بنات انا حابه اعمل هادا الشال الي يا ريت اللي بتقدر تشرحلي الباترون بتاع الوردو بكون مشكورة لاني حاسه الباترون صعب ومش عارفه اقرئو
هادا صورة الشال

وهادا الباترون تبع الوردة يا ريت حد يشرحلي الباترون

مرحباً أخت رورو
الي فهمته يا غالية ثاني دور قناطر المكونة من أربع زردات رح نعمل داخلهم الأعمدة التي باللون الأزرق و المكونة من خمسة أعمدة و عندما ننتهي من الدور الرابع للأعمدة الزرقاء ننزل بسلسال من ست زردات ثم حشوة لننتقل للورقة الثانية .
ثم نشتغل قناطر مكونة من سلسال بثماني زردات خلف الاوراق التي بالأعمدة الزرقاء { مثل ما نشتغل وردة بطبقات }
و بنفس الطريقة نعبأ القناطر بالأعمدة التي باللون الأسود ..
ما بعرف هذا الي فهمته و عندك حق الوردة صعبه و رح احاول اشتغلها عملياً حتى أفهمها ..
و اتمنى من الأخوات الخبيرات يشاركونا و يساعدونا ..
ودي و احترامي ..

انا فهمت انها بتنشغل طبقات متل ما متعمل الوردة طبقات بس اللي ما فهمتو الاعمدة كم لفه؟ خمس لفات ولا شو ؟ حاسه حالي ضايعه بهالباترون

هلا رورو الشال رائع جدا وشيك الاعمدة مباين 5 لفات موفقة يارب

رنوش الشال روعه
انا كمان الوردة لخبطتني,,
لكن هي اكيد من طبقتين لما تشتغلي الطبقة الصغيرة اولا تشتغلي الوردة الكبيرة وعمودها من 5 لفات
جربي قطعه صغيرة واحكيلنا شو بيطلع معك
الشال بيجنن وعليكي اكيد احلى

تسلمي ا زهرة انا جربت اول مرة وما طلعت هي نفسها ميه الميه رح احاول اغير شوي واجرب كمان مرة لحد ما تزبط معي

انتظر الابداع

فهمت الآن أخواتي الغاليات
الأعمدة التي باللون الأزرق هي بثلاث لفات نعملها على كل القناطر
نيجي للدور الجديد الأعمدة التي بالون الأسود مثل ما قلتي اختي الغالية رورو بخمس لفات
و إذا لم توصل الفكرة رح أصورها و احطها بكرة

مشاءالله حلو الشال رورو

طبعا هي من ثلاث طبقات تبدي بسلاسل و تغلقي و بعدها تشتغلي ٣ س وحشو لعمل اقواس
الدور اللي بعده من ٤ س و حشو بنفس السلاسل تبع الدائره وتكون سلاسل الدور السابق بالامام
و هكذا تشتغلي الدور كلو
الدور التالي تشتغلي حشو فوق الحشو من الدور السابق و ترتفعي ب٦ س و تشتغلي داخل الاربع السلاسل من الدور السابق خمس اعمده بثلاث لفات و تنتهي ٦ س وحشو فوق الحشو التالي و هكذا تشتغلي البقيه

الدور اللي بعده تشتغلي ٨ س وحشو
و الدور اللي بعده تشتغلي زي دور الاعمده بس بخمس لفات و زياده بالاعمده و زياده ببدايهةو نهايه ورقه الوره

و بالتوفيق حبوبه

تسلمو حبيباتي ما قصرتو وانا فهمتها وان شاء الله بس اخلص الشال رح احطو هون بالمنتدى