مقلوب
منشتغل اول 8 غرز غرز العدلة منسلت الغرزتين التاليتين على السنارة اليمين يعني بدون شغل
ثم منشتغل الغرزة يلي على السنارة اليسار غرزة عدلة
ثم منرفع الغرزتين المسلوتتين فوق الغرزة المشغولة
ومنكمل باقي الغرز غرزة عدلة والدور الخلفي منشتغل كلو غرزة مقلوب
ومنكرر
شوفوا هيدي الغرزة ما احلاها واذا لاحظتوا انكم اتعلمتوا كل الرموز يلي بالباترون وان شاء الله حشرح درس على كيفية قراءة الباترون
لاحظوا الرموز وحاولوا اكتبوه كتابة لما بتكونوا فاضيين وما وراكم شي ههههه ارسمي الرمز وكتبي شو بيعني
تعليق
-
الواجب
عمل 10 ادوار مع ختم القطعة
الواجب الثاني مع ختم القطعة
شوفوا لما عملت غرزة الفيشارة بين الغرز السابقة
تعليق
-
عذرا احبتي النت اليوم كان بطئ جدا فنسخت الردود كذا مرة فحذفتها فتشوهت الصفحة واتاخر تنزيل الموضوع تمنياتي لكم بالتوفيقتعليق
-
بسم الله ماشاء الله والله استاذة ومعلمة كبيرة
بارك الله فيك حبيبتى وجعلة فى ميزان حسناتك بدوية
شوفة انا كنت بدور على غرز البلوزة اللى نفس اعملها ووجدت
غرزة ال.bobbles او غرزة الكور فى التريكو
تعليق
-
ماشاء الله شرح ولا اسهل
تسلم ايديكى وعينيكى يبرووودتى
وجزاكى الله خيرا على المجهود الاكتر من رائع ربنا يجعله فى ميزان حسناتك ياربتعليق
-
ماشاء الله شرحك جميل وسهل وشكلها حلو اوى غرزة الفيشارة معليش يايبرودية مش حينفع حتطبق النهارده عشان عندى ضيوف بكرة ان شاء الله حنفذه وانزل تطبيقاتى بس انا عندى سؤال هو ايه الفرق فى التنقيص بين انى اشتغل غرزة وبعدين اشتغل الغرزة الى بعديها وبعدين اقلب الغرزة الى الاولى على التانية وبين انى اشتغل الغرزتين معا مش هى نفس النتيجة ولا ايهتعليق
-
ماشاء الله عليكي يبروووود الشرح جميييل وواضح
لي عودة بالتطبيق
موفقة ياعسل
,,تعليق
-
الله يعطيكي العافية
لي عودة بالتطبيق
تعليق
-
هلا بهتر على راحتك شوفي حبيبتي
لما منسلت غرزة ثم هنشتغل غرزة عدلة ثم هنمرر الغرزة المسلوته فوق الغرزة العدلة بيجه التنقيص تاحية الشمال ولما منقص 2 عدل مع بعض بيسعمل للتنقيص من تاحية اليمين والشمال اذا لاحظتي الباترون يلي منزلتوا للغرزة وان شاء الله لما منطبق باترونات حتفهمي اكتر وتعرفي الفرق
اما لما منسلت غرزتين ومنشتغل غرزة ومنرفع المسلوتين فوقهم هيدي بتستعمل اكتر شي بوسط غرزة حتى تعطيها شكل من المنتصف
لاحظي هيدا الفيديو للتنقيص 2 غرزة عدل مع بعض
وشوفي لمل منسلت غرزتين ومنشتغل غرزة عدلة ومنرفع المسلوتتين فوقهم شوفي الشكل يلي بيعطيه للغرزة من المنتصف
تعليق
-
تعليق
-
منورة زهورة يسعدلي هالمسا بانتظار التطبيق موفقةتعليق
تعليق