ورشة شراب تريكو ((لعيون الغالية يبرودية وكل بنات التريكو))
[IMG][/IMG]
صباح الخير يا احلى بنات
بعد متابعتى لورش حبيبتى يبرودية لغرز التريكو واللى فكرتنى تانى بيه وزغللت عيونى بالحاجات الحلوة اللى بتنزلها قولت لنفسى اعمل شئ بسيط اسخن فيه ايدى اللى وقفت من قلة شغلى للتريكو
عملت اسهل شراب ممكن يتعمل
وهنا من الجنب والربطة من ورا
نبدأ بسم الله
البداية اول جزء كله عدل
نبدأ ب 6 غرز ونشتغلها كل السطور عدل ( من تحت ) الى ان نصل لطول حوالى 12 سم
ثم نبدأ بالزياده وحتكون زيادة غرزة واحدة كل سطر وعشان الحافة تكون منتظمة نعمل الزيادة فى الغرزة الثالثة قبل الاخير وليس فى آخر غرزة
وهى فى الغرزة الثالثة قبل الاخير بنشتغل الغرزة عادى عدل وقبل منسلت الغرزة نشتغلها مره تانية عدل يعنى من غرزة واحدة حتبقى غرزتين ونكمل باقى السطر عدل
زى الصور
ونستمر باقى السطور كل سطر بنزود غرزة الى ان يصل عدد الغرز الى 40 غرزة
لاحظو معى الحواف منتظمة بسبب ان الزيادة مش فى آخر غرزة
وهنا خلصنا الجزء الاول
الجزء الثانى
كله عبارة عن غرزة الاستيك ( 2عدل - 2 مقلوب )
انا غيرت اللون فى الجزء الثانى
نستمر فى الشغل 2عدل و2مقلوب باقى السطور حتى نصل لطول تقريبا 20 سم
الجزء ده بدون زياده يعنى بدينا فيه ب40 غرزة وننتهى منه ب40 غرزة
وكده خلص الجزء الثانى
يتبع
رد مع الاستدلال
كتبت بواسطة يبرودية
الروابط المفضلة