قراءة رموز التريكو و طريقة حياكتها
للبحث في شبكة لكِ النسائية:
|
قراءة رموز التريكو و طريقة حياكتها
آخر مرة عدل بواسطة يبرودية : 29-01-2013 في 03:37 AM
درسنا اليوم عن الضفائر او الجدلات وتعددت انواعها واشكالها ومنها الجدلات الامامية والجدلات الخلفية البسيطة التي تتكون من غرزتين ومن اربع غرز
فاذا كانت الغرزالتي على المساعد للخلف حطعتينا ضفيرة لليمين واذا كانت الغرز التي على المساعدحطعتينا ضفيرة لليسار
ويلي بحددلنا حجم الضفيرة هي عدد الغرز وحنشرح شكلين منشوفها كتير ببترونات التريكو حنشوفهم بالجدول وحشرحهم بالتفصيل
الرمز الاول عبارة عن جدلة او ضفيرة امامية من غرزتي وبتستعمل كتير برسمات المعيينات او بسموها الماسات وتستعمل بشغل الفروع او المضلعات
نبدا بعدد من الغرز العدلة
ثم نشتغل غرزة الحافة يلي اتعلمناها سابقا بعدها نضع غرزة على الدبوس امام الشغل
بعدها نضع السنارة بالغرزة التالية من الامام للخلف يعني غرزة عدلة ومنلف الخيط على السنارة من الاسفل للاعلى
بتنتقل الغرزة على السنارة اليمين
ثم منرجع الغرزة التي على الدبوس على السنارة اليسار ومنشتغلها غرزة عدلة
وبعد ما خلصت الدور الادوار الخلفية منشتغلها مقلوب وبعدين منشتغل عدد من الادوار قبل ما نعمل جدلة تانية وهيدا الشكل النهائي للضفيرة الامامية
ا
الرمز الثاني هو الجدلة او الضفيرة الخلفية ونفس مراحل الشغل المشروحة سابقا فقط نضع الغرزة التي على الدبوس خلف الشغل
عملنا عدد من الغرز نضع على الدبوس غرزة عدلة خلف الشغل ثم نضع السنارة اليمين بالغرزة التي على السنارة اليسار من الامام للخلف ومنلف الخيط
على السنارة من الاسفل للاعلى ومننقلها على السنارة اليمين
بعدين منرجع الغرزة التي على الدبوس على السنارة اليسار ومنرجع نشتغلها غرزة عدلة مندخل السنارة من الامام للخلف ولا ننسى انوا الخيط للخلف
ومنلف الخيط متل ما اتعلمنا ومنشتغل الغرزة عدلة
ومنتابع بنفس الشغل وعند الانتهاء من الدور الادوار الخلفية مقلوب ومنشتغل كام دور وهو ارتفاع الضفيرة ومنرجع نجدل مرة تانية من امام الشغل
الرمز الثالث وهو الجدلة الامامية بس من اربع غرز
بعد ما اشتغلنا عدد من الغرز منشتغل غرزة الحافة ونضع على الدبوس 2 غرزة امام الشغل
نضع السنارة اليمين بالغرزة التالية على السنارة اليسار من الامام للخلف وطبعا الخيط للخلف ومنلف الخيط من الاسفل للاعلى ومنسحب الخيط على السنارة اليمين ومنكرر بالغرزة التانية
ومنشتغل غرزة عدلة بصير معنا 2 غرزة عدلة على السنارة اليمين
بعد ذلك منرجع الغرزتين التي على الدبوس على السنارة اليسار ومنشتغلهم غرز عدلة
ومنكمل الدور انا عملت بين كل جدلة وجدلة 2 غرزة عدلة لتوضيح الجدلة والادوار الخلفية غرزة مقلوب ومنرتفع كام دور غرز العدلة هو ارتفاع الجدلة
وبالدور الامامي منرجع نجدل نفس الجدلة
اما الرمز الاخير وهو الجدلة الخلفية من اربع غرز
نفس الشرح السابق ولكن نضع الغرز التي على الدبوس خلف الشغل
نبدا بعدد من الغرز ونشتغل غرزة الحافة نضع 2 غرزة على الدبوس خلف الشغل
ثم نشتغل 2 غرزة عدل بان نضع السنارة اليمين بالغرزة التالية من السنارة اليسار من الامام للخلف ومنلف الخيط من الاعلى للاسفل ومنسحب الخيط على السنارة اليمين ومنكرر بالغرزة
الثانية
وبعد الانتهاء من الجدلات وطبعا الادوار الخلفية مقلوب ومنشتغل عدد من الادوار من الغرزة العدلة منرجع وبالدور الاكامي منعيد الجدلة الخلفية
وهيدا الشكل النهائي للجدلة
آخر مرة عدل بواسطة يبرودية : 28-01-2013 في 02:29 PM
الواجب عمل 20 غرزة اشتغلي دور عدل ودور مقلوب وكرري مرة تانية الادوار ثم اشغلي 3 غرز عدل ثم الجدلة الامامية ثم 2 غرزة عدل ثم كرري الجدلة حتى يبق معك 3 غرز عدلة اشتغليهم عادي غرز عدلة الدور الخلفي مقلوب ثم منرجع منكرر الشغل وكل دور امامي منعمل الجدلةا كرري الادوار ليصبح معك 6 جدلات امامية مع ختم القطعة ثم اعملي 20 غرزة دور عدل ثم دور مقلوب واتبعي نفس الشرح بس الجدلة بتكون خلفية
الواجب الثاني : عمل 30 غرزة الدور لاول غرزة العدلة الدور الخلفي غرزة مقلوب كرري مرة ثانية ثم اعملي 4غرز عدلة ثم بتعلملي 2 غرزة مقلوب ثم بتشغليالجدلة التي على اليمين جدلة خلفية ثم 2 غرزة مقلوب ثم 6 غرز عدلة ثم 2 غرزة مقلوب ثم بتشتغليالجدلة يلي على اليسار جدلة امامية ثم 2 مقلوب ثم 4 غرز عدلة الادوارالخلفية كلها مقلوب وبتكرري نفس الشغل متل ما هو واضح بالبترون
وعملي 7 جدلات
معليه حبايبي فيه غلط بالباترون الجدلة الاولى خلفية يلي على اليمين اما الجدلة الثانية بدي ياها امامية هي مرسومة بالباترون كمان خلفية هي لازم تكون متل الرمز الثالث فعذرا منكم هلا انتبهت
آخر مرة عدل بواسطة يبرودية : 26-02-2013 في 05:23 PM
انا اول واحدة ارد الدرس ده مختلف شوية عن الدروس الى فاتت بس الغرز شكلها حلو جزاكى الله خير يايبرودية على مجهودك الرائع حقراها حتة حتة وانفذ ان شاء الله
ما شاء الله درس رائع غاليتي يبرود ربي يوفقك و يجعله في ميزان حسناتك ..
معليش يايبرودية انا قريت الدرس دلوقتى وفهمته بس الواجب الاول اعمل 15 غرزة وبعدين ابتدى فى الجدلات علطول واعمل 6 امامى و6 خلفى بس معليش وضحلى اعمل الواجب ازاى
هلا بهتر شوفي حبيبتي الرمز الاول بتعملي 20 غرزة الدور الاول اعملي دور عدل والدور الخلفي مقلوب كرري مرة تانية الاسطر حتى تتحكمي بعمل الجدلة اشتغلي اول 3 غرز عدلة ثم الرموز الاول ثم اعملي 2 غرزة عدل ثم طبقي الرمز الاول يلي شارحتوا باول الدرس وكرري حتى اخر السطر بيفضل معك 3 غرز عدلة
الدور الخلفي كلو مقلوب الدور الامامي كرري نفس الشغل حتى يصير معك 6 جدلات
اتبعي نفس الطريقة للرمز الثاتي فهمتي علي يعني نفس الشرح بالخطوات يلي شرحتها بالدرس انا حعدل عدد الغرز
آخر مرة عدل بواسطة يبرودية : 26-02-2013 في 05:08 PM
الجدلة الامامية من غرزتين الصورة الاولى نضع 2 غرزة على الدبوس امام الشغلCOLOR]
الصورة الثانية منشتغل 2 غرزة عدل
[COLOR="#008080"]الصورة الثالثة منرجع الغرز على السنارة اليسار ومنشتغلهم غرز عدلة
[/
شوفوا كمان ممكن نزيد بعدد الغرز اد ما بدنا ممكن 3 او 4 او 5 غرز حسب الجدلة وحجمها
[IMG][/IMG]
[IMG][/IMG]
آخر مرة عدل بواسطة يبرودية : 26-02-2013 في 05:50 PM
الروابط المفضلة