السلام عليكم اخواتي
انا كتبت مبارح موضوع سالت فيه عن امكانية تعلم التريكو والكروشيه على كبر بعمر 24 سنه
المهم بدأت اتعلم تريكو رحت اليوم اشتريت صوف وسنارات رقم 4
بدي اعمل علم الثورة السورية كلفحة



اسئلتي

1 كيف اعمل اكتر من لون بلفحتي
2 شو احسن غرزة للفحة
3 كيف اعمل النجوم الحمر
4 كم هو مقاس اللفحة المثالي لشخص بالغ؟ يعني كم غرزة لازم اعمل؟

جزاكم الله كل خير

كتبت بواسطة سمر87

السلام عليكم اخواتي
انا كتبت مبارح موضوع سالت فيه عن امكانية تعلم التريكو والكروشيه على كبر بعمر 24 سنه
المهم بدأت اتعلم تريكو رحت اليوم اشتريت صوف وسنارات رقم 4
بدي اعمل علم الثورة السورية كلفحة





اسئلتي

1 كيف اعمل اكتر من لون بلفحتي
2 شو احسن غرزة للفحة
3 كيف اعمل النجوم الحمر
4 كم هو مقاس اللفحة المثالي لشخص بالغ؟ يعني كم غرزة لازم اعمل؟

جزاكم الله كل خير

اول شي مرحبا فيكي بس عندي سؤال انتي بتعرفي شي بالتريكو ولا لا؟ يعني بتعرفي الغرزة العدله كيف بتنعمل ولا لا والغرزة المقلوبه ولا حتبتدي من الصفر ما بتعرفي شي؟

اخت رورو شكرا على ردك، انا صار عندي خلفية عن التريكو وجربت اكتر من قطعة
لأني صرلي اكتر من يوم عم حاول اتعلم
بس المشكلة اسماء الغرز ما بعرفها بالعربي

اكيد رنوش رح تفيدك ماشاء الله عليها فنانة بالتريكوو
موفقة بعمل اللفحة وربي يفرجها على اخواننا بسوريا يارب

ممكن تعملي كل لون لوحده وبعدين تشبكيهم مع بعض والنجوم طرزيها بعد ماتخلصي وعلى حد علمي لو الخيط سميك ممكن كل لون تبديه 8غرز وبرضه اساتذة التريكو يفيدوكي اكتر ربنا يبارك فيهم

كتبت بواسطة سمر87

اخت رورو شكرا على ردك، انا صار عندي خلفية عن التريكو وجربت اكتر من قطعة
لأني صرلي اكتر من يوم عم حاول اتعلم
بس المشكلة اسماء الغرز ما بعرفها بالعربي

مو مشكله اسماء الغرز بتتعلميها لبعدين ابتدي بلفحه بعدد غرز تقريبا 70 الى 80 غرزة واعمليه الغرزة اللي بتريحك يا كل الغرز عدله او كل الغرز مقلوبه او حبه عدله وحبه مقلوبه حسب كيف اسهلك بالنسبه لتدخيل الالوان بعد لتشتغلي كم سطر باللون المطلوب جيبي اللون التاني اللي حتلوني فيه واشبكيه باول غرزة من نهاية اللون اللي قبلو واشتغلي فيه عادي بالنسبه للنجم اعتقد انو صعب عليكي انو ادخلي اللون وتمشيه بوجود لون تاني يعني تمشي بللونين مع بعض لانك مبتدئه بس بتقدري تعملي النجم لحالهم وتخيطيهم على اللفحه اخر شي يا رب تكوني فهمتي علي
ةبتقدري تدخلي على موقع يوتيوب واكتبي طريقة عمل الغرزة العدله وحيظهرلك فيديو يعلمك بالظبط كيف تعملي وبتقدري كمان تشوفي كيف تدخيل اكتر من لون بعمل التريكو وانا رح احاول اجيبلك فيديو يفرجيكي كيف طريقة الشغل بالظبط واي سؤال انا جاهزة

دة فيديو يبين لك طريقة الغرزة المقلوبه بالتريكو ادخلي عليه وتعلمي كيف الطريقه

‫تريكو (الغرزة المقلوبة)‬‎ - YouTube

وهادا الرابط لطريقة تعلم الغرزة العدله
‫تريكو (الغرزة العدلة) knit v titch‬‎ - YouTube

وهادا الفيديو بيعلمك كيف تبتدي الشغل وهو بالغرزة العدله
‫حياكة الصوف بالعصاتين‬‎ - YouTube