السلام عليكم
بنات انا شوفت هذا البوليرو هنا فى المنتدى وحبيت انى اشتغله لانى محتجاه ضرورى
اشتغلت وحدة منه وحبيت انكم تشوفوها وتعطونى رأيكم
هل شغلى صحيح ولا فيه خطأ
المفروض ان الوحدة تكون 15 سم
وانا تطبيقى للوحدة طلع 13 سم
جربتها بخيط مؤقت وابرة مقاس 3 مم
وطلعت مشدودة شوية
مش عارفه الغلط فين
ياريت تفيدونى
مستنية رأيكم لكى اشترى الخيط وابدأ فى الشغل
لانى محتجاه ضرورى وفى اقرب وقت
وجزا الله خير من تساعدنى مقدما

وهذا هو البوليرو الاصلى




وهذا تطبيقى للوحدة

اسفة بنات كترت عليكم بطلباتى
بس مليش غيركم الجأ لهم وطمعانه فى كرمكم وحبكم لمساعدة الغير
ممكن كمان تساعدونى وتشرحولى كيفية تشبيك الوحدات
وكيفية عمل الكم
هل الكم له حردة ولا لأ
وازاى ابدأ فى عمل الكم
ولكم جزيل الشكر وجعله الله فى ميزان حسناتكم

يارب المحترفات يساعوكي

لان الدرين الاخيريين كان فيهم غلط بالتزويد

سروووبة صباح الفل حبيبتى
تطبيقك صح 100%
والمقاس حسب نوع الخيط وطالما حتشترى خيط اشتريه سميك شوية وتشتغليه على ابره اكبر حيطلع معاكى مظبوط
وبالنسبة للتشبيك بتعملى وحدة كاملة وفى الوحدة الثانية آخر سطر بتعملى سلسلة من الفستونة وتشتغلى السلسة الثانية بعد متدخليها فى نفس الفستونة من الوحدة الاولى ثم سلسلة سم الحشو فى الوحدة الثانية
وهكذا لباقى الفستونات
اما الكم فهو بدون حردة وهو عبارة عن فستونات مكونة من 3 سلسلة ثم حشو
ولما توصلى للطول المطلوب بتعمليله الكنار زى جسم البوليرو
يارب اكون عرفت اوصلك المعلومة
ولو فى اى شئ مش عارفاه قوليلى حبيبتى احاول اوضحه ان شاء الله

السلام عليكم

شيماء
شكرا ياقمر على مرورك

رندا
صباح الفل على عيونك يا رندود
دايما حبيبتى سباقة بالخير ومساعدتك لينا
شكرا حبيبتى على شرحك كفيتى ووفيتى
ان شاء الله اشترى الخيط النهارده واشتغله بابرة مقاس 4 مم
ويارب تظبط معايا
ربنا يخليكى ومايحرمنيش منك ياقمر
ويجعله فى ميزان حسناتك

معلش رندا ممكن كمان استفسار بعد اذنك
وانا بشبك الوحدات من الجنب
اسيب مكان لفتحة الكم صح كده
طيب فتحة الكم بتبقى كام سم ولا دى بتتحدد بالمقاس او يعنى تقريبا كام سم
يعنى اقيس على نفسى ولا اعمل ايه
وهل الكم فستونات من 3 سلسلة ولا 5 سلسلة
ربنا يكرمك حبيبتى ولكى جزيل الشكر

حسب الباترون
فتحة الكم هى مقاس وحدة كاملة
بتتركى الجنب بدون تشبيك
مكان السهم الاحمر او قيسيه عليكى وحددى المقاس

http://


وبالنسبة للفستونات انا شايفة فستون الكم زى الفستون فى الوحدة
وفى الآخر شئ يرجعلك لو حابة يكون مفرغ على واسع اعملى فستون 5 سلسلة ولو حابة مفرغ على ضيق اعملى فستونة 3 سلسلة

بالنسبة للكم

هلاا سرااب مشاءالله كنتي علي بالي من يوميين اعذريني حبوبه للتاخير
ماكان عندي وقت لشغله و الحمدالله اشتريت الخيوط

بالنسبه لشغلك الغلط عند السهم مش شايفه غرزه الصدفه بالركن و كماان غرز الحشو يفترض تكون بوسط القوس
و علشان يكون شغلك حلو و مرتب حاولي تشتغلي الحشوه بداخل السلسله الوسط و ليس فوقهاا علشان ماتتحرك و تكون بالجنب




و بالنسبه للكم تكون الفتحه لوحدتين اللي فوق الوحده الاماميه و الخلفيه و تشبك الوحده الخلفيه بالنصف الوحده الاماميه
و بالنسبه لحجم البلوليرو ممكن تتحكمي فيه من حجم الخيط او من حجم الابره
راح اشتغل الليله وحدتين من خيط واحد بس من ابرتين مختلفتين الحجم و راح اصورهم و اوريك كيف تغير الحجم
بالنسبه لهذا البوليرو حلو يكون علي الجسم مو بشكل واسع

السلام عليكم

رندا
شكرا جزيلا حبيبتى تعبتك معايا
ربنا يكرمك ويجازيكى خيرا ويجعله فى ميزان حسناتك

بدوية
انا عارفه حبيبتى انك مشغولة الله يكون فى عونك ويبارك فى وقتك وجهدك
بالنسبة لمكان السهم هو صدفة مثل باقى الاطراف لكن الشغل مشدود ومقوس علشان كده مش باين الطرف
انا اشتريت الخيط لونه موف واشتغلت وحدة جديدة
ويارب تكون مظبوطة

رندا وبدوية شوفوا كده وقولولى رأيكم
ده نوع الخيط اللى اشتريته هو خيط تركى






فى انتظار رأيكم عشان اكمل الشغل
ولكم جزيل الشكر

مشاءالله الخيط حلو والشغل ميه ميه
علي فكره خيطي فيه لمعه فضيه و لونه اسود شوفي شغلي من نفس الخيط بس
وحده باابره رقم 2 و الثانيه رقم 4
طبعا عندنا كل ماكان الرقم اكبر الأبره تكون كبيره بعكس بعض الدول