مرحبا بنات يسعدلي صباحكم ومساكم كيفكم واهم شي النشاط والحيوية وتكونوا مستعدين لتعلم رمز سهل من رموز التريكو ممكن تشوفوه بعدة اشكال

متل مو واضح بالجدول هو نفس الرمز الاول و نفس الشرح ولا ننسى اي تنقيص لازم معوا اللفة حتى نحافظ على عدد الغرز اوكي

الرمز يلي حنشرخوا هو المثلث الاسود بيكون 3 غرز منسلت غرزة على االسنارة بدون شغل طبعا ومنشتغل 2 غرزة عدل مع بعض ثم منرفع المسلوته فوقهم



هيدا الباترون عبارة عن غرز مقلوب واللفة وغرز العدلة وارمز يلي على شكل مثلث للاعلى وفيه كمان نفس المثلث بس للاسفل ان شاء الله اذا مر معي ببترون حنزللكم ياه ونشرحوا



حتى ما اكتر عليكم عمل اللفة بديت بالباترون من عند اشارة السهم الاموجود بالباترون يلي محدد عدد الغرز يعني من عند الغرز المقلوب

نبدا بعمل البداية من25غرزة الغرز على السنارة اليسار نبدا بالسنارة اليمين اوكي

الدور الاول : نشتغل 2 غرزة مقلوب حشرح اللفة حتى اذكركم فيها طبعا الخيط للامام ومنخليه للامام ونضع السنارة اليمين بالغرزة يلي على السنارة اليسار من الامام للخلف ومنشتغل

غرزةعدلة ومنكمل غرز عدلة حتى نشتغل 9 غرز ثم نسلت غرزة على السنارة اليمين ومنشتغل 2 غرزة عدلة مع بعض ثم منرفع الغرزة المسلوته فوقهم بصير معنا غرزة واحدة على السنارة اليمين

ثم منشتغل 9 غرز عدلة هلا بدنا نعمل اللفة وكمان حشرحها لاذكركم فيها الخيط للخلف منرجعوا للامام ثم منرفع الخيط فوق السنارة ثم منرجعوا مرة ثانية للامام ومنشتغل غرزتين مقلوب

الدور الثاني وهو بيكون الدور الخلفي منشتغل 2 غرزة عدلة وبعدها( بتجي اللفة منشتغلها مقلوب ) ثم منشتغل 21 غرزة مقلوب ولا ننسى اللفة دائما منشتغلها مقلوب ثم 2 عدل

الدور الثالث : 2 غرزة مقلوب ثم لفة شرحتها بالدور الاول ثم 9 غرز عدلة ثم منسلت غرزة على السنارة اليمين ومنشتغل 2 غرزة مع بعض ثم منرفع المسلوته فوقهم ثم 9 غرز

عدلة ثم اللفة ثم 2 غرزة مقلوب

الدور الرابع الخلفي : 2 عدل ثم 21 غرزة مقلوب ثم 2 غرزة عدلة

الدور الخامس : 2 غرزة مقلوب ثم لفة ثم 9 غرز عدلة ثم نسلت غرزة على السنارة اليمين ومنشتغل 2 غرزة عدل مع بعض ومنرفع المسلوته فوقهم ثم 9 غرز عدلة ثم اللفة ثم 2غرزة مقلوب

الدور السادس : 2 غرزة عدلة ثم 21 غرزة مقلوب ثم 2 غرزة عدلة

والادوار 7 9 11 نفس الشرح بالتمام والكمال ههههه

شوفوا شكل الغرزة ممكن تعملوها حافة لبلوزة شو رايكم