بسم الله الرحمن الرحيم

باذن الله نبدا شرح البوليرو
اللي في الرابط ده
http://www.lakii.com/vb/showthread.php?t=716470

ده باترون الجنبين للامام اليمين واليسار

وده باترون الضهر

انا باذن الله حااشرح علي الباترون بالظبط
اي بنت عايزه تعمل تعديل تعمل علي مسؤليتها الشخصيه ههههههههه
يعني المقاسات بتختلف حسب الخيط والسن
انتي بقي جربي واعملي اللي يناسبك
ولو بصيتي علي التطبيقات حاتلاقي المقاسات مختلفه وعدد الوحدات مختلفه
يعني ممكن مقاس كبير ومعمول ب8وحدات وبالعكس
المهم
نشوف الشرح

الباترون بيبدأ من الرقبه
بتعملي سلسله علي مقاس الرقبه من مضاعفات ال13+3سلاسل تحسب كأول عمود
مفروض انك تعملي 8وحدات
3للضهر و3للامام مقسمين علي واحد ونص وواحد ونص ووحده لكل كتف
كده نبدا علي
8في13=104+3=107
نبدا علي107غرزه
السطر 1
عمود في خامس سلسله من الابره-ثم عمود في السلسله التاليه-(ثم 3سلاسل وسيبي 3غرز من سلسله القاعده واعملي عمود في السلسله الرابعه-ثم 3سلاسل وسيبي 3سلاسل من سلسله القاعده واعملي 6عمود في ال6سلاسل التاليه)وكرري مابين القوسين حتي اخر وحده اعملي 3عمود بدلا من 6سلاسل(نص وحده)

السطر 2

ارتفعي ب3سلاسل ثم اعملي عمودين في العمود التالي ثم عمود في العمود الثالث
(كده ال3عمود اللي في البدايه اصبحوا 4عمود)
ثم 3سلاسل وسيبي 3غرز زاعملي عمود في الغرزه التاليه لهم ثم *3سلاسل وسيبي 3غرز ثم عمود في الغرزه التاليه لهم (في اول عمود من ال6عمود التاليه )ثم اعملي 3عمود في ال3عمود التاليه ثم عمودين في خامس عمود (زياده) ثم عمود في سادس عمود (كده ال6عمود اصبحو 7عمود)*
كرري مابين العلامتين** حتي اخر السطر واعملي فوق ال3عمود اللي في اخر السطر كده(عمود-عمودين فوق العمود الاوسط-عمود)

السطر 3

ارتفعي ب3سلاسل ثم عمودين في العمود التالي ثم عمودين في العمودين التاليين(كده عندك 5عمود بما فيهم ال3سلاسل البدايه)*ثم 3سلاسل واعملي عمود في العمود التالي ثم 3سلاسل واعملي عمود في العمود التالي (اول عمود في الوحده المكونه من 7عمود)ثم اعملي 4عمود في ال4عمود التاليه ثم عمودين في العمود التالي لهم ثم عمود في اخر عمود من الوحده (كده عملتي 8عمود )*وكرري مابين العلامتين لغايه نهايه السطر اعملي في ال4عمود المكونه لنص الوحده عمودين في اول عمودين ثم عمودين في العمود الثالث ثم عمود في اخر عمود في السطر ولفي

السطر 4

3سلاسل كبدايه ثم اشتغلي السطر عادي زي السطر الثالث بدون ماتزودي في عدد عماويد الوحده

وده شكل السطر بعد ماتخلصيه

السطر 5

بسم الله
بدايه من السطر ده حانبدأ ننقص في الوحدات لتشكيلها
وحانضيف وحده تانيه فوق العمود اللي لوحده بين ال3سلاسل وال3سلاسل

ابدئي 3سلاسل- عمودين في العمودين التاليين-خدي العمودين التاليين في عمود واحد(تنقيص)
كده

وده الرمز لها

-ثم 3سلاسل --*ثم في العمود التالي اللي لوحده اعملي( 4عمود -ثم 3سلاسل-ثم 4عمود )-ثم 3سلاسل

- ثم عمود في عمودين(تنقيص)-ثم4عمود في ال4عمود التاليه من الوحده-ثمعمود في عمودين (كده ال8عمود في الوحده عملناهم 6)-ثم3سلاسل*وكرري مابين العلامتين**

ثم انهي السطر عند ال5غمود الاخيره كالتالي
عمود في عمودين ثم 3عمود ولفي
وده شكل السطر ده

السطر 6

3سلاسل ثم عمود في العمودين التاليين وخدي كل اللوبات في لوب واحد
(تنقيص ثلاثي)
بتبدئي ب3سلاسل

كده

وبعدين تعملي عمود علي العمود التالي ومش تنهيه تسيبي اخر لوب علي الابره
وبعدين كمان عمود علي العمود التالي وتسيبي برضه اخر لوب

وتلفي الخيط علي الابره

وتاخديهم كلهم في غرزه واحده

وبعدين تعملي 3سلاسل 1(وحايقابلك ال4عمود اللي عملتيهم فوق العمود اللي لوحده فاكراه
اجمعيهم كلهم في غرزه واحده كده
بتعملي عمود فوق كل عمود وتسيبي اخر لوب فيه علي الابره

وبعدين تلفي الخيط علي الابره وتجمعيهم كلهم في غرزه واحده

وبعدين 3سلاسل وفي اللوب اللي بين ال4عمود دول وال4عمود التاليه اعملي 4عمود -ثم 3سلاسل واجمعي ال4عمود التاليه في غرزه واحده -ثم3سلاسل
حايقابلك المجموعه المكونه من 6عمود-سيبي العمود الاول واجمعي ال4التاليين في غرزه واحده وسيبي العمود الاخير -ثم 3سلاسل-)2
كرري الخطوات من 1الي 2
حتي اخر 4عمود سيبي اول عمود واجمعي ال3التاليين في غرزه واحده ولفي</B></I>

بسم الله الرحمن الرحيم

السطر السابع

4سلاسل ثم عمود في نفس الغرزه -ثم4سلاسل وسيبي العمود المجمع التالي وفي ال4عمود التاليه (اللي عملتيهم في اللوب )اعملي التالي
1*عمودين في اول عمود -ثم عمودين في ثاني عمود ثم 4سلاسل ثم عمودين في ثالث عمود ثم عمودين في رابع عمود*
وسيبي العمود المجمع التالي -4سلاسل-ثم في العمود المجمع اللي بعده (اللي فوق الوحده )*اعملي عمود 3سلاسل -عمود *
ثم 4سلاسل2
وكرري من اول الرقم 1الي الرقم2 حتي اخر عمود مجمع في السطر اعملي فيه( عمود-سلسله-عمود) ولفي

وده شكل السطر

السطر الثامن

4سلاسل ثم عمود في اللوب المكون من سلسله او في السلسله نفسها
1(4سلاسل وحايقابلك ال4عمود خديهم مع بعض في عمود مجمع ثم 3سلاسل
وفي اللوب اللي في الوسط اعملي 4عمود ثم3سلاسل وخدي ال4عمود التاليين في عمود مجمع

- ثم 4سلاسل واعملي( عمود -3سلاسل-عمود) في اللوب الاوسط اللي بين العمودين التاليين )2
وكرري من 1الي2 حتي اخر عمودين اعملي عمود في السلسله اللي بينهم ثم عمود في اخر عمود ولفي

السطر التاسع
ابدئي ب4سلاسل-ثم 2عمود في العمود التالي- 1(ثم4سلاسل-ثم حايقابلك ال4عمود اللي عملتيهم في اللوب اعملي عمودين في اول عمود- ثم عمودين في ثاني عمود- ثم 4سلاسل- ثم عمودين في ثالث عمود- ثم عمودين في رابع عمود - ثم 4سلاسل -حايقابلك العموين اللي عملتيهم في اللوب اعملي عمودين في اول عمود ثم سلسلتين ثم عمودين في ثاني عمود )2
وكرري من 1الي2 حتي نهايه السطر اعملي عمودين في اول عمود ثم سلسله ثم عمود في اخر عمود ولفي

السطر العاشر

ابدئي ب4سلاسل -ثم عمودين في العمود الثاني ثم عمود في العمود الثالث(من ال3عمود في بدايه السطر)-1(ثم4سلاسل-ثم جمعي ال4عمود التالي في غرزه واحده -ثم 3سلاسل-ثم 4عمود في اللوب الاوسط -ثم3سلاسل-ثم جمعي ال4عمود التاليه في غرزه واحده -ثم 4سلاسل
ثم عمود في اول عمود من العمودين التاليين-ثم عمودين في ثاني عمود -ثم سلسلتين-ثم عمودين في اول عمود من العمودين التاليين -ثم عمود في ثاني عمود )2-
كرري من ا الي 2 حتي نهايه السطر منتهيه بعمود في اول عمود من ال3عمود للنهايه ثم عمودين في ثاني عمود ثم سلسله ثم عمود في اخر عمود ولفي

اسفه انى هقاطعك
ما شاء الله عليكى يا استاذتنا
جارى الحفظ للتنفيذ للصيف الجاى
جزاكى الله كل خير

ماشاء الله تبارك الله الله يجازيك كل الخير ويبارك لك في اولادك ومالك كل من تحبي.......اللهم امين
انا اسفه جدا اذا كنت ازعجتك وعطلتك ولكن سماحتك وعطائك يخلينا طماعين اوي..... لك كل الشكر والتقدير

ماشاء الله تبارك الرحمن
أبلة أم قسمت ايه الشرح الحلو دا
شرح سهل ووافي ورائع بمعنى الكلمة
جعله الله في ميزان حسناتك

الف شكر حبيبتي ام قسمت الله يعطيك الف عافية
على كرمك وسعت صدرك
الله يجزاك كل خير
الشرح رائع جدا
تسلم الايادي

ماشاء الله
بارك الله فيك

الله يجازيك كل خير على قد ما تسعدي الاخارين باعمالك
الخيرة وان شاء الله السميع العليم يكون في ميزان حسناتك
ويعطيك الله كل ما تتمني من خير الدنيا والاخره

تسلم ايديك وعينيك ياستى
الشرح اكتر من رائع تسلمى

ماشاءالله شرح واضح جداا و ممتاز

و البوليروو رائع ,, تسلم ايديك و عينيك ماما قسمت

و ملبوس الهناء اللي راح تلبسه