صور للشنطة

كلما كانت الابرة المستخدمة اكبر و الخيط امتن كلما طلعت الشنطة اكبر

استخدموا في هالشنطة حجم ابرة K او 6.5 mm تستخدمون معاه خيطين مع بعض

او H == 5mm و تستعملون معاه خيط واحد ..

و خيط 4 ply يعني 4 خيوط ضيعفة ملفوفة مع بعضها

شوفوا الصورة حتى تفهمون قصدي .. الخيط اللي اقصده هو البني .. شوفوا شلون متين

اذا اتبعتون نفس الباترون مع الابرة 5 mm راح يكون طولها 8 انش و 12 انش العرض

لكن مع الزيادة راح يكون الطول 10 انش و 15 انش العرض

و اشتغلوا زيادة 6 اسطر في القسم الاول و الثالث

و في الوسط بعد 6 اسطر

اذا استخدمتون الابرة اللي حجمها 6.5 بدون زيادة مع خيطين في مرة راح يعطيكم نفس حجم الشنطة في حالة الزيادة اللا استخدموا لها الابرة 5 ..

و هذا الباترون و شرح الزيادة المستخدمة ,,
و الغرزة المستخدمة هي نص عمود

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 964x747 و بحجم 156KB.

و طبعا اللي حابة تزيد اعتقد صارت سهلة الزيادة لان لو بتزيدي بتزيدي نص عمود اثنين في جانب كل سطر

و راح تكون بهالطريقة

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 576x396 و بحجم 42KB.

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 576x432 و بحجم 60KB.

في الصورة التالية نلاحظ فراغات او فتحات صغيرة في كل جانب.. الفتحات هذي لما كنا نكمل السطر كنا نشتغل سلستين و نلف القطعة .. في هذي الفتحات راح نشتغل فيها حتى تنزم القطعة او مثل ما نقول تنلم ..

ملاحظة : الترجمة للي على الصورة ( الفراغات من السلستين بداية السطر)

اذا حابين تحطون بطانة للشنطة فهذا هو الوقت المناسبة.. في نفس الوقت ما يحتاج تقطعون الخيط لان بعدين راح نشتغل يد الشنطة بس حاولوا ان الغرز ما تنفل و يضيع شغلكم ...

اطوي او اثني الشنطة بالنص ,, و جيبي قطعة قماش و اطويها بالنص ..

قصي القماش على شكل مربع بحيث انه يتناسب مع حجم الشنطة ( مع طول و عرض الشنطة )
خيطي حاشية للقماش بحيث لو جيتين تركبين القماش على الشنطة راح تظل مسافة (نص انش) عن الحافة

اذ تحبين تضيفين جيب يكون مكانه مثل اللي موضح بالصورة

ملاحظة: الترجمة للي على الصورة ( اذا كنتي تبين جيب ، خليه في المكان المحدد ، و يكون مفتوح ناحية الحافة الخارجية .... )

مرحلة خياطة البطانة بالشنطة ......

اطوي البطانة بالطول و حطيها داخل الشنطة ,,

( انتبهي ان الجانبين الخلفيين للشنطة و القماش يكونون مع بعض )

و تخيطون بهالغرزة ( ما اعرف اسمها بالعربي )

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 523x378 و بحجم 28KB.

هذا شكل الشنطة بعد ما تخيطت مع البطانة ,,

صورة قريبة من البطانة و تبين المسافة اللي تركناها من الحافة .. و لازم هذي المسافة البسيطة تكون فاضية حتى نقدر نشتغل في الفراغات اللي من السلسلتين بداية السطر .....

الحين بما اننا انتهينا من خياطة الجزء الطويل ,, اعملي طيات للبطانة و خيطيها على الجانب القصير و تراعين في نفس الوقت انش تتركين مسافة ,,
شوفي الصورة و لاحظي طريقة الطيات ,,,

يعد ما خلصنا من البطانة. راح نشتغل في يد الشنطة و نبدي من الخيط اللي تركناه ,,

عمل اليد فيها جزئين الجزء الاول هو الجزء اللي بيلم لنا الشنطة .. و الجزء الثاني هو يد الشنطة ..

الجزء الاول ..

تذكروا الخيط اللي تركناه لما خلصنا جسم الشنطة .. و الله قطعته تبتدي من اخر غرزة بالطول ( يعني تدخل الابرة في اخر غرزة من الجزء الطويل .. شوفوا الصورة حتى توضح الفكرة عندكم )..

اعملي سلسلة .. و اشتغلي غرزة حشو في كل فراغ ( اللي تكونوا لنا من السلستين بداية السطر ) و بهالطريقة راح تتركين سطر و تشتغلين في السطر اللي بداية سلسلتين .. و حاولي تشدين على الغرز يعني ما تخليهم مرخيين حتى تنلم الشنطة ..

و هذي الصورة تبين الفراغات اللي راح تشتغلون فيها ..

لما توصلون الى اخر فراغ او اخر غرزة .. حاولي ان تكون اخر حشو في اخر غرزة في نهاية السطر حتى لو ما كان في فراغ

المفروض اذا اتبعتين الباترون يكون عندش 26 غرزة حشو ..

و هذا شكلها و تلاحظون انها بدأت تنلم ..

احين اشتغلي سلسلة .. و اقلبي الشغل ..

و اشتغلي حشو في كل غرزة لنهاية السطر ..

كرري لحتى يصير عندش من 6 الى 8 اسطر ..

و هذا يعتمد على العرض اللي تبينه .. و بعد ما تخلصين اقطعي الخيط و بدي بنفس الطريقة على الجهة الثانية ..

و هذا شكلها ..

دخلي الخيط في المكان الموضح بالصورة ..

اعملي غرز حشو و انتي طالعة لفوق .. لما توصلي لفوق لنهاية الجزء الاول من اليد .. اشتغلي من 60 الى 80 سلسلة .. ( و بعد هذا يعتمد على الطول الي تبين .. و انتبهي ان السلاسل ما تلفينها و انتي تشتغلين )

الحين لما توصلين للطول المناسب اشتغلي غرزة حشو في الجانب الثاني من اعلى ( الجزء الاول ) و تشتغلين على حواف الجزء القصير كله حشو ..

بعدها نفس الشي اشتغلي من 60 الى 80 سلسلة او على حسب اللي سويتيه اول مرة يعني لو اول مرة سويتي 70 سلسلة الحين لازم تشتغلين 70 سلسلة ..

و لما تكملين اعملي غرزة حشو في الطرف الثاني و كملي حشو حتى توصلين لاول غرة حشو اشتغلتيها .. و لا تنسين تسوين منزلقة في نهاية كل سطر ..

و هذا شكلها ..

اشتغلي سلسلة .. و اقلبي الشغل ..

و اشتغلي غرز حشو على طول ( فوق غرز الحشو اللي على الطرف القصير و على السلاسل )

السطر اللي بعده .. سلسلة و اقلبي ..

و واصلي على هالحالة لحتى تكملي من 4 الى 6 اسطر

او على العرض اللي تحبينه

و هذا شكل الشنطة في النهاية ما عليك الا انك تزيننيها ..

منقوول

يسلمووووووووووو روعه

تسلم ايدك على النقل الجميل
وان شاء الله يكون في ميزان حسناتك

بسم الله ما شاء الله
شنطه رائعه
تسلم الايادي

نقل رائع
يعطيكي العافية

ماشاء الله

جميلة اوى

جزاك الله خيرا

ما شاء الله .. بارك الله فيكي

يعطيك العافيه ,
و تسلمي على نقل الشرح الواضح ..