حبيباتى الغاليات
ازيكم يا أحلى قمرات
وحشتونى كتييييييييييييييير

النهاردة حبيبة قلبى الغالية "جبال الثلج"
سألتنى عن غرزة الحمصة

ولانها غالية عليا جداااااااااااااااااااا
زى ما كلكم غاليين عليا

وكمان زى ما جبولة مش حبيبتى أنا بس
كلنا فى المنتدى بنحبها
لانها بجد انسانة جميلة أوى

فأنا حبيت انى أقولها وأقولكم الغرزة
يمكن حد يستفيد منها
وينفذ منها أى حاجة حلوة زيكم كدة

بصوا يا قمرات
هى الغرزة سهلة جداااااااااااااااااا
أنا عملت منها بلوفر اسود لمامتى من كااااااااااااااام سنة

وهى الحقيقة من الغرز البسيطة السهلة
اللى بيطلع شكلها حلو أوى

عشان ما أطول عليكم
يلا نبتدى

بسم الله

الغرزة عبارة عن مضاعفات العدد 4 + 2
وبرضه بتتكون من 4 أسطر

فكرتها الاساسية بتعتمد على ان أنا فى التكرار الواحد
(الـ 4 غرز)
بأعمل 3 غرز فى غرزة واحدة
(وبكدة نكون زودنا غرزتين)
وفى نفس التكرار
بآخد 3 غرز مع بعض
(وكدة نكون نقصنا الغرزتين اللى زودناهم)
يعنى ما عملناش حاجة
هههههههه

يلا بأة نروح للشرح
وعلى فكرة فيه مفاجأة حلوة أوى لكم فى نهاية الشرح

السطر الأول:
كله مقلوب (م)

السطر الثانى:
1ع [3 م معاً - (اع - ام - اع من نفس الغرزة) ]
نكرر ما بين القوسين المربعين [ ]
وينتهى السطر بغرزة ع


السطر الثالث:
كله مقلوب (م)

السطر الرابع:
1ع [3 م معاً - (اع - ام - اع من نفس الغرزة) ]
نكرر ما بين القوسين المربعين [ ]
وينتهى السطر بغرزة ع

بس خلاص
الموضوع سهل جداااااااااا

يمكن جبولة دلوقتى بتقول
يعنى هى راندا ايه الفرق اللى هى عملته
ما انا عندى شرح الغرزة

حاضر يا قمر
هنقول بالتفصيل

الأول نبدأ بـ 3 مقلوب معاً

يعنى ناخد ال3 غرز مع بعض دفعة واحدة على سن الابرة
بالضبط زى ما بنعمل 2 ع معاً
أو 3 ع معاً
ماشى يا جميلة

نيجى بأة للجزء الصعب من الموضوع
او اللى البعض هيعتبره صعب

ازاى ممكن نعمل 3 غرز من غرزة واحدة


على فكرة دى طريق من طرق زيادة عدد الغرز

اننا بنيجى فى نفس الغرزة بنعمل 3 غرز
احنا عادة بنعمل الغرزة العدل باننا بنلف الخيط حول الابرة
وبعدين بننقل الخيط من الابرة اليسار للابرة اليمين

اللى احنا بأة هنعمله
اننا قبل ما ننقل الخيط نرجع الخيط أمام الشغل ونعمل غرزة مقلوب وبرضه قبل ما نسقط الخيط وننهى الغرزة
نرجع الخيط ورا الشغل مرة تانية
ونعمل كمان غرزة عدل
وهنا نخلص على الغرزة خالص وننقلها من الابرة لليسار إلى الابرة اليمين

وبكدة هنلاقى ان عندنا 3 غرز

ماشى يا قمرات

مش بعادة ان اناا اتكلم كدة من غير صور
مش كدة برضه

طيب أنا دلوقتى هأوريكم مجموعة صور للبلوفر بتاع ماما
أتمنى أنه يعجبكم

وكمان صورة




دى بأة صور أقرب للياقة
باينة فيها الغرزة أكتر





ودى واحدة تانية

ولأول مرة فى موضوعات رونا الحبوبة
بس استنوا احسن ما اعرفش

انا المرة دى
مش هأحط صور للخطوات

انا هاحطلكم مقطع فيديو بيشرح الخطوات بالتفصيل الممل
طبعاً المقطع بالانجليزى

بس الطريقة واضحة جدااااااااااا
وكمان اللغة بسيطة ان شاء الله وسهلة

يارب المقطع يكون مفيد بالنسبة لكم

وأى استفسار انا موجودة
ويا ريت طبعاً اشوف تشجيعكم وتطبيقاتكم

وكمان تقييمكم
ايه رايكم حلوة حكاية التقييم دى
تعالوا نجربها

آدى المقطع
يا رب أعرف أحمله

بصوا ما تضحكوش على
أنا ما لقيتش ايقونة فى الايقونات اللى فوق ندرج بيها المقطع زى الصور
لكن انا هأحط لكم الرابط

http://www.rofof.com/3gkwtn3/YouTube_-.html

يا رب يفتح معاكم

فى امان الله

بارك الله فيك و جزاك الجنة و اكيد جبال راح تفرح فيه
الله يديمك اخت حبيبة في الله

بصو يا بنوتات
انا جربت الرابط والحمد لله اشتغل معايا

انتى بتعملى Double Click (ضغطة مزدوجة) على اللنك (الرابط)
هيفتح معاكى صفحة موقع التحميل
وتنتظرى شوية مش كتير
وبعدين يقولك
-- انقر هنا لتحميل الملف --

تضغطى هيطلع لك صندوق حوارى
عشان تختارى المكان اللى هتحفظى فيه الملف على جهاز الكمبيوتر الخاص بك

اى خدمات يا أحلى قمرات

على فكرة محضرالكم سلسلة من الموضوعات
يا رب تنول اعجابكم

يسعدني ان اكون اول من يرد على الموضوع

مشكوووووووووووره ميستري

تعبتج معي

الف شكر الج

ان شاء الله بكرا اطبقها ونزل تطبيقي والشرح واضح والحمد لله

الف شكر لكِ

شوفي صورة البندانه يارب تطلع

الفيديوا بحمله من الجهاز الثاني ان شاء الله وشوفه

فرررررررررررررحت كثيييييييييييير
الله ايخليج لي ولايحرمني منج ياااااااااااااااااااااارب