ورشه ... قبعه بناتى صيفيه فى منتهى الجمال ... اهلا وسهلا
السلام عليكم ورحمه الله وبركاته
كيف حالكم يا اعز الناس
وحشتنونوا و وحشيتنى طلتكم
ان شاء الله اليوم هنعمل مع بعض قبعه بناتى ان شاء الله تعجبكم
القبعه لعمر من سنتين
الخيط (اى نوع ) لو الخط رفيع سيعطيكى قبعه صغيره لو الخيط سميك يعطى قبعه اكبر نتابع مع بعض لمعرفه المقاس المناسب
انا هنا استخدمت فتلتين من خيط مصر البيضا 50 جرام اعطانى سمك خيط الاليزا ( للتقريب لان معظمنا يعرف سمكه)
نبدا الورشه وهى بالمناسبه اول ورشه لى فى عالم الكروشيه استحملولى لو برغى كتير
بسم الله
القبعه طبقتها من فيديو على اليو تيوب وغيرت فى الكرانيش ( الفيديو بدون موسيقى )
السطر الاول ...نعمل 6 سلسله ونعلقها بمنزلق
السطر الثانى... ترتفعى تلات سلاسل ويعتبر اول عمود ثم عمود ثم سلسله ثم( 2 عمود وسلسله ) ونكرر ما بين الاقواس سته مرات اخرى
(يعنى هيكون معاكى 2عمود وسلسله 8 مرات ) ونغلق بمنزلقه
السطر الثالت ... تشتغلى منزلقه للوصول للسلسله التى بين الاعمده والتى سيكون فيها مايلى ...وترتفعى 4 سلاسل (ونعتبرها اول عمود + سلسله ) ثم عمود ثم سلسله ثم عمود ... وفى السلسله التى بين الاعمده من السطر السابقه .. تشتغلى (عمود سلسله عمود سلسله عمود )وهكذا حتى انتهاء لسطر
سيتكون ليكى عدد 8 من (عمود سلسله عمود سلسله عمود ) ونغلق بمنزلقه
السطر الرابع ...نشتغل منزلقه للوصول الى السلسه من السطر السابق ونرتفه اربعه سلسله ثم عمود فى نفس السلسله .. ثم عمود سلسله عمود فى السلسه الفراغه من السطر السابق وهكذا لنهايه السطر ونغلق بمنزلقه
السطر الخامس ... نشتغل منزلقه للوصول الى السلسله من السطر السابق ثم نرتفع اربع سلاسل ثم عمود .. ثم فى السلسه الفارغه من السطر السابق ما يلى عمود سلسله عمود سلسه عمود .. ثم (عمود سلسله عمود ) وهكذا لنهايه السطر ونغلق بمنزلقه
السطر السادس ..... نفس السطر الرابع
السطر السابع .... نفس السطر الخامس
ومن هنا تقدرى توسعى وتظبطى مقاس الراس
يعنى لو الطفله اكبر هتشتغلى تانى الصف الربع والخامس للوصول للمقاس المناسب
اما ورشتنا فانا ساقف هنا لان هذا المقاس الناسب لسنتين وايضا ثلاث سنوات
السطر الثامن ... نفس الرابع
ونظل نشتغل نفس خطوات السطر الرابع حتى نصل للسطر الثامن عشر
ولكى الحريه ايضا فى الطول المرغوب للقبعه المناسب لمقاس الطفله
السطر التاسع عشر ( بدايه الكرانيش مثل ما موضح ف الباترون )
نشتغل منزلقه للوصول الى السلسه من السطر السابق .. ثم 2 سلسله ثم 5 عمود فى السلسه الفارغه من السطر السابق ثم 2 سلسله وحشو فى السلسه الفارغه من السطر السابق .. وهكذا حتى اخر السطر ونغلق بمنزلقه
السطر العشرون ... نشتغل منزلقه للوصول الى السلسه من السطر السابق.. ثم 3 سلسله وحشو عند اول عمود من السطر السابق ..ثم 3 سلسله وحشو ف العمود المجاور .. ثم 3 سلسله ونترك عمود من السطر السابق وننزل بحشو فى العمود الذى يليه .. ثم ثلاث سلاسل وحشو ف العمود المجاور.. ثم خمس سلاسل وحشو ف اول عمود فى المجموعه التاليه وهذا حتى نهايه السطر ونغلق بمنزلقه
السطر الحادى والعشرين ... 3 سلاسل وتمثل اول عمود ثم 2 عمود فى الثلاث سلاسل من السطر السابق ... ثم 2 سلسله وحشو فى منتصف القنطره الملونه بالاخضر من السطر السابق ..ثم 2 سلسله ثم 5 عمود فى ال5 سلاسل من السطر السابق ... ونكرر حتى نهايه السطر هنعمل 2 عمود لتكمل الثلاث اعمده فى اول السطر فيصبحوا 5 عمود كباقى السطر ونغلق بمنزلقه
السطر الثانى والعشرون مثل .... السطر العشرون
السطر الثالث والعشرون مثل ....السطر الحادى والعشرون
السطر الاخير ... مثل السطر العشرون لكن بدل ( خمس سلاسل وحشو ف اول عمود ) نشتغل سلسله حشو على غرزة الحشو من السطر السابق سلسله
فتصبح لدينا اجمل قبعه !!
بالنسبه لتزيين القبعه مثل ما تحبى
ان شاء الله هزين القبعه بشريط ستان احمر او روز وهعمل فيوكنه
لكن للاسف لا يتوفر لدى الان .
همسه فى اذن المشرفات للاسف صغرت الصوره لكن لا ادرى لما عندما احملها عالنت تظهر كبيره ... معذره
وارجو من الله سبحانه وتعالى ان اكون قد وفقت فى شرح القبعه وان تكون نالت اعجابكم
لا تبخلوا عليا بالدعوات ولا تنسوا فاطمه (بنتى ) فى الدعاء ربنا يشفيها ويعفو عنها
لعل احدكم مستجاب الدعاء
والسلام عليكم ورحمه الله وبركاته
تحياتى ام النونه
رد مع الاستدلال
كتبت بواسطة بريق الابتسامه
الروابط المفضلة